மலேசிய வெள்ளப் பெருக்குகள்
மலேசிய வெள்ளப் பெருக்குகள் (ஆங்கிலம்: Floods in Malaysia; மலாய்: Banjir di Malaysia) என்பது மலேசியாவின் தீபகற்ப மலேசியா; கிழக்கு மலேசியா பகுதிகளில் பெருமழையின் காரணமாக ஏற்பட்ட வெள்ளப் பெருக்குகளைக் குறிப்பதாகும்.
மலேசிய நாட்டைப் பாதிக்கும் வழக்கமான இயற்கைப் பேரிடர்களில் வெள்ளப் பெருக்கு என்பதும் ஒன்றாகும். இந்த இயற்கைப் பேரிடர் ஏறக்குறைய ஒவ்வோர் ஆண்டும் குறிப்பாக மழைக் காலங்களில் மலேசியாவில் நிகழ்ந்து வருகின்றது.
தீபகற்ப மலேசியாவின் கடற்கரைப் பகுதிகள், குறிப்பாக அக்டோபர் முதல் மார்ச் மாதம் வரையிலான வடகிழக்கு பருவமழைக் காலத்தின் வெள்ளப் பெருக்குகளால் அதிகமாகப் பாதிக்கப் படுகின்றன.[1]
குறிப்பிடத்தக்க வெள்ளப் பெருக்குகள்[தொகு]
- 10 டிசம்பர் 1969 – குளுவாங் வெள்ளம்.[2][3]
- சனவரி 1971 – 1971 கோலாலம்பூர் வெள்ளம்.
- 2 மார்ச் 2006 – சா ஆலாம் திடீர் வெள்ளம்.
- 19 டிசம்பர் 2006 – தென்கிழக்கு ஆசிய வெள்ளம் 2006-2007; மூவார், ஜொகூர் பாரு, சுகூடாய், சிகாமட் மற்றும் ஜொகூர் மாநிலத்தின் பல பகுதிகள் பாதிப்பு.
- 10 சனவரி 2007 – ஜொகூர் மாநிலத்தின் பல பகுதிகளில் மீண்டும் திடீர் வெள்ளம்.
- 10 சூன் 2007 – கோலாலம்பூர் திடீர் வெள்ளத்தால் பாதிக்கப்பட்டது; 10 சூன் 2003-க்குப் பிறகு மிக மோசமான வெள்ளம்.
- டிசம்பர் 2007 - தீபகற்ப மலேசியாவின் கிழக்குக் கடற்கரையின் கிளாந்தான், திராங்கானு, பகாங் மற்றும் ஜொகூர் உள்ளிட்ட பல பகுதிகள் திடீர் வெள்ளத்தால் பாதிப்பு.
- நவம்பர் 2010 - தாழ்வான வெப்பமண்டல காற்று அழுத்தத்திற்குப் பிறகு பெய்த கனமழையால் கெடா மற்றும் பெர்லிஸ் மாநிலங்கள் வெள்ளத்தில் மூழ்கின.
- டிசம்பர் 2014 - தீபகற்ப மலேசியாவின் வடக்கு மற்றும் கிழக்கு மாநிலங்களான கிளாந்தான், திராங்கானு, பகாங், பேராக் மற்றும் பெர்லிஸ் ஆகியவை; சபாவின் சில பகுதிகள் உட்பட திடீர் வெள்ளத்தால் பாதிப்பு.
- 4 & 5 நவம்பர் 2017 – தீபகற்ப மலேசியாவின் வடக்கு மாநிலமான பினாங்கு திடீர் வெள்ளத்தால் பாதிப்பு; தாழ்வான வெப்பமண்டல காற்று அழுத்தம்; டாம்ரே புயல்காற்றினால் (Typhoon Damrey) வழக்கத்திற்கு மாறான கனமழை; நகரின் சில பகுதிகளில் வெள்ள நீர் 3.7 மீ (12 அடி); முழு வீடுகளையும் மூழ்கடித்தது.
- மலேசிய வெள்ளம் 2020–2021 – 2020-இன் பிற்பகுதியிலும் 2021-இன் முற்பகுதியிலும், திராங்கானு, கிளாந்தான், ஜொகூர், பேராக் ஆகிய மாநிலங்கள் திடீர் வெள்ளத்தால் அதிகம் பாதிக்கப்பட்டன.[4]
- மலேசிய வெள்ளம் 2021–2022 – 2021-இன் பிற்பகுதியிலும் 2022-இன் தொடக்கத்திலும்; கிள்ளான் பள்ளத்தாக்கு, (கிள்ளான் துறைமுகம், கிள்ளான், செத்தியா ஆலாம், புஞ்சாக் ஆலாம், கோத்தா கெமுனிங், சா ஆலாம், கோலாலம்பூர், அம்பாங், செராஸ், உலு லங்காட் மாவட்டம், பூச்சோங், டெங்கில்); லுபோக் சீனா, குவாந்தான், பென்டாங், குவா மூசாங் மாவட்டம், கோலா லிங்கி, சிரம்பான், தெலுக் இந்தான் ஆகிய பகுதிகள் திடீர் வெள்ளத்தை அனுபவித்தன; 50 ஆண்டுகளில் இல்லாத மிக மோசமான வெள்ளப் பெருக்கு.[5]
காரணங்கள்[தொகு]
- மலேசியாவின் புவியியல் அமைப்பின் அடிப்படையில், ஏற்படும் பெரும்பாலான வெள்ளங்கள்; உள்ளூர்ப் பருவ காலத்தின் குளிர்ச்சியான வெப்பமண்டல பருவமழையின் இயற்கை விளைவாகும். இந்த விளைவு அக்டோபர் முதல் மார்ச் வரை கடுமையான மழை என்றும்; வழக்கமான மழை என்றும்; வகைப்படுத்தப் படுகின்றன.
- பல நகர்ப்புறங்களில் போதிய வடிகால் இல்லாதது கனமழையின் விளைவுகளை அதிகரிக்கிறது; இருப்பினும் இதைத் தீர்ப்பதற்கான முயற்சிகள் நடந்து வருகின்றன.[6]
- மலேசியாவின் பருவகாலநிலை மாற்றம் நாட்டில் வெள்ளத்தை உருவாக்கும் என்று எதிர்பார்க்கப்படுகிறது.[7]
மலேசியாவின் திடீர் வெள்ளப் பகுதிகளின் பட்டியல்[தொகு]
கிள்ளான் பள்ளத்தாக்கு; சிலாங்கூர்[தொகு]
- கிள்ளான் ஆறு; கிள்ளான் பள்ளத்தாக்கு
- கோலாலம்பூர் நகர மையம் ஜாமிஃ பள்ளிவாசல்
- டாங் வாங்கி கோலாலம்பூர்
- கிள்ளான் பள்ளத்தாக்கு; கோம்பாக் ஆறு
- கோலாலம்பூர் கெராயோங் ஆறு
- சுங்கை பீசி ரசாக் மாளிகைக்கு அருகில்
- சா ஆலாம்; டாமன்சாரா-பூச்சோங் விரைவுச்சாலை; டாமன்சாரா ஆறு
- தாமான் TTDI ஜெயா, ஜெயண்ட் ஐப்பர்மார்க்கெட், சா ஆலாம் அரங்கம் முதல் பத்து தீகா வரை.
பேராக்[தொகு]
- கோலாகங்சார் நெடுஞ்சாலை
பினாங்கு[தொகு]
- ஏயோன் பிக் செபராங் ஜெயா அருகே பட்டர்வொர்த்-கூலிம் விரைவுச் சாலையில் செபெராங் ஜெயா சுரங்கப்பாதை
கெடா[தொகு]
கிளாந்தான்[தொகு]
- கிளாந்தான்; கிளாந்தான் ஆறு
- கோலா கிராய்
- தாங்கா கிராய், கோலா கிராய்
- கோலோக் ஆறு, தும்பாட்
திராங்கானு[தொகு]
- டுங்குன் ஆறு
- திராங்கானு ஆறு கோலா பெராங் அருகில்
- பெசுட்
பகாங்[தொகு]
- பகாங் ஆறு தெமர்லோவில் இருந்து பெக்கான் நகரம் வரை
- குவாந்தான் மாவட்டம் குவாந்தான்
நெகிரி செம்பிலான்[தொகு]
மலாக்கா[தொகு]
ஜொகூர்[தொகு]
- சுங்கை ஏர் மோலெக்குடன் ஜொகூர் பாரு
- ஜொகூர் பாரு சிறைச்சாலையில் இருந்து, கூட்டரசு கட்டிடம் (விசுமா பெர்செக்குத்துவான்), தாபோங் அஜி கட்டிடம், ஜோதிக், டேவான் சூப்லி இந்தான், இசுதானா பெசார் அருகிலுள்ள நீதிமன்றக் கட்டிடம் வரை.
- ஜொகூர் பாரு சுகூடாய் ஆறு
- தெப்ராவ்ஆறு ஜொகூர் பாரு
- ஜொகூர் ஆறு அருகில் கோத்தா திங்கி
- சுங்கை பெனுட்டுடன் சிம்பாங் ரெங்காம் முதல் பெனுட் வரை
- சுங்கை சிம்பாங் கிரி மற்றும் சுங்கை சிம்பாங் கானான், பத்து பகாட் மாவட்டம்
- செம்பெரோங் ஆறு, பத்து பகாட் மாவட்டம்
- சிகாமட் ஆறு அருகில் சிகாமட்
- மூவார் ஆறு, சிகாமட் மாவட்டம்
சபா[தொகு]
- பெனாம்பாங் சாலை வழியாக
- பித்தாசு மாவட்டம்
- சண்டாக்கான் மாவட்டம்: சிம்-சிம் சாலை, BDC சாலை, பத்து சத்து சாலை, செபிலோக் சாலை, சின் ஆன் சாலை, சோங் தியென் வுன் சாலை, பசடேனா வீட்டு மனை, அமன் ரியா 5, LCN வீட்டு மனை, வில்லா வீட்டு மனை, கிரீன் வீட்டு மனை, ஈசுடர்ன் பிளாசா, தகடா கமர்சியல் சதுக்கம், அபாஸ் பத்து சாலை, கம்போங் சாதானி அபாஸ் பத்து சாலை 2, கம்போங் பாசிர் பூத்தே, கம்போங் தஞ்சோங் பத்து, லீகா வீட்டு மனை, கம்போங் பத்து துவா, பசடேனா வீட்டு மனை மற்றும் செத்தியா வீட்டு மனை
சரவாக்[தொகு]
- கூச்சிங் பகுதிகள்
மேற்கோள்கள்[தொகு]
- ↑ "MyGOV - The Government of Malaysia's Official Portal". www.malaysia.gov.my. பார்க்கப்பட்ட நாள் 2021-12-24.
- ↑ "Gurudwara Sahib Kluang, Johor". World Gurudwaras (in பிரிட்டிஷ் ஆங்கிலம்). பார்க்கப்பட்ட நாள் 2020-12-03.
- ↑ "Kluang the catastrophe in 1969. Flooded mountain city changes color". www.sinchew.com.my. Archived from the original on 2020-04-24. பார்க்கப்பட்ட நாள் 2020-03-07.
- ↑ Auto, Hermes (2021-12-19). "Peninsular Malaysia hit by '1-in-100-year' rainfall, govt says amid severe flooding | The Straits Times". www.straitstimes.com (in ஆங்கிலம்). பார்க்கப்பட்ட நாள் 2021-12-24.
- ↑ "Flooding in 8 states, Malaysia – Flash Update: No. 1 (21 Dec 2021) - Malaysia". ReliefWeb (in ஆங்கிலம்). பார்க்கப்பட்ட நாள் 2021-12-24.
- ↑ Vinod, G. (2021-12-20). "Flood in Taman Sri Muda: This is why Ganabatirau chided JPS officials, netizens say". Focus Malaysia (in அமெரிக்க ஆங்கிலம்). பார்க்கப்பட்ட நாள் 2021-12-24.
- ↑ "Malaysia's 'once in 100 years' flood exposes reality of climate change, better disaster planning needed: Experts". CNA (in ஆங்கிலம்). பார்க்கப்பட்ட நாள் 2022-06-12.
மேலும் காண்க[தொகு]
வெளி இணைப்புகள்[தொகு]
- Department of Irrigation and Drainage (DID) Malaysia
- Malaysian Meteorological Services
- Infobanjir @ DID Malaysia பரணிடப்பட்டது 9 ஏப்பிரல் 2019 at the வந்தவழி இயந்திரம்
- Latest Malaysian flood info பரணிடப்பட்டது 29 திசம்பர் 2014 at the வந்தவழி இயந்திரம்
