விக்கிப்பீடியா:முதற்பக்கக் கட்டுரைகள்/சூன் 7, 2020
பாக்ஸ் மங்கோலிகா எனும் பதத்திற்கு லத்தீன் மொழியில் “மாங்கோலிய அமைதி” என்று பொருள். இது பாக்ஸ் டாடரிகா என்றும் அழைக்கப்படுவதுண்டு. “இது அசல் பதமான பாக்ஸ் ரோமனாவிலிருந்து உருவானது. 13 வது மற்றும் 14 ஆம் நூற்றாண்டுகளில் மங்கோலியப் படையெடுப்புகளால் யூரேசியப் பிரதேசத்தில் வாழ்ந்த மக்களின் சமூக, கலாச்சார, மற்றும் பொருளாதார வாழ்க்கையில் ஏற்பட்ட நிலைத்தன்மையை இது குறிக்கிறது. இந்தப் பதமானது ஒன்றுபட்ட நிர்வாகத்தால் உருவான எளிதாக்கப்பட்ட தகவல் தொடர்பு, வர்த்தகம் மற்றும் மங்கோலியர்களின் வெற்றிகளைத் தொடர்ந்து அதன் விளைவாக பரந்த நிலப்பரப்பில் ஏற்பட்ட அமைதியான காலம் ஆகியவற்றைப் பற்றி விவரிக்கப் பயன்படுத்தப்படுகிறது. மேலும்...
இசுலாமுக்கு முந்திய அரேபியாவின் சமயம் என்பது அரேபியாவில் இசுலாம் சமயம் தோன்றுவதற்கு முன்னர் அராபியத் தீபகற்பத்தின் அரேபிய மக்கள் பல கடவுள் வணக்க முறை, யூதம், கிறித்தவம் மற்றும் பாரசீக சொராட்டிரம் போன்ற சமய முறைகளைப் பின்பற்றினர் என்பதையும் அவர்களின் இசுலாம் அல்லாத சமய நம்பிக்கைகளைப்பற்றிக் குறிப்பிடுவதாகும். ஆரம்பத்தில், அரேபியாவின் பல கடவுள் வணக்க முறையில் தேவதைகள் மற்றும் புனித ஆவிகளை வணங்கினர். அரேபியர்கள் ஹெஜாஸ் பகுதியில், குறிப்பாக மெக்காவில் உள்ள காபாவில் வைத்து வழிபட்ட பெண் தேவதைகளில் முக்கியமானவைகளாக அல்-லாத், அல்-உஸ்ஸா மற்றும் மனாத் காணப்பட்டன. மேலும்...