ஆரணி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஆரணி
சில்க் சிட்டி
அரிசி நகரம்
தேர்வு நிலை நகராட்சி
ஆரணி is located in தமிழ் நாடு
ஆரணி
ஆரணி
ஆரணி is located in இந்தியா
ஆரணி
ஆரணி
இந்திய வரைபடத்தில் உள்ள இடம்.
ஆள்கூறுகள்: 12°40′30″N 79°17′04″E / 12.6751077°N 79.2843245°E / 12.6751077; 79.2843245ஆள்கூற்று: 12°40′30″N 79°17′04″E / 12.6751077°N 79.2843245°E / 12.6751077; 79.2843245
நாடு இந்தியா
மாநிலம்தமிழ்நாடு
மாவட்டம்திருவண்ணாமலை
மண்டலம்தொண்டை மண்டலம்
அமைந்துள்ள இடம்வட தமிழகம்
அரசு
 • வகைதேர்வு நிலை நகராட்சி
 • Bodyஆரணி தேர்வு நிலை நகராட்சி
 • மக்களவைத் தொகுதிஆரணி மக்களவைத் தொகுதி
 • மக்களவை உறுப்பினர்எம்.கே.விஷ்ணுபிரசாத்
 • சட்டமன்ற உறுப்பினர்சேவூர்.இராமச்சந்திரன்
 • மாவட்ட ஆட்சியர்திரு கே. எஸ். கந்தசாமி,இ. ஆ. ப.
பரப்பளவு[1]
 • மொத்தம்13.64
ஏற்றம்171
மக்கள்தொகை (2011)
 • மொத்தம்63,671
 • தரவரிசை76
இனங்கள்ஆரணிக்காரன்
மொழிகள்
 • அலுவல்மொழிதமிழ்
நேர வலயம்இசீநே (ஒசநே+5:30)
அஞ்சல் குறியீடு632301, 632316
இந்தியாவில் தொலைபேசி எண்கள்04173
வாகனப் பதிவுTN 97
சென்னையிலிருந்து தொலைவு141 கி.மீ
திருவண்ணாமலையிலிருந்து தொலைவு64 கி.மீ
வேலூரிலிருந்து தொலைவு38 கி.மீ
காஞ்சிபுரத்திலிருந்து தொலைவு63 கி.மீ
விழுப்புரத்திலிருந்து தொலைவு93 கி.மீ
படிமம்:FB IMAGE 1571146512371.jpg
ஆரணி பட்டு நகரம்

ஆரணி (அ) ஆரணி பட்டு நகரம் (அ) ஆரணி அரிசி நகரம்(ஆங்கிலம்:Arani), இந்தியாவின் தமிழ்நாடு மாநிலத்தில் அமைந்துள்ள திருவண்ணாமலை மாவட்டம், ஆரணி வட்டத்தின் நிர்வாகத் தலைமையிடமும், 33 நகராட்சி மன்ற உறுப்பினர்களுடன் கூடிய தேர்வு முதல் நிலை நகராட்சியும் உள்ளது. ஆரணி சட்டமன்றத் தொகுதி ஆரணி ஊராட்சி ஒன்றியம் மற்றும் ஆரணி மேற்கு ஊராட்சி ஒன்றியம் ஆகியவற்றின் நிர்வாகத் தலைமையிடம் ஆகும். இங்கு நகராட்சி நிர்வாக அலுவலகம்,ஆரணி வட்டாரப் போக்குவரத்து அலுவலகம்(TN 97), ஆரணி வருவாய் கோட்ட அலுவலகம், வட்டார வளர்ச்சி அலுவலகம், ஊராட்சி ஒன்றிய அலுவலகம் , பாஸ்போர்ட் மற்றும் அஞ்சல் துறை அலுவலகம், மின் பகிர்மான தலைமை அலுவலகம், மாவட்ட ஒருங்கிணைந்த நீதிமன்றம், பல்கலைக்கழகப் பொறியியற் கல்லூரி, மற்றும் ஆரணி கல்வி மாவட்ட அலுவலகம் ஆகிய அலுவலகங்கள் ஆரணியில் அமைந்துள்ளது. அதுமட்டுமில்லாமல் ஆரணி மக்களவைத் தொகுதியின் தலைமையிடமும் ஆரணியில் தான் அமைந்துள்ளது.

திருவண்ணாமலை மாவட்டத்தில் ஆரணி இரண்டாவது பெரிய நகரமாகும். இங்கு காஞ்சிபுரத்திற்க்கு அடுத்தப்படியாக பட்டுப்புடவைகளுக்கு மற்றும் பொன்னி ரக அரிசி வகைகளுக்கும் பெயர் இந்த ஆரணி நகரம். ஆரணி பட்டுப்புடவைகளுக்கு பெயர் பெற்றிருப்பதனால் ஆரணிக்கு இன்னும் ஒரு பெயரும் உண்டு. அது ஆரணி பட்டு நகரம் (ஆரணி சில்க் சிட்டி) எனவும் அழைப்பர். அது மட்டுமல்லாமல் திருவண்ணாமலை மாவட்டத்தில் அதிக வருவாய் ஈட்டித்தரும் நகரமாக ஆரணி நகரம் உள்ளது. தமிழ்நாட்டில் மிக அதிக மக்கள் தொகை கொண்ட நகரங்களின் பட்டியலில் ஆரணி 76 வது பெரிய நகரமாக உள்ளது.

புவியியல்[தொகு]

இவ்வூரின் அமைவிடம் 12°40′N 79°17′E / 12.67°N 79.28°E / 12.67; 79.28 ஆகும்.[2] கடல் மட்டத்தில் இருந்து இவ்வூர் சராசரியாக 151 மீட்டர் (495 அடி) உயரத்தில் இருக்கின்றது.

அமைவிடம்[தொகு]

ஆரணி கமண்டல நாகநதி கரையில் அமைந்துள்ளது.12.67°N 79.28°E ஆரணி சென்னையிலிருந்து 126 கி.மீ தொலைவிலும், வேலூரிலிருந்து 38 கி.மீ தொலைவிலும், இராணிப்பேட்டையிலிருந்து 35 கிமீ தொலைைிலும், திருத்தணியிலிருந்து 85 கிமீ தொலைவிலும், திருவண்ணாமலையிலிருந்து 60.கி.மீ தொலைவிலும், விழுப்புரத்திலிருந்து 93 கி.மீ தொலைவிலும் மற்றும் காஞ்சிபுரத்திலிருந்து 63 கி.மீ தொலைவிலும் அமைந்துள்ளது.

சாலை வசதிகள்[தொகு]

பல்வேறு நன்கு அமைக்கப்பட்ட சாலைகள் மூலம் ஆரணி‌ நகரம் இணைக்கப்பட்டுள்ளது,

ஆகிய முக்கிய சாலைகள் ஆரணியை இணைக்கின்றன.ஆரணிக்கு வெளியே ஆரணியை இணைக்க சென்னை (ஆற்காடு) சாலை, சென்னை சாலை மற்றும் கடலூர் சாலை ஒரு பைபாஸ் சாலை பணிகள் நிறைவடைந்துள்ளன.

ஆரணி நகரில் ஆற்காடு(சென்னை) சாலை

ரயில் போக்குவரத்து வசதிகள்[தொகு]

இதனையும் காண்க - ஆரணி சாலை தொடருந்து நிலையம்

ஆரணி வழியாக ரயில்கள் இணைக்க நகரியில் இருந்து திண்டிவனம் பாதை மத்திய அரசு மூலம் திட்டம் தீட்டப்பட்டு உள்ளது. அத்துடன், ஆரணி சைதாபேட்டையில் அமைய வேண்டிய நிலையம் தனியார் பேருந்து நல முதலாளிகள் நீதிமன்றம் மூலம் தடை உத்தரவு பெற்றுள்ளதால் ரயில் நிலையம் களம்பூருக்கு மாற்றப்பட்டது.ஆரணிக்கு அருகில் உள்ள ரயில் நிலையம் களம்பூர். இது 10.7 கி.மீ (6.65 mi) தொலைவில் ஆரணி-திருவண்ணாமலை சாலையில் அமைந்துள்ளது.

போக்குவரத்து வசதிகள்[தொகு]

ஆரணி பேருந்து போக்குவரத்து நிர்வாக வசதிக்காக ஆரணியில் இரண்டு பேருந்து நிலையங்கள் அமைக்கப்பட்டுள்ளன. அவை:

1. புதிய பேருந்து நிலையம் (அ) ஆரணி கோட்டை பேருந்து நிலையம்

2. பழைய பேருந்து நிலையம் (அ) புரட்சி தலைவர் டாக்டர் எம்.ஜி.ஆர் பேருந்து நிலையம்

  • தமிழகத்தின் தலைநகரான சென்னைக்கு (தடம் எண் - 202) 10 நிமிடங்களுக்கு ஒரு பேருந்து இயக்கப்படுகிறது. இவற்றில் (தடம் எண் - 202UD) UD(ULTRA DELUXE) எனப்படும் சொகுசு பேருந்துகள், விரைவு பேருந்து சேவைகளும் மற்றும் இடைநில்லா பேருந்து எனப்படும் அதிவிரைவு பேருந்து சேவைகளும் இயக்கப்படுகிறது.

சொற்பிறப்பியல்[தொகு]

ஆரண்யம் என்பது அத்தி மரம். ஆரணிக்கு வடக்கே கமண்டல நாக நதி ஆறுஉள்ளது. நதியும் மரமும் ஆபரணமாக உள்ளதால் ஆரணி எனப்படுகிறது.

வரலாறு[தொகு]

பல்லவர்களை  தோற்கடித்தபின் சோழர்கள் ஆரணியை ஆட்சி செய்தனர். பிறகு குலோத்துங்க சோழன் I, விக்கிரம சோழன் மற்றும் குலோத்துங்க சோழன் II ஆகிய சோழ அரசர்கள் ஆண்டனர்.[சான்று தேவை]

ஆரணியில் விஜயநகரப் பேரரசு ஆட்சி செய்த போது  தசரா விழா விமரிசையாகக் கொண்டாடப்பட்டது.[சான்று தேவை]

நிர்வாகவியல்[தொகு]

  • ஆரணி பல்லவர்கள், மற்றும் தொண்டை நாட்டினை ஆண்ட மன்னர்கள் மற்றும் சிவாஜி, ஜாகீர் ஆகிய மன்னர்கள் ஆண்டனர்.

ஆரணிக் கோட்டை[தொகு]

அகழியால் சூழப்பட்ட ஒரு கோட்டை பகுதியில் உள்ள  நகரம் ஆகும். இக்கோட்டை பகுதியில் வீடுகள் வன துறை, துணை சிறை, பதிவு அலுவலகம், காவல் நிலையம், மகளிர் காவல் நிலையம், விவசாய அலுவலகம், அரசு சிறுவர்கள் உயர்நிலைப்பள்ளி, அரசு பெண்கள் உயர்நிலைப்பள்ளி மற்றும் சுப்ரமணிய சாஸ்திரி உயர்நிலைப்பள்ளி ஆகியன அமைந்துள்ளன.

ஆரணிப்பட்டு நகரம்[தொகு]

ஆரணியில் நெசவு செய்யப்படுகிற பட்டு சேலை
ஆரணி பட்டு புடவைகள்
  • நகரத்தில் பட்டு நெசவாளர்கள் நிபுணத்துவம் செய்யும் பட்டு புடவைகள், கைத்தறிகள்உள்ளன. அடிக்கடி பயன்படுத்தப்படும் நெசவு, என்றாலும் சமீபத்தில் இயந்திரமயமான முறைகள் போன்ற மின் தறிகள் உள்ளன. இந்தியாவின் பட்டு ஆடைகளை உற்பத்தி செய்யும் நகரம் ஆரணி ஆகும்.
  • சேலை என்பது நான்கு கெஜம் முதல் ஒன்பது கெஜம் வரை நீளமுள்ள தைக்கப்படாதத் துணி ஆகும்[2]. சாடி என்ற சமஸ்கிருத சொல்லை வேர்ச்சொல்லாகக் கொண்ட சேலை குறித்த குறிப்புகள் ஐந்தாவது, ஆறாவது நூற்றாண்டு காலத் தமிழ் இலக்கியங்களில் காணப்படுகின்றன.[3]தங்கச் சரிகை வேலைப்பாடுகள் இச்சேலையில் உள்ளது.
  • காஞ்சிபுரம் திற்கு அடுத்தப்படியாக பட்டுப்புடவைகளுக்கு பெயர் பெற்றது இந்த ஆரணி பட்டு நகரம். மாவட்டத்தில் அதிக வருவாய் ஈட்டித்தரும் நகரமாக ஆரணி நகரம் உள்ளது.
  • ஆரணி சேலை உற்பத்தியில் மற்றும் விற்பனையில் ஆரணி பட்டுப் புடவைகளுக்கு 2018 ஆம் ஆண்டு தேசிய விருது பெற்றுள்ளது. ஆரணி சேலை புவிசார் குறியீடுபெற்றுள்ளது.[4]

ஆரணி அரிசி நகரம்[தொகு]

ஆரணி - திருவண்ணாமலை சாலையிலுள்ள ஒரு நெல் வயல்
  • ஆரணி அரிசி (Arni Rice) என்பது இந்திய[1]நாட்டில் உள்ள தமிழ் நாட்டைச் சேர்த்த ஓர் நகரமான ஆரணியில் தயாரிக்கப்படும் தரமான அரிசி ஆகும்.[2] இந் நகரில் நூற்றுக்கணக்கான ஆலைகள் உள்ளன. மேலும் இந் நகரில் இருந்து நாட்டின் பல்வேறு பகுதிகளுக்கு இவ்வரிசி விற்பனைக்கு செல்கிறது.[3] இவை தவிர மாநிலத்தின் பல்வேறு பகுதிகளில் இருந்து வரும் நெல் வகைகள் இங்கிருக்கும் அரிசி ஆலைகளில் அரைக்கப்படுகிறது. இப்பகுதியில் கிடைக்கும் தண்ணீரின் இராசிதான் அரிசி தரமாக இருக்கக் காரணம் என்று மக்கள் நம்புகின்றனர்.
  • தற்போது தமிழ்நாட்டில் அரிசி உற்பத்தியில் திருவண்ணாமலை மாவட்டம் தான் முன்னனியில் உள்ளது.அரிசி உற்பத்தியில் முன்னணி பெற்றதால் ஆரணி அரிசிக்கு ஜிம் விருதும் மற்றும் தேசிய அளவில் தேசிய விருதும் 2018 ஆம் ஆண்டு இந்திய அரசால் வழங்கப்பட்டது.

அரசியல் நிர்வாகம்[தொகு]

நகராட்சி அதிகாரிகள்
தலைவர்
ஆணையர்
தேர்ந்தெடுக்கப்பட்ட உறுப்பினர்கள்
சட்டமன்ற உறுப்பினர் சேவூர். இராமச்சந்திரன்
மக்களவை உறுப்பினர் எம்.கே. விஷ்ணு பிரசாத்

பல்கலைக்கழகப் பொறியியற் கல்லூரி[தொகு]

பல்கலைக்கழகப் பொறியியற் கல்லூரி - ஆரணி, தச்சூரில் அண்ணா பல்கலைக்கழகத்தின் கீழ் இயங்கும் ஒரு அரசுப் பொறியியல் கல்லூரி ஆகும்.இந்தக் கல்லூரி 2009 ஆம் ஆண்டு, ஆரணிக் கோட்டையில் செயல்பட துவங்கியது. கல்லூரிக்கென சொந்தக் கட்டிடம் கட்டப்பட்ட பிறகு அங்கு செயல்படத் துவங்கியது.

இதனையும் காண்க[தொகு]


ஆதாரங்கள்[தொகு]

  1. "District Census Handbook : Tiruvannamalai" (PDF). பார்த்த நாள் 21 June 2017.
  2. "Arani". Falling Rain Genomics, Inc. பார்த்த நாள் அக்டோபர் 20, 2006.
  3. Arani Population Census 2011


"https://ta.wikipedia.org/w/index.php?title=ஆரணி&oldid=2819352" இருந்து மீள்விக்கப்பட்டது