சகாரா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சகாரா (الصحراء الكبرى)
பெரும்பாலைவனம்
பாலைவனம்
Sahara satellite hires.jpg
நாசாவால் எடுக்கப்பட்ட சகாரா பாலைவனத்தின் தோற்றம்/
நாடுகள் அல்ஜீரியா, சாட், எகிப்து, எரித்ரியா, லிபியா, மாலி, மௌரிடானியா, மொரோகோ, நைகர், சூடான், துனிசியா, மேற்கு சகாரா
மிகவுயர் புள்ளி எமி கௌசி 11,204 ft (3,415 m)
 - ஆள்கூறுகள் 19°47′36″N 18°33′6″E / 19.79333°N 18.55167°E / 19.79333; 18.55167
மிகத்தாழ் புள்ளி கட்டாரா தாழ்மையம் −436 ft (−133 m)
 - coordinates 30°0′0″N 27°5′0″E / 30.00000°N 27.08333°E / 30.00000; 27.08333
நீளம் 4,800 கிமீ (2,983 மைல்), E/W
அகலம் 1,800 கிமீ (1,118 மைல்), N/S
பரப்பு 94,00,000 கிமீ² (36,29,360 ச.மைல்)
Biome பாலைவனம்

சஃகாரா அல்லது சஹாரா பாலைவனம் (அரபு:الصحراء الكبرى)ஆப்பிரிக்காவின் வடபகுதியில் அமைந்துள்ள உலகின் மிகப்பெரிய சுடு பாலைவனம் ஆகும். குளிர்பனிப் பாலை நிலமாக அண்டார்ட்டிக்காவைக் கொண்டால் சகாரா பாலைவனம் இரண்டாவது மிகப் பெரிய பாலை ஆகும். இதன் பரப்பளவு 9,000,000 சதுர கிலோமீட்டர்களாகும் (3,500,000 சதுர மைல்கள்). இப் பரப்பானது ஏறத்தாழ ஐக்கிய அமெரிக்க நாடுகள் அளவுக்கு பெரியதாகும். இப் பாலைவனம் ஏறத்தாழ 2.5 மில்லியன் ஆண்டுப் பழமை வாய்ந்தது. அதற்கு முன் இங்கே ஏரிகளும் ஆறுகளும் இருந்தன.இப்பாலைவனம் செங்கடலில் ஆரம்பித்து மெடிட்டேரியன் கடற்பகுதி மற்றும் அட்லான்டிக் பெருங்கடல் ஆகிய நீர்ப்பரப்புகளை இணைக்கின்றது.

இங்குள்ள சில மணற்குன்றுகள் கிட்டத்தட்ட 180மீ (590 அடி) உயரம் வரை இருக்கும். சகாரா என்னும் பெயர் பொதுவாக வழங்கினாலும், இது அரபு மொழியிற் பாலைவனம் என்னும் சொல்லாகிய சஹ்றா (இந்த ஒலிக்கோப்பு பற்றி صحراء) என்பதில் இருந்து எழுந்ததாகும்.

அமைவிடம்[தொகு]

சஹாரா பாலைவனம் மேற்கில் அட்லாண்டிக் கடலும், வடக்கு திசையில் அட்லஸ் மலை மற்றும் மெடிட்டேரியன் கடல் பகுதிகளும், கிழக்கில் செங்கடலும், தெற்கில் சூடான் பகுதிகளும் எல்லைகளாக கொண்டுள்ளது.சஹாரா பாலைவனம் அல்ஜீரியா,சாட், எகிப்து, எரித்ரியா,லிபியா, மாலி, மௌரிடானியா, மொரோகோ, நைகர், சூடான்,துனிசியா,மேற்கு சகாரா ஆகிய பன்னிரண்டு நாடுகள் வரை பரந்து விரிந்துள்ளது.இப்பாலைவனம் செங்கடலில் ஆரம்பித்து மெடிட்டேரியன் கடற்பகுதி மற்றும் அட்லான்டிக் பெருங்கடல் ஆகிய நீர்ப்பரப்புகளை இணைக்கின்றது.சஹாரா பாலைவனம் 9,065,000 சதுர கிலோமிட்டர் அளவு கொண்டது. ஆனால் இவ்வளவு காலத்திற்கேற்ப மாறுபடுகின்றது. சஹாரா ஆப்பிரிக்க கண்டத்தில் உள்ள மிகப்பெரிய பாலைவனமாகும்.சஹாரா தெற்கு எல்லையாக சகேலில் எனும் சவன்னா புல்வெளி உள்ளது,சகேலிலிற்கு தெற்கே தெற்கு சூடான் மற்றும் கொங்கோ வடிநில பகுதி உள்ளது.சஹாராவின் பெரும்பாலான பகுதி பாறைகற்களை கொண்டுள்ளது; மணற்குன்றுகள் மூடப்பட்டிருக்கும் சிறிய பகுதி மட்டுமே முடியுள்ளது. மக்கள் கடந்த ஆயிரக்கணக்கான ஆண்டுகளுக்கு முன்பு பனியுகத்தில் சஹாரா பாலைவன விளிம்பில் வாழ்ந்து வந்தார்கள்.அப்போது சஹாராவில் முதலைகள் மற்றும் 30,000 க்கும் மேற்பட்ட நீர்வாழ் விலங்குகள் இருந்ததற்கான படிமங்கள் தென்கிழக்கு அல்ஜீரியாவில் கண்டறியப்பட்டுள்ளது. நவீன சஹாரா நைல் பள்ளத்தாக்கு தவிர மற்ற இடங்கள் பசுமையாக இருந்திருக்கவில்லை, ஆலிவ் மரம் போன்ற மத்தியதரை கடல் தாவரங்களே இருந்தன. இந்நிலை கி.மு 1600 வரை இருந்தது . இப்போதய சஹாரா பகுதியில் பூமியின் அச்சு மாற்றம் மற்றும் வெப்பநிலை மாற்றங்களுக்கு பிறகு, வனாந்தர மணற்பாங்கான பாலைவனமாக மாறியது.

சுற்றுசூழல்[தொகு]

கடைசி பனி ஆண்டிற்கு பிறகு சஹாரா பாலைவனம் வளமான இடமாக மாறியது, பின் சிறிது சிறிதாக மீண்டும் பாலையாக மாறிவிட்டது என வரலாற்று சான்றுகள் தெரிவிக்கின்றன.கடந்த நூறு ஆண்டுகளில் சஹாரா பல சூழல் மாற்றங்களை சந்திக்கிறது என்று ஆய்வாளர்கள் கூறுகின்றனர்.இது போன்ற மாற்றங்கள் 41000 ஆண்டுகளுக்கு ஒருமுறை 22o முதல் 24.5o சாய்வதனால் இந்த மாற்றங்கள் ஏற்படுகின்றன.மேலும் 15000 (17000 A.D) வருடங்கள் கழித்து சஹாரா பசுமையான இடமாக மாறும் எனவும் ஆய்வாளர்கள் கூறுகின்றனர்.

இது உலகிலேயே மிகவும் வெப்பம் மிகுந்த பகுதியாகும்.ஆனாலும் இது வறன்ட பகுதி இல்லை என்று ஆய்வாளர்கள் கூறுகின்றனர்.சஹாரா பாலைவனத்தில் மிக உயரிய மலைகளும் உள்ளன.அதில் சில மலைகளில் கோடைகாலங்களிலும் பனிபடர்ந்திருக்கும்[1][2].திபெஸ்தி மலைகளில் ஏழு வருடங்களுக்கு ஒருமுறை 2500 மீட்டர் அளவு பனிப்படர்வு இருக்கும்.சில மலைகளில் பனிப்படர்வு சில நிமிடங்களில் கரைந்துவிடும்[3]. இதில் முக்கியமான மலைத்தொடர்கள் அல்ஜிரியா பகுதிகளில் உள்ளன.எகிப்து பகுதியில் கடல் மட்டத்திலிருந்து 130 மீட்டர் தாழ்வான பகுதிகளும் உள்ளன.சஹாராவில் 25% பகுதியில் மணல் பரப்புகள் உள்ளன[1].சஹாராவில் பல ஆறுகள் ஓடுகின்றன.ஆனால் அவை குறிப்பிட்ட காலங்கள் மட்டுமே பாய்வனவாகும்.நைகர் நதியும், நைல் நதியும் சஹாராவில் பாயும் வற்றாத நதிகள் ஆகும்.[1].சஹாராவில் பகலில் இருக்கும் வெப்பத்திற்கு இணையாக இரவில் குளிர் காற்று வீசும்.சஹாராவில் கடுமையான மணற் புயல்களும் வீசும்.மேற்கு அல்ஜீரிய பகுதிகளில் காற்று கடிமையாக வீசும்[4][5].

இங்கு இரும்பு தாதுக்களும் பெறும் அளவில் கிடைக்கின்றன.சில இடங்களில் யுரேனியமும்,அல்ஜிரியாவில் எண்ணெயும்,மேற்கு சஹாராவில் பாஸ்பேட்டு தாதுக்களும் அதிக அளவில் கிடக்கின்றன.

தாவரங்களும் விலங்குகளும்[தொகு]

சஹாராவின் பல பகுதிகள் மனிதர்களும்,விலங்குகளும் வாழ முடியாத் இடங்களாகும்.ஆனால் மனிதர்களும் விலங்குகளும் நீர் இருக்கும் சில இடங்களில் வசித்து வருகின்றனர்[6].

சாடு நாட்டின் வடகிழக்குப் பகுதியில் ஒட்டகக் கூட்டம்

இந்திய ஒட்டகங்களும் ஆடுகளுமே சகாராவில் அதிகளவு காணப்படும் விலங்குகளாகும். பாலை நிலத்தில் வாழத் தகவமைத்துக்கொண்டுள்ளபடியால் ஒட்டகங்கள் இங்குள்ள நாடோடிகளால் விரும்பி வளர்க்கப்படுகின்றன.

பாலத்தீன மஞ்சட் தேள் என்னும் தேள் இங்கு காணப்படுகிறது. இது 10 செ.மீ நீளம் வரை வளரும். இத்தேள் மிகவும் நச்சு வாய்ந்தது எனினும் இத்தேள் கொட்டுவதால் வளர்ந்த மனிதர்கள் இறப்பது அரிதே.

பல வகையான நரிகளும் இங்கு காணப்படுகின்றன. அடாக்சு எனப்படும் பெரிய வெண்ணிற இரலை இங்கு காணப்படுகிறது. இது நீண்ட நாட்கள் நீரில்லாமல் தாக்குப்பிடிக்க வல்லது. மேலும் தோர்க்காசு, ரிம், தாமா எனப்படும் சிறுமான்களும் காணப்படுகின்றன. இவையும் நீரில்லாமல் நீண்ட நாட்கள் வாழக்கூடியன.

அல்சீரியா, தோகோ, நைசர், மாலி முதலான பகுதிகளில் சகாரா சிறுத்தைகள் காணப்படுகின்றன. சிறு அளவிலான ஆப்பிரிக்கக் காட்டு நாய்களும் உள்ளன.

பல்லிகள், மணல் விரியன், நெருப்புக் கோழி முதலியன இங்கு காணப்படும் மற்ற விலங்குகளாகும்.இங்கு வெள்ளி எறும்புகள் எனும் உயிரினமும் உள்ளது.இது பூமிக்கடியில் குழிகளில் வசிக்கும்.ஒருமணி நேரத்திற்கு மேல் இவை வெளியில் திரிந்தால் இறந்துவிடும்.இவை வெப்பத்தினால் இறக்கும் உயிரிணங்களை உணவாக உட்கொள்ளும்.

வரலாறு[தொகு]

நுபியான் இனமக்கள்[தொகு]

பெனி ஐசுகன் அல்ஜீரிய சஹாராவில் தடித்த சுவர்களால் சூழப்பட்ட ஒரு புனித நகரம்.

நவின கற்கால காலத்தில்,கி.மு.9500ல் பாலைவனமாக மாற தொடங்கும் முன் மத்திய சூடான் பகுதில் வாழ்ந்த மக்களுக்கு தேவையான உணவை வழங்கும் காலநிலை நிலவிவந்தது

படங்கள்[தொகு]


மேற்கோள்கள்[தொகு]

  1. 1.0 1.1 1.2 "Sahara - LookLex Encyclopaedia". looklex.com. பார்த்த நாள் 4 May 2010.
  2. "Snow in the Sahara". Algeria.com. பார்த்த நாள் 5 August 2010.
  3. "Snow Falls In The Sahara". The Spokesman-Review (Spokane, Washington: Cowles Publishing Company): pp. 1. 19 February 1979. http://news.google.com/newspapers?id=UsoRAAAAIBAJ&sjid=9O0DAAAAIBAJ&dq=snow%20sahara&pg=2960%2C2123284. 
  4. Messerli, B. (1973). "Problems of Vertical and Horizontal Arrangement in the High Mountains of the Extreme Arid Zone". Arctic and Alpine Research (Boulder, Colorado: University of Colorado) 5 (3): 139–147. 
  5. Kendrew, Wilfrid George (1922). The Climates of the Continents. Oxford: Clarendon Press. பக். 27. ISBN 978-1-4067-8172-4. http://books.google.com/?id=pyDpdkVOInMC&pg=PA27&lpg=PA27&dq=ahaggar+snowcapped&q. 
  6. "Sahara (desert, Africa) -- Britannica Online Encyclopedia". britannica.com. Retrieved 4 May 2010.


வெளியிணைப்புகள்[தொகு]

"http://ta.wikipedia.org/w/index.php?title=சகாரா&oldid=1575495" இருந்து மீள்விக்கப்பட்டது