மனாத்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
மனாத்
AllatHatra.jpg
அல்-லாத் தெய்வத்தின் இருபுறங்களில் மனாத் மற்றும் அல்-உஸ்ஸா தெய்வங்கள், கிபி இரண்டாம் நூற்றாண்டு சிற்பம், ஹத்ரா, நினிவே ஆளுநனரகம், ஈராக்
அதிபதிவிதி, இறப்பு, அதிர்ஷ்டம் மற்றும் நேரத்தின் தெய்வம்
இடம்அல்-மூசாலால்
துணைஹுபால்
சகோதரன்/சகோதரிஅல்-லாத், அல்-உஸ்ஸா
சமயம்அரேபியத் தீபகற்பம்


மனாத், (Manāt) (அரபு மொழி: مناة  அரபு பலுக்கல்: [maˈnaː(h)] கிபி ஏழாம் நூற்றாண்டிற்கு முன்னர், இசுலாமிற்கு முந்தைய அரேபியத் தீபகற்பத்தின், ஹெஜாஸ் பகுதிகளில், செமிடிக் மொழிகள் பேசிய மக்களால் வழிபட்ட தெய்வங்களில் ஒன்றாகும். [1]

மெக்காவின் மூன்று பெண் சகோதரி தெய்வங்களில் மனாத் தெய்வம் தலைமையானர் ஆவார். மற்ற இரண்டு பெண் தெய்வங்கள் அல்-லாத் மற்றும் அல்-உஸ்ஸா ஆவார். [2][3]

மனாத் பெண் தெய்வம் விதி, இறப்பு, அதிர்ஷ்டம் மற்றும் நேரத்தின் தெய்வமாக கருதப்படுகிறார். [3][4]

மனாத் பெண் தெய்வம், அல்-லாத் மற்றும் அல்-உஸ்ஸா ஆகிய பெண் தெய்வங்களுக்கு மூத்தவராவர். [5]

கிபி ஏழாம் நூற்றாண்டில் அரேபிய தீபகற்பத்தில் இசுலாம் வளர்ந்த பிறகு மெக்காவில் இருந்த மனாத் பெண் தெய்வத்தின் உருவச்சிலை அழிக்கப்பட்டு, மனாத் வழிபாடும் நின்று போனது.

வழிபாடு[தொகு]

மனாத் தெய்வத்தின் புகழ்பெற்ற வழிபாட்டுத் தலம், அரேபிய தீபகற்பத்தின் ஹெஜாஸ் பகுதியில் அமைந்த மெக்காவிற்கும், மதீனாவிற்கும் இடையே, செங்கடலை ஒட்டி இருந்தது. [6] [7]

அரேபிய தீபகற்பத்தின் ஹெஜாஸ் பகுதியின் பானு அவ்ஸ் மற்றும் பானு கஷ்ராஜ் பழங்குடி மக்கள் மனாத் தெய்வத்தை வழிபட்டனர்.[7] [2]}}இம்மக்கள் மனாத் தெய்வத்தின் மரசிற்பத்தை இரத்தத்தால் பூசித்து வழிபட்டனர்.[3]

இம்மக்கள், மனாத் தெய்வத்தின் கல் உருவச்சிலையை மூசால்லால் பகுதியில் எழுப்பி வழிபட்டனர்.[7] இசுலாம் தோன்றுவதற்கு முன்னர், புனித யாத்திரையாக, மூசல்லால் பகுதியில் உள்ள மனாத் தெய்வத்தை வழிபடச் செல்லும் அரேபியர்கள் தலையை மொட்டையடித்துக் கொண்டு, மனாத் தெய்வத்தின் உருவச் சிலை முன் நின்று வழிபட்டனர். [2] மனாத் தெய்வத்தின் சிலையை வழிபடாது, தங்களின் புனித யாத்திரை நிறைவடையாது என்று இம்மக்கள் கருதினர்.[2]

காபாவில் இருந்த 360 தெய்வ உருவச் சிலைகளில் மனாத் தெய்வத்தின் சிலையும் ஒன்றாக கருதப்படுகிறது. அரேபிய வரலாற்று அறிஞரான (கிபி 737 - 819) இசம் - இபின் - கல்பி, [8], காபாவை சுற்றி வரும் வழிபாட்டாளர்கள், ஆசிர்வாதம் வேண்டி மனாத் தெய்வத்தின் பெயருடன் அவரது சகோதரிகளின் பெயர்களையும் உச்சரிப்பர் என்று தனது குறிப்பில் எழுதியுள்ளார். [9]

மனாத் கோயிலின் இடிப்பு[தொகு]

முகமது நபியின் ஆனையின் படி, சாத் பி சையித் அல்-அஷ்ஹாலி என்பவரின் தலைமையில் 20 குதிரை வீரர்கள் அடங்கிய படைக்குழு, [10]முசால்லாலில் உள்ள, அரேபிய பழங்குடிகள் வழிபட்ட மனாத் தெய்வத்தின் கருங்கல்லிலால் ஆன உருளை வடிவச் சிற்பத்தையும், கோயிலையும் அழித்தனர்.[11][12][13][14]

சோமநாதர் கோயில்[தொகு]

மனாத் தெய்வத்தின் கல் சிற்பத்தை, அன்றைய பழமைவாத அரேபியர்கள், இந்தியாவின் குஜராத் மாநிலத்தின் சௌராட்டிர தீபகற்ப பகுதியின் சோமநாதபுரத்தில் வைத்து வழிப்பட்டிருக்கலாம் என்ற செய்தியால், கிபி 1024-இல் கஜினி முகமது, சோமநாதபுரக் கோயில் கருங்கல் உருளை வடிவ லிங்கத்தை உடைத்து, அதனை கசினி நகரத்தின் மசூதியின் படிக்கற்களாக அமைத்தார். [15]

இதனையும் காண்க[தொகு]

மேற்கோள்கள்[தொகு]

  1. Manāt, ARABIAN GODDESS
  2. 2.0 2.1 2.2 2.3 Al-Kalbi 2015, பக். 13.
  3. 3.0 3.1 3.2 Tate 2005, பக். 170.
  4. Andrae 2012, பக். 17.
  5. Al-Kalbi 2015, பக். 12.
  6. Jordan 2014, பக். 187.
  7. 7.0 7.1 7.2 Papaconstantinou 2016, பக். 253.
  8. <Hisham ibn al-Kalbi
  9. Al-Kalbi 2015, பக். 17.
  10. Abu Khalil, Shawqi (1 March 2004). Atlas of the Prophet's biography: places, nations, landmarks. Dar-us-Salam. பக். 226. பன்னாட்டுத் தரப்புத்தக எண்:978-9960-897-71-4. https://books.google.com/books?id=mZmBkoDa9fcC&pg=PA226. 
  11. "Obligation to destroy idols - islamqa.info". 17 December 2014 அன்று பார்க்கப்பட்டது.
  12. "List of Battles of Muhammad". 2011-07-26 அன்று மூலம் பரணிடப்பட்டது. 2019-02-10 அன்று பார்க்கப்பட்டது.
  13. "The Sealed Nectar". 17 December 2014 அன்று பார்க்கப்பட்டது.
  14. "Sa‘d bin Zaid Al-Ashhali was also sent", Witness-Pioneer.com பரணிடப்பட்டது 2011-09-27 at the வந்தவழி இயந்திரம்
  15. Akbar, M. J. (2003-12-31). The Shade of Swords: Jihad and the Conflict between Islam and Christianity. Roli Books Private Limited. பன்னாட்டுத் தரப்புத்தக எண்:9789351940944. https://books.google.com/books?id=L_o_CgAAQBAJ. 

ஆதார நூற்பட்டியல்[தொகு]

"https://ta.wikipedia.org/w/index.php?title=மனாத்&oldid=3484360" இருந்து மீள்விக்கப்பட்டது