மல்ஸ்ரீ துன்
மல்ஸ்ரீ துன்என்பது ஒரு நேபாள இந்து நியூவா கலைவடிவம் ஆகும். இது, மாலாஸ்ரீ துன் அல்லது மல்ஸ்ரீ தூன் எனவும் அழைக்கப்படுகிறது. இதில் இசைக்கலைஞர்கள் பாரம்பரிய ராகம் மற்றும் தாள அமைப்பை அடிப்படையாகக் கொண்ட பக்தி இசையை நிகழ்த்துகிறார்கள். [1] [2] நேபாள இசையில், துன் தஷைனின் முக்கிய இசையாக இணைக்கப்பட்டுள்ளது. நேபாளத்தின் மிகப்பெரிய இந்து பண்டிகையான தஷைன் வந்துவிட்டது என்பதை அறிவிக்கும் இசையாக இது உள்ளது. மாலாஸ்ரீ துன் நேபாளத்தின் பழமையான பக்தி இசைகளில் ஒன்றாகும், இதன் தோற்றம் 17 ஆம் நூற்றாண்டில் உள்ளது. [3] மல்ஸ்ரீ துன் முதலில் காத்மாண்டு பள்ளத்தாக்கிலிருந்த நெவாரி கலாச்சாரத்தைச் சேர்ந்தது. மேலும் இது நெவாரி கலாச்சாரத்தின் ஒரு நாட்டுப்புற இசையாக வளர்ந்தது. பின்னர் இந்த இசை, நேபாளி கலாச்சாரத்துடன் ஒன்றிணைந்து நேபாளத்தின் மிகப்பெரிய திருவிழாவான தஷைனின் பாரம்பரிய இசையாக மாறியது. [4]
வரலாறு[தொகு]
உன்னதமான இந்த பக்தி இசை ஆயிரம் ஆண்டுகளுக்கும் மேலாக நேபாளத்தில் உள்ளது. [5] 11 முதல் 17 ஆம் நூற்றாண்டுக்கு இடைப்பட்ட காலத்தில் காத்மாண்டுவில் இலக்கியச் செயல்பாடு அதிகரித்தது. [5] இந்தக் காலத்திலிருந்து ஏராளமான பக்தி இசை, நடனங்கள் மற்றும் நாடகங்கள் கண்டுபிடிக்கப்பட்டுள்ளன. [5] இந்த சகாப்தத்தில் இலக்கிய வளர்ச்சியானது நியூவா இசை வடிவத்தின் வளர்ச்சியில் உச்சத்தை அடைந்தது என்று பெரும்பாலான நிபுணர்கள் நம்புகின்றனர். [5]
இன்றுவரை மல்ஸ்ரீ துன் பற்றிய ஆரம்பகால ஆய்வுக் கட்டுரையை நேபாள பாசாவில் உள்ள சங்கித் சந்திரா என்ற புத்தகத்தில் காணலாம். [6] இந்த புத்தகம் நாட்டிய சாஸ்திரத்தின் பிற்சேர்க்கையாக பக்தபூர் மன்னர் ஜகத் ஜோதி மல்லா மற்றும் அவரது மந்திரி வன்ஷமணி ஓஜா ஆகியோரால் எழுதப்பட்டது. [6] இந்நூல் பரத முனியின் நாட்டிய சாஸ்திரத்தையும், அபிநவகுப்தரின் அபிநவபாரதியையும் விரிவாகக் கூறுகிறது . [6] இதைத் தொடர்ந்து ஜிதமித்ர மல்லாவின் ஆட்சிக் காலத்தில் எழுதப்பட்ட கயன்லோச்சன் புத்தகம், ராகத்தின் அறிமுகம், அவற்றின் பண்புகள் மற்றும் செயல்திறன் ஆகியவற்றில் அதிக கவனம் செலுத்துகிறது. [6]
செயல்திறன்[தொகு]
சித்தார், தபேலா, தா மற்றும் திமாய் ஆகியவை ஆன்மீக ரீதியில் மேம்படுத்தும் 'துன்' இசையின் முக்கிய அம்சங்களாகும். சாரங்கி மற்றும் புல்லாங்குழல் போன்ற வேறு சில கருவிகள் மிகவும் அடக்கமான பாத்திரத்தை வகிக்கின்றன. மெல்லிசை சிதார் மூலம் பராமரிக்கப்படுகிறது. தஷைன் திருவிழாவின் போது 'மல்ஸ்ரீ துன்' இசை ஒரு குறிப்பிட்ட அட்டவணையின்படி நிகழ்த்தப்படுகிறது. இந்த அட்டவணையில்,குறிப்பிட்ட பருவத்தில், வாரத்தின் குறிப்பிட்ட நாள் மற்றும் அந்த நாளின் குறிப்பிட்ட மணிநேரங்களில் இசைக்கப்படும் குறிப்பிட்ட இசைத் துண்டுகள் உள்ளன. [7]
பருவங்கள், அவற்றின் திருவிழாக்கள் மற்றும் அவற்றுடன் வரும் இசை பின்வருமாறு
| பருவம் | திருவிழா | பாடல் | கருத்துகள் |
|---|---|---|---|
| க்ரிஷ்மா (கோடை) | சித்தினகா முதல் கதாமுக சாரே வரை | சின்ஜியா | |
| வர்ஷா (பருவமழை) | கதாமுக சாரே முதல் யன்லா புன்ஹி வரை | துகாஜ்யா | |
| ஷரத் (இலையுதிர் காலம்) | சிலு மையே | ||
| ஹேமந்த் (குளிர்காலம்) | தாஷைன் (மோகனி) | மல்ஸ்ரீ | தாஷைனின் இசையாக பிரதான நேபாள இசையில் இணைக்கப்பட்டது |
| ஷிஷிர் | ஹோலி மையே | ||
| வசந்தா | வசந்த பஞ்சமி முதல் புத்த ஜெயந்தி வரை | வசந்தா | வசந்த பஞ்சமி அன்று நாசால்சௌக்கில் நேபாள நாட்டின் தலைவருக்காக இசைக்கப்பட்டது. |
இந்த மெல்லிசை நிகழ்ச்சி, மல்ஸ்ரீ துன் அல்லது தஷைன் துன் வெவ்வேறு இசைக்கருவிகளைப் பயன்படுத்தி இசைக்கப்படுகிறது, ஆனால் இதன் முக்கிய கருவிகள் சித்தார் மற்றும் தபலா ஆகும். இந்த இரண்டு இசைக்கருவிகளும் இந்த மெல்லிசை இசையை தோற்றுவித்த குறியீடுகளுடன் அழகாக இணைக்கப்பட்டுள்ளன. இப்போதெல்லாம், இந்த இசையை இசைக்க, கிட்டார், டிரம்ஸ் போன்ற பல்வேறு கருவிகளைப் பயன்படுத்துபவர்களை நாம் காணலாம். [8] இந்த இசையை கேட்பவர்களுக்கு, மிகவும் புத்துணர்ச்சியையும், மகிழ்ச்சியையும் தருவதாக உள்ளது. இது கேட்பவர் அனைவரையும் கொண்டாட்டத்தின் மனநிலைக்கு அழைத்துச் செல்கிறது, இது இந்த மெல்லிசை 'துனின்' அழகான பகுதியாகும். எனவே, மல்ஸ்ரீ துனில் உள்ள தஷைன் துன் ஒரு அழகான இசையாகும், இது நேபாளத்தின் மிகவும் விமரிசையாக நடக்கும் மற்றும் எதிர்பார்க்கப்பட்ட திருவிழாவான தஷைனுக்கு மிகவும் முக்கியமானதாக உள்ளது.
சான்றுகள்[தொகு]
- ↑ "Paper:Understanding change in the Newar music culture: the bhajan revisited, Author:Ingemar Grandin" (PDF). Archived from the original (PDF) on 2016-03-03. பார்க்கப்பட்ட நாள் 2018-10-25.
- ↑ Asian Images
- ↑ MELODIOUS INSTRUMENTS OF LYRICAL NEPAL
- ↑ "5 Malshree Dhun on Flute You Must Listen on the Dashain 2078". 12 October 2013.
- ↑ 5.0 5.1 5.2 5.3 उपत्यकाभित्रका भक्तिगीत तथा भजनहरू Author: Dr. Saphalya Amatya
- ↑ 6.0 6.1 6.2 6.3 Book:Nepalbhasa Sahityaya Itihas, Author:Premshanti Tuladhar, Publication:Nepalbhasa Academy, பன்னாட்டுத் தரப்புத்தக எண் 978-99933-56-00-4
- ↑ Book: Kantipur (कान्तिपुर), Author: Basu Pasa (बासुपासा)
- ↑ Dashain 2075 (2018) Malshree Dhun on Flute