அட்டன், இலங்கை

அட்டன்
தொடருந்து நிலையம்
அட்டன்
மாகாணம்  - மாவட்டம்	மத்திய மாகாணம்  - நுவரெலியா
அமைவிடம்	6.889° N 80.599° E
- கடல் மட்டத்திலிருந்து உயரம்	- 1263 மீட்டர்
கால வலயம்	SST (ஒ.ச.நே.+5:30)
குறியீடுகள்  - அஞ்சல்  - தொலைபேசி  - வாகனம்	- 22000  - +9451  - CP

அட்டன் (ஆங்கிலம்:Hatton, சிலவேளைகளில் ஹற்றன்) இலங்கையின் மத்திய மாகாணத்தில் நுவரெலியா மாவட்டத்தில் அமைந்துள்ள ஒரு நகரமாகும். இது இந்நகரைச் சூழவுள்ள தேயிலைப் பெருந்தோட்டங்களுக்கு பெயர்பெற்றதாகும். இந்நகரமானது அற்றன்-டிக்கோயா நகர சபையால் நிர்வாகிக்கப்படுகிறது. அம்பகமுவா பிரதேச செயளாலர் பிரிவில் அமைந்துள்ளது. 2001 இலங்கை அரசின் மக்கள்தொகை கணிப்பீட்டின் படி நகரின் மக்கள்தொகை 14,255 ஆகும். இது இலங்கை தொடருந்து வலையமைப்பின் கொழும்பு-பேராதனை-பதுளை பாதையில் றொசல்லை, கொட்டகலை தொடருந்து நிலையங்களுக்கிடயே அமைந்துள்ளது. பொடிமெனிகே, உடரடமெனிகே என்ற பெயருடைய தொடருந்துகள் இந்நகரைக் கடந்து செல்கின்றன. அட்டன், கொட்டகலை தொடருந்து நிலையங்களுக்கிடையே அமைந்துள்ள ”சிங்கமலைக் குகை” இலங்கையின் நீளமான தொடருந்து குகைவழியாகும்.

மக்கள் பரவல்

இனக்கள்	சனத்தொகை	மொத்த தொகையின் வீதம்
சிங்களவர்கள்	3,752	26.32
இலங்கைத் தமிழர்கள்	3,278	23.00
இந்தியத் தமிழர்கள்	4,713	33.06
இலங்கை மூர் இனத்தவர்	2,309	16.20
ஏனையவர்கள் (including Burgher, Malay)	203	1.42
மொத்தம்	14,255	100
Coordinates	6°53′14.45″N, 80°35′55.03″E	அட்டன்

Source: [1]

முக்கியமான பாடசாலைகள்

• ஹைலன்ஸ் பாடசாலை

1892 ஆம் ஆண்டில் ஆரம்பிக்கப்பட்ட இந்தப் பாடசாலையே அட்டன் நகரிலுள்ள பாடசாலைகளில் பெரியதாகும். இது முக்கியமாக தமிழர்கள் கல்விகற்கும் பாடசாலையாகும். சிங்கள மாணவர்களுக்கான தனிப் பிரிவும் இந்தப் பாடசாலையில் இயங்குகின்றது.

• சிறீபாத பாடசாலை

இது முக்கியமாக சிங்கள மாணவர்கள் கல்விகற்கும் பாடசாலையாகும். தமிழ் மாணவர்களுக்கான தனிப் பிரிவும் இந்தப் பாடசாலையில் இயங்குகின்றது.

• St. Gabriel's Convent

இது பெண்களுக்கான பாடசாலையாகும்.

• St. John Bosco's College

இது ஆண்களுக்கான பாடசாலையாகும்.