கோலியாத் சிலந்தி
| கோலியாத் பறவை உண்ணும் சிலந்தி | |
|---|---|
| |
| தெரபோசா பிலோண்டி, முதிர் உயிரி | |
Not evaluated (IUCN 3.1)
| |
| உயிரியல் வகைப்பாடு | |
| திணை: | |
| தொகுதி: | |
| வகுப்பு: | |
| வரிசை: | |
| துணைவரிசை: | மைகளோமார்பெ
|
| குடும்பம்: | தெரபோசிடே
|
| பேரினம்: | |
| இனம்: | தெ. பிலோண்டி
|
| இருசொற் பெயரீடு | |
| தெரபோசா பிலோண்டி (லேட்டரய்லி, 1804) | |
| வேறு பெயர்கள் | |
| |
கோலியாத் சிலந்தி (Goliath birdeater)(தெரபோசா பிளாண்டி) தாரான்டுலா சிலந்திக் குடும்பமான தெரபோசிடேயைச் சேர்ந்தது. வடக்கு தென் அமெரிக்காவின் மழைக் காடுகளில் காணப்படும் இந்த சிலந்தியின் எடை 175 கிராம் (6.2 அவுன்ஸ்) உரையும் உடல் நீளம் 13 செ.மீ (5.1 அங்குலம்) வரையும் இருக்கும். கால் இடைவெளியில் இராட்சச வேட்டையாடும் சிலந்திக்கு அடுத்தபடியாக இது உலகின் மிகப்பெரிய சிலந்தியாகும்.[1] இது கோலியாத் பறவை உண்ணும் சிலந்தி என்றும் அழைக்கப்படுகிறது.[2] இந்தச் சிலந்தி உருவம் மற்றும் எடையின் அடிப்படையில் உலகின் மிகப்பெரிய சிலந்தி ஆகும். ஆனால் கால் நீட்ட அளவில் இந்தச் சிலந்தி பெரிய வேட்டைக்காரச் சிலந்திக்கு அடுத்து மிகப்பெரிய சிலந்திகளில் இரண்டாவதாக உள்ளது. 18ஆம் நூற்றாண்டின் ஆரம்பக் காலத்திலிருந்து மரியா சிபிலா மெரியான் என்பவரால் "பறவையுண்ணி" என இச்சிலந்தியினை அழைக்கப்படும் நடைமுறை உள்ளது. இந்தப் பெயருக்கு ஏற்றவாறு இது சிறு பறவைகளை உண்ணுகிறது.[3][2]
வாழ்விடம்
[தொகு]கோலியாத் பறவை உண்ணும் சிலந்தியானது வடக்கு தென் அமெரிக்காவில் உள்ள மேய்ச்சல் வனப்பகுதிகளில் காணப்படுகிறது. சுரிநாம், கயானா, பிரெஞ்சு கயானா, வடக்கு பிரேசில் மற்றும் தெற்கு வெனிசுவேலா ஆகிய இடங்களில் காணப்படுகிறது. குறிப்பாக அமேசான் மழைக்காடுகளில் காணப்படுகிறது. இந்தச் சிலந்தி சதுப்பு நிலம், ஆழமான புற்கள் உள்ள இடங்களில் வாழ்கிறது. இது ஒரு இரவு நேர உயிரியாகும்.[4]
வாழ்க்கை சுழற்சி
[தொகு]கோலியாத் பெண் சிலந்தி பிற சிலந்தி இனங்களைப் போல் இனச்சேர்க்கையின் போது ஆண் சிலந்திகளை அரிதாகவே உண்ணுகின்றன. பெண் சிலந்தி 3 முதல் 6 ஆண்டுகளில் முதிர்ச்சியடைந்து விடுகிறது. பெண் சிலந்திகளின் சராசரி ஆயுட்காலம் 15 முதல் 25 வருடங்கள் ஆகும். ஆண் சிலந்திகளின் சராசரி ஆயுட்காலம் 3 முதல் 6 வருடங்கள் ஆகும். ஆண் சிலந்திகள் முதிர்ச்சிக்குப் பிறகு இறந்து விடுகிறது. கோலியாத் சிலந்தியின் உடல், வயிறு, கால்கள் ஆகியவற்றில் முடிகள் காணப்படுகின்றன. பெண் சிலந்திகள் 100 முதல் 200 முட்டைகள் வரை இடுகின்றன. சிலந்திகள் இடும் முட்டையானது ஆறு முதல் எட்டு வாரத்தில் பொரித்து இரண்டு முதல் மூன்று வருடங்களுக்குள் இளம் சிலந்தி நிலையை அடைகின்றது.[5][6]
உடல் அமைப்பு
[தொகு]கோலியாத் சிலந்தி 28 செ.மீ. (11 அங்குலம்) கால் நீட்ட இடைவெளியினைப் பெற்றுள்ளன. இதன் உடல் நீளம் 11.9 செ.மீ. (4.7 அங்குலம்) ஆகும்.[7] உடல் எடை 175 கிராம் (6.2 அவுன்ஸ்) வரை இருக்கும்.[8] பெரும்பாலான துராண்ட்டுலா இன சிலந்திகளில் முதல் இணைக்கால்களில் இருக்கும் முன்காற் நீட்சிகள் கோலியாத் சிலந்திகளில் காணப்படுவதில்லை. இவை பெரும்பாலும் பழுப்பு முதல் வெளிர் பழுப்பு வரை மற்றும் தங்க நிறத்தில் இருக்கும்
பாதுகாப்பு
[தொகு]கோலியாத் பறவை உண்ணும் சிலந்திகள் அச்சுறுத்தப்படும் போது, தங்களின் வயிற்றின் பின்னங்காலினை தேய்த்து தன் பழுப்பு நிற முடிகளை உதிர்த்து தோலில் கடுமையான எரிச்சலை உண்டுசெய்கின்றன.[9][10] இந்த எரிச்சலை உண்டாக்கும் முடிகள் மனிதர்களுக்குத் தீங்கு விளைவிக்கக் கூடியது. இந்த கோலியாத் பறவை உண்ணும் சிலந்திதான் துராண்ட்டுலா இனங்களில் அதிக தீமை விளைவிக்கக் கூடியதாகும். அனைத்து துரண்டுலா இன சிலந்திகளைப் போல, கோலியாத் பறவை உண்ணும் சிலந்தி ஒரு மனித தோலினை உடைப்பதற்கு போதுமான விடப் பைகளையும் முட்களையும் (1.9-3.8 செமீ அல்லது 0.75-1.50 உள்ள) கொண்டுள்ளன.[10] இவை தங்களை அச்சுறுத்தும் போது விடப் பற்களினால் தாக்கத் தெரிந்து வைத்து இருக்கின்றன. ஆனால் இந்த சிலந்திகளின் விடம் குளவியின் விடத்திற்குச் சமமானது ஆகும். இந்த வகை சிலந்திகள் பொதுவாக மனிதர்களைத் தற்காப்பிற்காக மட்டுமே கடிக்கிறது. இவை பெரும்பாலும் ("உலர்ந்த கடி" என்று அழைக்கப்படுகின்றன) மோசமான விளைவை ஏற்படுத்தாது.
உணவுமுறை
[தொகு]கோலியாத் பறவை உண்ணும் சிலந்தி என்ற பெயரை இச்சிலந்தி கொண்டிருந்தாலும் இந்த சிலந்திகள் பறவைகளை இவை முதன்மை உணவாக உண்ணுபதில்லை. மாறாகக் காட்டுப்பகுதியில் காணப்படும் மண்புழுக்கள் மற்றும் சிறிய தேரைகள் போன்றவை இதன் முதன்மையாக உணவாக உள்ளது.[11] இவற்றின் அளவு மற்றும் சந்தர்ப்பவாத வேட்டையாடும் நடத்தை காரணமாக இந்த இனங்கள் பல்வேறு வகையான பூச்சிகள் மற்றும் நிலத்தில் வாழும் சில முதுகெலும்பு உயிரிகளை உண்ணுகின்றன. பொதுவாக இந்த கோலியாத் சிலந்தி, எலி, தவளை, தேரை, பல்லி மற்றும் பாம்பு முதலியவற்றினை உணவாக உட்கொள்கின்றன.[12]
உணவாக
[தொகு]கோலியாத் சிலந்தியானது உணவாக உண்ணக்கூடிய சிலந்தி ஆகும். இச்சிலந்தியினை வடகிழக்கு தென் அமெரிக்காவில் உள்ள உள்ளூர் உணவு வகைகளின் ஒரு பகுதியாகும். இதன் உரோம முடிகளை வாழை இலைகளில் வறுத்து உணவுத் தயாரிக்கப்படுகிறது. இச்சிலந்தியின் சுவை "இறால்" போன்றது என்று விவரிக்கப்படுகிறது.[13]
மேற்கோள்
[தொகு]- ↑ World's biggest spider face-off - see which bug wins here பரணிடப்பட்டது அக்டோபர் 23, 2014 at the வந்தவழி இயந்திரம்
- ↑ 2.0 2.1 "Tarántula Goliat: La araña más grande del mundo". Infoterio Noticias | Ciencia y Tecnología (in ஸ்பானிஷ்). பார்க்கப்பட்ட நாள் 2023-02-09.
- ↑ Herzig, Volker; King, Glenn F. (2013). "The Neurotoxic Mode of Action of Venoms from the Spider Family Theraphosidae". In Nentwig, Wolfgang (ed.). Spider Ecophysiology. Springer. p. 203. பன்னாட்டுத் தரப்புத்தக எண் 978-3-642-33989-9.
- ↑ Striffler, Boris F. (November 2005). "Life history of Goliath Birdeaters – Theraphosa apophysis and Theraphosa blondi (Araneae, Theraphosidae, Theraphosinae)". Journal of the British Tarantula Society 21 (1): 26–33. பன்னாட்டுத் தர தொடர் எண்:0962-449X. http://tarantulas.tropica.ru/Striffler%282005%29Theraphosa_spp_BTS_%20J_21_1.pdf. பார்த்த நாள்: 10 September 2013.
- ↑ "Goliath Bird-Eater Spider". Spiders Worlds. பார்க்கப்பட்ட நாள் 11 November 2018.
- ↑ "Goliath Bird Eating Spider". Blue Planet Biomes. 2003. Archived from the original on 19 July 2018. பார்க்கப்பட்ட நாள் 11 November 2018.
- ↑ "Goliath Birdeater". Animals (in ஆங்கிலம்). 2018-12-17. பார்க்கப்பட்ட நாள் 2020-12-04.
- ↑ Goliath Bird-Eating Spider பரணிடப்பட்டது 2016-04-16 at the வந்தவழி இயந்திரம், Arkive
- ↑ Perez-Miles, Fernando; Montes de Oca, Laura; Postiglioni, Rodrigo; Costa, Fernando G. (December 2005). "The stridulatory setae of Acanthoscurria suina (Araneae, Theraphosidae) and their possible role in sexual communication: an experimental approach". Iheringia, Série Zoologia 95 (4): 365–371. doi:10.1590/S0073-47212005000400004. http://www.scielo.br/pdf/isz/v95n4/29092.pdf.
- ↑ 10.0 10.1 Lewis, Tanya (18 October 2016). "Goliath Birdeater: Images of a Colossal Spider". Live Science. பார்க்கப்பட்ட நாள் 20 February 2017.
- ↑ Lewis, Tanya (17 October 2014). "Goliath Encounter: Puppy-Sized Spider Surprises Scientist in Rainforest". Live Science. Archived from the original on 24 November 2017.
- ↑ Menin, Marcelo; Rodrigues, Domingos De Jesus; de Azevedo, Clarissa Salette (October 2005). "Predation on amphibians by spiders (Arachnida, Araneae) in the Neotropical region". Phyllomedusa 4 (1): 39–47. doi:10.11606/issn.2316-9079.v4i1p39-47. பன்னாட்டுத் தர தொடர் எண்:1519-1397. http://www.revistas.usp.br/phyllo/article/view/42634/46303.
- ↑ Dell'Amore, Christine (20 October 2014). "Puppy-Size Tarantula Found: Explaining World's Biggest Spider". National Geographic Blog. Archived from the original on 15 December 2018.