கித்தார்

கட்டற்ற கலைக்களஞ்சியமான விக்கிப்பீடியாவில் இருந்து.
(கிற்றார் இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
கித்தார்
Guitar
ஒரு டி சியார்ச்சியோ (Di Giorgio) செவ்விசைக் கித்தார்

ஒரு டி சியார்ச்சியோ (Di Giorgio) செவ்விசைக் கித்தார்
String instrument
ஓர்ன்பாஸ்டெல்-சாக்ஸ் வகை 321.322
(Composite chordophone)
வரிசை
Range guitar.png
(ஓர் ஒழுங்காக டியூன் செய்யப்பட கித்தாரின் மீட்டல் அளவு)
தொடர்புள்ள கருவிகள்
கித்தார் இசைக்கீற்று

கிற்றார் அல்லது கித்தார் அல்லது கிட்டார் (Guitar) என்பது அதிர்கம்பிகள் (strings) கொண்ட ஒரு நரம்பு இசைக்கருவி ஆகும்.கித்தார் மிகவும் பிரபலமான இசைக்கருவியாகும்.கித்தாரில் உள்ள ஆறு வேவ்வேறான தடிமன் கொண்ட நரம்புகளை மீட்டுவதன் மூலம் இசை பிறக்கின்றது.கித்தார் மரத்தினால் செய்யப்படுகின்றது.அதில் உள்ள நரம்புகள் பெரும்பாலும் நைலான் அல்லது இரும்பு எஃகினால்(steel) தயாரிக்கப்படுகின்றது அது பெரும்பாலும் 6 அல்லது 7 தந்திகள் (கம்பிகள்) கொண்டுள்ளது. ஆனால் 18 தந்திகள் கொண்டவைகளும் உண்டு[1].

கித்தாரின் வரலாறு[தொகு]

கித்தார் இசைக்கருவி கி.பி.பன்னிரண்டாம் நூற்றாண்டிலேயே ஐரோப்பா கண்டங்களில் பயன்படுத்தப்பட்டு வந்துள்ளது. அதன் பின் அமெரிக்காவில் பயன்படுத்தப்பட்டுள்ளன[2].இந்தியா போன்ற ஆசிய நாடுகளில் சித்தார் போன்ற இசைக்கருவிகள் பயன்படுத்தப்பட்டுவந்துள்ளன.ஆயிரம் ஆண்டுகளுக்கும் குறைவான காலகட்டத்தில் கித்தார்கள் ஆசிய நாடுகளில் பரவத் தொடங்கின.மூவாயிரத்து முன்னூறு வருடங்கள் பழமையான கல் சிற்பங்களில் மூன்று தந்திகளை உடைய கித்தார் போன்ற சிற்பங்கள் கண்டுபிடிக்கப்பட்டுள்ளன.நவீன கித்தார்களின் வரலாறுகள் இடைகால இசுப்பெயினின் வரலாறுகளுக்கு முன் கிடைக்கப்பெறவில்லை.

சொற்பிறப்பியல்[தொகு]

கித்தார் எனும் ஆங்கில வார்த்தை, கித்தாரே எனும் செருமன் மொழியிலிருந்து வந்துள்ளது.பிரெஞ்சு கித்தார் எனும் வார்த்தை ஸ்பானிய கித்தாரா என்பதிலிருந்து வந்துள்ளது, இது அரபு மொழியில் உள்ள கிட்டார (قيثارة) என்பதிலிருந்தும்,இது லத்தினிலுள்ள சித்தாராவிலிருந்தும்[3], இது பண்டைய கிரேக்க மொழியில் இருந்த கிதாராவிலிருந்தும் ( κιθάρα) வந்துள்ளது[4] .

வகைகள்[தொகு]

நவீன கித்தாரை மூன்று வகையாக பிரிக்கலாம். அவை,

  • பண்டைய கால கித்தார்(classical guitar) – இது நைலான் நரம்புகளால் தயாரிக்கப்படுகின்றது.
  • அக்குஸ்டிக் கித்தார் (acoustic guitar)– இது இரும்பு எஃகின் மூலம் நரம்புகள் செய்யப்படுகின்றது.
  • மேல் வளைவு கொண்ட கித்தார்(arctop guitar) –இதில் நடுவில் துளை இருக்காது.இது மேற்கித்திய இசையான ஜாஸ் இசைக்கு ஏற்ற இசக்கருவியாகும்.


எலக்ட்ரிக் கித்தார்[தொகு]

மின் ஆற்றலால் இயக்கப்படுகின்ற கித்தார்கள் 1930 களிலேயே கண்டுபிடிக்கப்பட்டது.இதில் மின்காந்த ஆற்றலின் மூலமாக இசை பெருக்கப்படுகின்றது.பழங்காலத்தில் கித்தாரின் உடல் பகுதி வெற்றிடமாக்கப்பட்டிருக்கும். அதில் இசை அதிர்வலைகளின் மூலம் பெருக்கமடையும்.ஆனால் வெற்றிடம் இருப்பதைக் காட்டிலும் முழுமையான உடல் அமைப்பினை கொண்ட கித்தார்கள் வசதியானவை என்பதனால் எலக்ட்ரிக் கித்தார்களில் துளையிடுவதை தவிர்த்தனர்.மேலும் இவ்வகை கித்தார்கள் நவீன காலத்திற்கு ஏற்புடைய இசையை தருவிப்பதால், மேற்கத்திய இசைகளான புளூஸ், ஜாஸ்,சோலோ,ராக், பாப் போன்றவற்றில் அடிப்படை கருவியாக , இன்றியமையாத இடத்தை இவை பிடித்துள்ளன.

மின்காந்த தூண்டல்கள் கம்பிகளில் உருவாகும் அதிர்வுகளை சமிக்ஞைகளாக மாற்றுகின்றன.பின் அந்த சமிக்ஞைகள் மின்காந்த முறையில் செறிவூட்டப்பட்டு இசையாக வெளிவருகின்றன.வெற்றிட குழாய்களின் (vacuum tubes) மூலமாக இசையின் அலைவெண்கள் செறிவூட்டப்படுகின்றன.முதன் முதலில் மேற்கத்திய இசையான ஜாஸில் எலக்ட்ரிக் கித்தார்கள் இடம்பிடித்திருந்தன.1880 முதல் 1990 வரை இவை மிகவும் பிரபலமான இசைக்கருவியாக உருப்பெற்றிருந்தது.

அக்குஸ்டிக் கித்தார்[தொகு]

பண்டைய முறை கித்தார்களின் நவீன வடிவமே அக்குஸ்டிக் கித்தார்கள் ஆகும்.இதில் நைலான் தந்திகளுக்கு பதிலாக எஃகு தந்திகள் பயன்படுத்தப்படுகிறது.எஃகு தந்திகள் ஒலியினை அதிக படுத்துவதாக உள்ளதால் இவை பயன்படுத்தப்படுகின்றது.இதில் மின்சாரத்தை பயன்படுத்தி ஒலி பெருக்கும் வகையும் உள்ளது.

பயன்பாடு[தொகு]

ஒரு கித்தாரில், தந்திகள் கழுத்திற்கு இணையாக அமைந்துள்ளது. கித்தார் விரற்பலகை (fingerboard), வலிக்கட்டுப்பலகை (fretboard) என பிரிக்கலாம். வலிக்கட்டுப்பலகையை அழுத்தும்போது தந்தியின் நீளம் மாறுவதால், அதன் சுருதியும் மாறும். வாசிப்பவர்கள் தங்கள் வலது கையில் தந்தியை/தந்திகளைக் கிள்ளியவாறு இடது கையில் வலிக்கட்டுக்களை அழுத்தி இசைப்பர்.

உறுப்புகள்[தொகு]

கித்தார் மரத்தினால் செய்யப்படுகின்றது.அதில் உள்ள நரம்புகள் பெரும்பாலும் நைலான் அல்லது இரும்பு எஃகினால்(steel) தயாரிக்கப்படுகின்றது. கித்தாரில் நரம்புகளை அதிர்வுரச் செய்வதின் மூலம் இசை உருவாக்கப்படுகின்றது.நரம்புகளில் இருந்து வரும் அதிர்வு ஒலியினை கித்தாரின் உடல் பாகம் ஒலிபெருக்கி போல் செயல்பட்டு ஒலியினை மிகைப்படுத்துகின்றது.

Parts of typical classical and electric guitars
  1. தலை
  2. Nut (instrumental)
  3. பிராடை
  4. வலிக்கட்டுகள்
  5. Truss rod
  6. Inlays
  7. கழுத்து மற்றும் விரற்பலகை
  8. Heel (acoustic or Spanish) - Neckjoint (electric)
  9. உடல்
  10. Pickups
  11. மின் சாதனங்கள்
  12. பாலம் (saddle)
  13. Pickguard
  14. முதுகு
  15. ஒலிப்பலகை (மேல்)
  16. Body sides (ribs)
  17. ஒலி துவாரம், with Rosette inlay
  18. கம்பிகள்
  19. பாலம்
  20. விரற்பலகை
Acoustic guitar parts.pngElectric guitar parts.jpg



படங்கள்[தொகு]

மேலும் காண்க[தொகு]

மேற்கோள்கள்[தொகு]

  1. Kasha, Dr. Michael (August 1968). "A New Look at The History of the Classic Guitar". Guitar Review 30,3-12
  2. Wade, Graham A Concise History of the Classic Guitar Mel Publications, 2001
  3. Farmer, Henry George (1988), Historical facts for the Arabian Musical Influence, Ayer Publishing, p. 137, ISBN 0-405-08496-X 
  4. Kithara appears in the Bible four times (1 Cor. 14:7, Rev. 5:8, 14:2 and 15:2), and is usually translated into English as harp. Strong's Concordance Number: 2788 BibleStudyTools.net

வெளி இணைப்புகள்[தொகு]

"http://ta.wikipedia.org/w/index.php?title=கித்தார்&oldid=1557449" இருந்து மீள்விக்கப்பட்டது