ஆ. தியாகராசா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஆ. தியாகராஜா
A. Thiagarajah

நாஉ
Dr A Thiyagarajah-287x397.jpg
வட்டுக்கோட்டை தொகுதியின்
நாடாளுமன்ற உறுப்பினர்
பதவியில்
1970–1977
முன்னவர் அப்பாப்பிள்ளை அமிர்தலிங்கம்
பின்வந்தவர் தா. திருநாவுக்கரசு
தனிநபர் தகவல்
பிறப்பு ஏப்ரல் 17, 1916(1916-04-17)
மலேசியா
இறப்பு 24 மே 1981(1981-05-24) (அகவை 65)
தேசியம் இலங்கைத் தமிழர்
அரசியல் கட்சி ஐக்கிய தேசியக் கட்சி
வாழ்க்கை துணைவர்(கள்) மகேசுவரி
தொழில் ஆசிரியர்
சமயம் இந்து

ஆறுமுகம் தியாகராஜா (Arumugam Thiagarajah, 17 ஏப்ரல் 1916 – 24 மே 1981) இலங்கைத் தமிழ் அரசியல்வாதியும், முன்னாள் நாடாளுமன்ற உறுப்பினரும், ஆசிரியரும் ஆவார்.

வாழ்க்கைக் குறிப்பு[தொகு]

தியாகராஜா ஆறுமுகம், அமிர்தவல்லி ஆகியோருக்கு 1916 ஏப்ரல் 17 இல்[1] மலேசியாவில் பிறந்தார். தனது எட்டு வயதில் இலங்கை வந்து யாழ்ப்பாணத்திலே கல்வி கற்றார். பின்பு இவர் சென்னை அடையாறு கலாசேத்திராவில் சேர்க்கப்பட்டு கல்வி பயின்றார்.[2]

1936 இல் இளங்கலைப் பட்டமும், 1938 இல் முதுகலைப் பட்டமும், 1941 இல் எம். லிட். பட்டமும் பெற்று இலங்கை திரும்பி காரைநகர் இந்துக் கல்லூரியில் ஆசிரியராகப் பணியாற்றினார்.[2] 1942 இல் மகேசுவரி சிவகுருநாதன் என்பவரைத் திருமணம் புரிந்தார்.[2] 1946 இல் காரைநகர் இந்துக் கல்லூரியின் தலைமை ஆசிரியராகப் பொறுப்பேற்று,[3] 1970 இல் கல்விச் சேவையில் இருந்து ஓய்வு பெற்று அரசியலில் இறங்கினார். 1979 ஆம் ஆண்டு இந்தியா சென்று கலாநிதி பட்டத்திற்கான ஆய்வினை மேற்கொண்டு “இலங்கையும் தென் ஆசியாவின் பொருளாதார ஒத்துழைப்பு” என்ற நூலை எழுதினார்.[2]

அரசியலில்[தொகு]

தியாகராஜா அகில இலங்கைத் தமிழ்க் காங்கிரஸ் கட்சியின் வேட்பாளராக வட்டுக்கோட்டைத் தொகுதியில் 1970 நாடாளுமன்றத் தேர்தலில் போட்டியிட்டு இலங்கைத் தமிழரசுக் கட்சி வேட்பாளர் அ. அமிர்தலிங்கத்தை 725 வாக்குகள் வித்தியாசத்தில் வெற்றி பெற்று நாடாளுமன்றம் சென்றார்.[4] தேர்தலில் வெற்றி பெற்ற சில நாட்களில் அவர் சிறிமாவோ பண்டாரநாயக்கா தலைமையிலான இலங்கை சுதந்திரக் கட்சி அரசில் சேர்ந்து புதிய குடியரசு அரசமைப்புக்கு ஆதரவாக வாக்களித்தார்.[5][6] 1972 ஆம் ஆண்டில் இவரது கொழும்பு இல்லத்தில் வைத்து இவர் மீது இடம்பெற்ற கொலை முயற்சியில் உயிர் தப்பினார்.[5]

தியாகராஜா 1977 தேர்தலில் சுயேட்சை வேட்பாளராகப் போட்டியிட்டு தமிழர் விடுதலைக் கூட்டணி வேட்பாளர் தா. திருநாவுக்கரசுவிடம் 18,200 வாக்குகள் வித்தியாசத்தில் தோற்றார்.[7] இவர் பின்னர் ஐக்கிய தேசியக் கட்சியில் சேர்ந்தார். 1981 மாவட்ட அபிவிருத்தி சபைத் தேர்தலில் யாழ்ப்பாண மாவட்டத்தில் அக்கட்சியின் முதன்மை வேட்பாளராக அறிவிக்கப்பட்டார்.[8] ஐக்கிய தேசியக் கட்சியின் வேட்பாளர்களுக்கு எதிராக ஈழப்போராளிகள் எச்சரிக்கை விடுத்திருந்தனர்.[9] 1981 மே 24 இல் புளொட் போராளி ஒருவரால் மூளாயில் தேர்தல் கூட்டம் ஒன்றில் உரையாற்றும் போது சுடப்பட்டார்.[3][10] இவர் பின்னர் மருத்துவமனையில் அனுமதிக்கப்பட்டு இறந்தார்.[9]

மேற்கோள்கள்[தொகு]

  1. "Thiagarajah, Arumugam". இலங்கைப் பாராளுமன்றம்.
  2. 2.0 2.1 2.2 2.3 "வெள்ளி விழா அதிபர் அமரர்.கலாநிதி ஆ.தியாகராசா அவர்களின் 100 வது பிறந்த நாள் (17.04.2016) சிறப்புக் கட்டுரை". காரை இந்து கனடா. பார்த்த நாள் 15-02-2017.
  3. 3.0 3.1 ஜெயராஜ், டி.பி.எஸ். (16 March 2008). "Assassinating Tamil Parliamentarians: The unceasing waves". The Nation. http://www.nation.lk/2008/03/16/newsfe1.htm. 
  4. "Result of Parliamentary General Election 1970". இலங்கைத் தேர்தல் திணைக்களம்.
  5. 5.0 5.1 Sri Kantha, Sachi (30 May 2013). "Book Burning in 1933 and 1981: Nazi and Sinhalese goons: style comparisons". Sangam.
  6. Rajasingham, K. T.. "Chapter 24: Tamil militancy - a manifestation". Sri Lanka: The Untold Story. http://www.atimes.com/ind-pak/DA26Df04.html. 
  7. "Result of Parliamentary General Election 1977". இலங்கைத் தேர்தல் திணைக்களம்.
  8. ஹூல், இராசன்; Somasundaram, Daya; Sritharan, Kopalasingham; திரனகம, ராஜினி (1990). "Chapter 2: Some Milestones in the Development of Tamil Political Consciousness". Broken Palmyra. யாழ்ப்பாண பல்கலைக்கழக ஆசிரியர்களின் மனித உரிமைகள் அமைப்பு. http://www.uthr.org/BP/volume1/Chapter2.htm. 
  9. 9.0 9.1 Rajasingham, K. T.. "Chapter 27 - Horsewhip Amirthalingham". Sri Lanka: The Untold Story. http://www.atimes.com/ind-pak/DB16Df06.html. 
  10. Sabaratnam, T. (10 October 2010). "The order: Chase voters and stuff ballot boxes". The Nation. http://www.nation.lk/2010/10/10/newsfe7.htm. 
"https://ta.wikipedia.org/w/index.php?title=ஆ._தியாகராசா&oldid=2238655" இருந்து மீள்விக்கப்பட்டது