எஸ். ஏ. ரகீம்
| எஸ். ஏ. ரகீம் S. A. Raheem நாஉ | |
|---|---|
| மன்னார் தொகுதியின் நாடாளுமன்ற உறுப்பினர் | |
| பதவியில் 1974–1977 | |
| முன்னவர் | வி. ஏ. அழகக்கோன் |
| பின்வந்தவர் | பி. எஸ். சூசைதாசன் |
| தனிநபர் தகவல் | |
| பிறப்பு | ஆகத்து 9, 1921 |
| இறப்பு | 1989 |
| அரசியல் கட்சி | ஐக்கிய தேசியக் கட்சி |
| படித்த கல்வி நிறுவனங்கள் | புனித சேவியர் ஆண்கள் கல்லூரி, மன்னார் யாழ்ப்பாணம் மத்திய கல்லூரி யாழ்ப்பாணக் கல்லூரி |
செய்யது அப்துல் ரகீம் (Seyadu Abdul Raheem, 9 ஆகத்து 1921 - 1989) இலங்கை அரசியல்வாதியும், நாடாளுமன்ற உறுப்பினரும் ஆவார்.
ஆரம்ப வாழ்க்கை[தொகு]
ரகீம் 1921 ஆகத்து 9 இல் பிறந்தார்.[1][2] ஆரம்பக் கல்வியை மன்னார் புனித சேவியர் ஆண்கள் கல்லூரியிலும், இடைநிலைக் கல்வியை யாழ்ப்பாணம் மத்திய கல்லூரியிலும், யாழ்ப்பாணக் கல்லூரியிலும் கற்றார்.[1][2]
அரசியலில்[தொகு]
ரகீம் 1960 ஆம் ஆண்டில் அரசியலில் நுழைந்தார். 1962 முதல் 1972 வரை மன்னார் நகரசபைத் தலைவராகப் பணியாற்றினார்.[1] 1970 நாடாளுமன்றத் தேர்தலில் ஐக்கிய தேசியக் கட்சியின் வேட்பாளராக மன்னார் தொகுதியில் இலங்கைத் தமிழரசுக் கட்சியின் வேட்பாளர் வி. ஏ. அழகக்கோனிடம் 69 வாக்குகள் வித்தியாசத்தில் தோற்றார்.[3] அழகக்கோன் 1973 நவம்பர் 25 இல் இறந்ததை அடுத்து 1974 பெப்ரவரி 25 இடம்பெற்ற இடைத்தேர்தலில் 75 அதிகப்படியான வாக்குகளால் தமிழரசுக் கட்சி வேட்பாளர் செபமாலை ஜோன் மார்க் என்பவரை வெற்றி பெற்று நாடாளுமன்றம் சென்றார்.[4] 1977 இல் நடந்த தேர்தலில் இவர் போட்டியிடவில்லை.
அரசியலின் பின்னர்[தொகு]
அரசியலில் இருந்து ஓய்வெடுத்த பின்னர் ரகீம் 1978 ஆம் ஆண்டில் கென்யாவுக்கான இலங்கைத் தூதுவராக நியமிக்கப்பட்டார்.[1] அனைத்திலங்கை முஸ்லிம் லீக் அமைப்பின் பிரதித் தலைவராகவும், நெற்சந்தைப்படுத்தல் திணைக்களத்தின் பிரதித் தலைவராகவும் இவர் பணியாற்றியுள்ளார்.[1][2] 1989 ஆம் ஆண்டில் காலமானார்.[1][2]
மேற்கோள்கள்[தொகு]
- ↑ 1.0 1.1 1.2 1.3 1.4 1.5 "Sri Lanka Moor Family Genealogy: CASSIM, Muhammad - Family #206". Rootsweb.
- ↑ 2.0 2.1 2.2 2.3 Sameer, Fazli (2009). Muslim Personalities in Sri Lanka,then and now. பக். 199. http://www.scribd.com/doc/104427355/Muslim-Personalities-in-Sri-Lanka.
- ↑ "Result of Parliamentary General Election 1970" (PDF). Department of Elections, Sri Lanka. 2009-12-09 அன்று மூலம் (PDF) பரணிடப்பட்டது. 2013-06-15 அன்று பார்க்கப்பட்டது. Unknown parameter
|=ignored (உதவி) - ↑ "Summary of By Elections 1947 to 1988" (PDF). Department of Elections, Sri Lanka. 2009-12-09 அன்று மூலம் (PDF) பரணிடப்பட்டது. 2013-06-15 அன்று பார்க்கப்பட்டது.