அடியர்

அடியர் / இரவுலா

இரவுலா பழங்குடியினர் நிகழ்த்திய கம்பாலா நடனம்
மொத்த மக்கள்தொகை
41,885
குறிப்பிடத்தக்க மக்கள்தொகை கொண்ட பகுதிகள்
இந்தியா
கருநாடகம்	30,359
கேரளா	11,526
மொழி(கள்)
இரவுலா • மலையாளம்
சமயங்கள்
ஆன்ம வாதம் • இந்து

அடியர் அல்லது இரவுலா (Ravula, மலையாளத்தில் அடியர், கன்னடத்தில் யெரவுலா) எனப்படுவோர் கேரளா மற்றும் கருநாடகாவில் வாழுகின்ற ஒரு பழங்குடியினர் ஆவர். இவர்கள் பொதுவாக பேசும் மொழி ரவுலா மொழி என்று அழைக்கப்படுகிறது. இவர்கள் கேரளாவின் கண்ணூர் மற்றும் வயநாடு மாவட்டங்களிலும், கருநாடகாவின் குடகு மாவட்டத்திலும் வாழ்கின்றனர். இவர்களில் பெரும்பாலோர் விவசாயத் தொழிலாளர்களாகவும் உள்ளனர். இவர்கள் கடந்த காலத்தில் விவசாய பண்ணையடிமைகள் என்று நம்பப்படுகிறது. அடியன் என்ற சொல்லுக்கு அடிமை என்று பொருள்.

இவர்களின் குடியிருப்புகள் 'குஞ்சு' என்று அழைக்கப்படுகின்றன. இவர்கள் ஒரே மாதிரியானவர்கள், பெரும்பாலும் பேச்சுவார்த்தை திருமணத்தை கடைப்பிடிக்கின்றனர், இருப்பினும் இவர்களிடையே பல காதல் திருமணங்களும் நடைபெறுகின்றது.

தற்போது இரவுலா சமூகத்தினர் மிகவும் பின்தங்கிய நிலையில் உள்ளார். இவர்கள் பெரும்பாலும் காபி தோட்டங்கள் மற்றும் தேயிலைத் தோட்டங்களில் விவசாயத் தொழிலாளர்களாகவும், சிலர் வனத்துறையிலோ அல்லது பிற தொழில்களிலோ வேலை செய்கிறார்கள். யெரவுலா பழங்குடியினர் மந்திரங்கள் மற்றும் ஆன்மீகத்தை நம்புகின்றனர். மேலும் இவர்கள் சாமுண்டேஸ்வரியம்மா மற்றும் காவேரியம்மா போன்ற இந்து தெய்வங்களை வழிபாடு செய்கின்றனர். இவர்கள் தாங்கள் சொந்தமாகவே, மருந்துகளை தயாரித்து பயன்படுத்துகின்றனர்.

இவர்கள் தமிழ்நாடு அரசு இடவொதுக்கீட்டு பட்டியலில், பட்டியலிடப்பட்ட பழங்குடிகள் வகுப்பில் உள்ளனர்.

கலாச்சாரம்

சூனியத்தில் நம்பிக்கை கொண்ட இவர்களிடையே பல பழக்கவழக்கங்கள் மற்றும் சடங்குகள் பின்பற்றப்படுகின்றன. காதிகா என்பது நோய்களைக் குணப்படுத்தவும், துன்பங்கள் மற்றும் கண் திருஷ்டியைத் தடுக்கவும், பாதுகாப்பான குழந்தைப் பேற்றிற்காகவும், அவர்களால் நிகழ்த்தப்படும் ஒரு சடங்கு நடன வடிவமாகும்.