ஆலடி அருணா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
Aladi Aruna.jpg

வை. அருணாசலம் என்ற ஆலடி அருணா (09.07.1933.- 31.12.2004.)[1] தமிழக அரசியல்வாதி ஆவார். இவர் தமிழ்நாடு சட்டமன்றத்திற்க்கு மூன்று முறை 1967 , 1971 மற்றும் 1996 ஆலங்குளம் சட்டமன்றத் தொகுதியிலிருந்து திராவிட முன்னேற்றக் கழகம் கட்சி சார்பாக தேர்ந்தெடுக்கப்பட்டார். இவர் சட்ட அமைச்சராகவும் பதவி வகித்தார். 2004, டிசம்பர் மாதம் படுகொலை செய்யப்பட்டார்.

மேலும் இவர் இந்திய நாடாளுமன்றத்திற்கு 1977 ல் திருநெல்வேலி மக்களவைத் தொகுதியிலிருந்து அனைத்திந்திய அண்ணா திராவிட முன்னேற்றக் கழகம் சார்பாக தேர்ந்தெடுக்கப்பட்டார்.

குடும்ப வாழ்க்கை[தொகு]

ஆலடிப்பட்டி அருணாசலம் என்ற ஆலடி அருணா அவர்கள் திருநெல்வேலி மாவட்டம், ஆலடிப்பட்டி எனும் ஊரில் திரு.வைத்தியலிங்க நாடார் - திருமதி. பத்திரகாளி அம்மாள் ஆகியோருக்கு முதல் மகனாகப் பிறந்தார். இவருக்கு இரண்டு சகோதரர்கள் மற்றும் இரண்டு சகோதரிகள். இவருடைய தகப்பனார் ஒரு விவசாயி. இவர் தன்னுடைய பள்ளிப்படிப்பை ஆலடிப்பட்டி தொடக்கப் பள்ளியிலும், திருநெல்வேலி மேல்நிலைப் பள்ளியிலும் முடித்தார். பின்னர், திருநெல்வேலி மாவட்டம் பாளையம்கோட்டை புனித. யோவான் கல்லூரியில் B.A பட்டமும், சென்னை சட்டக் கல்லூரியில் M.A, B.L பட்டங்களையும் பெற்றார். ஆலடி அருணா இளம்வயதிலிருந்தே சிறந்த தமிழ் சிந்தனைவாதி மற்றும் ஒரு சிறந்த பேச்சாளர். தன் கல்லூரி நாட்களிலேயே சென்னை பச்சையப்பா கல்லூரியில் நடைபெற்ற மாநிலம் தழுவிய பேச்சுப் போட்டியில் வெற்றி கண்டவர்.

இல்லற வாழ்க்கையில் திருமதி. கமலா அம்மாள் என்பவரை மணந்து ஐந்து மகன்களையும், ஒரு மகளையும் பெற்றெடுத்தார். இவருடைய மகன்கள் மதிவாணன், அமுதவாணன், அன்புவாணன், தமிழ்வாணன், மற்றும் எழில்வாணன் ஆகியோர் ஆவர். இவருடைய ஒரே மகள் பூங்கோதை ஆவார்.

அரசியல் வாழ்க்கை[தொகு]

ஆலடி அருணா ஒரு வைராக்கியமான இந்து குடும்பத்தில் பிறந்தவராயிருந்தும், தந்தை பெரியாரின் பகுத்தறிவாத கொள்கைகளால் கவரப்பட்டு, பகுத்தறிவாதம் குறித்த அறிஞர் அண்ணா மற்றும் கலைஞர் கருணாநிதி அவர்களின் பேச்சுக்களால் பெரிதும் ஈர்க்கப்பட்டார். இந்த தாக்கமே அவரை இளம் மாணவப் பருவத்திலேயே அரசியலில் ஈடுபடச் செய்து, வரலாற்று நிகழ்ச்சியான "ஹிந்தி எதிர்ப்பு போராட்டத்தில்" தீவிர பங்காற்ற வைத்தது.

1962ஆம் ஆண்டு சட்டமன்ற தேர்தலில், திராவிட முன்னேற்ற கழகம் (தி.மு.க.) கட்சி சார்பில், ஆலங்குளம் சட்டமன்ற தொகுதி வேட்பாளராக போட்டியிட்டு தனது அரசியல் வாழ்க்கையை தொடங்கினார். அதில் அவர் தோல்வியடைந்த போதிலும், பின்னர் 1967 மற்றும் 1971ஆம் ஆண்டு தேர்தல்களில், தி.மு.க சார்பில் போட்டியிட்டு இரண்டு முறையும் ஆலங்குளம் சட்டமன்ற உறுப்பினராக தேர்ந்தெடுக்கப்பட்டார். மாவட்டம் முழுதும் உள்ள பீடி சுற்றும் தொழிலாளர்களின் வாழ்க்கை ஏற்றமடைய அரும்பாடு பட்டார்.

ஆலடி அருணா 1977ஆம் ஆண்டு நாடாளுமன்ற தேர்தலில் திருநெல்வேலி தொகுதியில் போட்டியிட்டு வெற்றிபெற்றார். இதன் மூலம் மாநில மற்றும் மத்திய அரசாங்கத்தில் வெற்றிகரமாய் பங்காற்றிய ஒரு அரிய அரசியல்வாதியென புகழ்பெற்றார்.

1984ல் கட்சியின் தலைவர் எம்.ஜி.ராமச்சந்திரன் அவரை தமிழ்நாடு சார்பில் மாநிலங்கவையில் இடம்பெறச் செய்தார். இந்த காலத்தில், ஆலடி அருணா "போபர்ஸ் ஊழல்" ஆய்வு குறித்த கூட்டு பாராளுமன்ற குழு உறுப்பினராக பணியாற்றினார்.[சான்று தேவை]

திரு.எம்.ஜி.ராமச்சந்திரன் இறந்த பிறகு, அவர் மீண்டும் திமுகவில் இணைந்து, அதன் செய்தி தொடர்பாளராக நியமிக்கப்பட்டார். அவர் தி.மு.க. செய்தி தொடர்பாளருக்கென்று தனி அலுவலகம் கிடைக்கப்பெற்ற முதல் நபராவார். அவர் 1996 சட்டசபை தேர்தலில் திமுக வேட்பாளராக போட்டியிட்டு வெற்றி பெற்று பிறகு தமிழ்நாட்டின் சட்ட அமைச்சர் ஆனார்[2]. அவர் சென்னையில் சட்டப் பல்கலைக்கழகம் நிறுவப்படவும், திருநெல்வேலியில் சட்டக் கல்லூரி கொண்டு வரவும், மற்றும் மதுரை உயர் நீதிமன்ற கிளை அமைக்கவும் முக்கிய காரணமாக இருந்தார்.

மறைவு[தொகு]

  • நெல்லை மாவட்டம் ஆலங்குளத்தில், கடந்த 2004ம் ஆண்டு டிசம்பர் 31ஆம் தேதி, ஆலடி அருணா படுகொலை செய்யப்பட்டார்.[3][4][5]

மேற்கோள்கள்[தொகு]

"http://ta.wikipedia.org/w/index.php?title=ஆலடி_அருணா&oldid=1477641" இருந்து மீள்விக்கப்பட்டது