பீகாரில் கல்வி

ஐந்தாம் நூற்றாண்டிலிருந்து இந்தியாவின் பழமையான பல்கலைக்கழகங்களில் ஒன்றான பீகார் கற்றலின் முக்கிய மையமாக இருந்து வருகிறது, மேலும் பண்டைய காலங்களிலிருந்த இதன் கற்றல் பாரம்பரியம் இடைக்காலத்தில் காணாமல் போனது என்றும் படையெடுப்பாளர்கள் இந்த கற்றல் மையங்களை அழித்தார்கள் எனவும் நம்பப்படுகிறது.

பிரித்தானிய ஆட்சியின் பிற்பகுதியில் பீகார் கல்வியில் மறுமலர்ச்சியைக் கண்டது. அறிவியல் கல்லூரி, பாட்னா, இளவரசர் வேல்சு மருத்துவக் கல்லூரி (இப்போது பாட்னா மருத்துவக் கல்லூரி மற்றும் மருத்துவமனை ) மற்றும் பீகார் பொறியியல் கல்லூரி (இப்போது தேசிய தொழில்நுட்ப நிறுவனம், பாட்னா) ஆகிய உயர்கல்வி நிறுவனங்களுடன் பாட்னாவில் ஒரு பல்கலைக்கழகம் நிறுவப்பட்டது.இந்திய தொழில்நுட்பக் கழகங்கள், இந்திய மேலாண்மை கழகங்கள் மற்றும் அனைத்திந்திய மருத்துவ அறிவியல் கழகம், இந்திய அறிவியல் கல்வி மற்றும் ஆராய்ச்சி கழகங்கள் ,பீகார் பொறியியல் பல்கலைக்கழகம், பீகார் சுகாதார அறிவியல் பல்கலைக்கழகம் பாட்னா போன்ற தேசிய கல்வி நிறுவனங்கள் உள்ளது.

கல்வி வரலாறு

வரலாற்று ரீதியாக, பீகார் ஒரு முக்கிய கற்றல் மையமாக இருந்து வருகிறது, நாளந்தா ( கணிப்பு. 450 CE), ஒடந்தபுரா (550 CE) விக்கிரமசீலா (783 CE) 1200 CE இல் இஸ்லாமிய படையெடுப்பாளர் பக்தியார் கில்ஜியால், நாளந்தா மற்றும் விக்ரமசீலா பல்கலைக்கழகங்கள் அழிக்கப்பட்டன.

எழுத்தறிவு

ஆண்டு	மொத்தம்	ஆண்கள்	பெண்கள்
1961	21.95	35.85	8.11
1971	23.17	35.86	9.86
1981	32.32	47.11	16.61
1991	37.49	51.37	21.99
2001	47.53	60.32	33.57
2011	63.82	73.39	53.33

பீகாரில் மொத்த எழுத்தறிவு விகிதம் 69 .83% ஆகும் . ஒட்டுமொத்த ஆண் மற்றும் பெண் கல்வியறிவு விகிதம் முறையே 70.32% மற்றும் 53.57% ஆகும். மொத்த கிராமப்புற கல்வியறிவு விகிதம் 43.9%. பீகாரின் கிராமப்புறங்களில் ஆண் மற்றும் பெண் கல்வியறிவு விகிதம் முறையே 57.1 மற்றும் 29.6 ஆக உள்ளது. மொத்த நகர்ப்புற கல்வியறிவு விகிதம் 71.9. பீகாரின் நகர்ப்புறங்களில் ஆண் மற்றும் பெண் கல்வியறிவு விகிதம் முறையே 79.9 மற்றும் 62.6 ஆக உள்ளது. . பீகாரில் கல்வியறிவு பெற்றவர்களின் எண்ணிக்கை 3,16,75,607, இதில் 2,09,78,955 ஆண்கள் மற்றும் 1,06,96,652 பெண்கள் உள்ளனர்.