புறா பந்தயம்: திருத்தங்களுக்கு இடையிலான வேறுபாடு
No edit summary அடையாளம்: Manual revert |
added Category:விளையாட்டுகளில் விலங்குகள் using HotCat |
||
வரிசை 19: | வரிசை 19: | ||
[[பகுப்பு:புறாக்கள்]] |
[[பகுப்பு:புறாக்கள்]] |
||
[[பகுப்பு:விளையாட்டுகளில் விலங்குகள்]] |
09:31, 21 செப்டெம்பர் 2021 இல் நிலவும் திருத்தம்
புறா பந்தயம் (Pigeon racing) என்பது சிறப்பாக பயிற்சி பெற்ற வீட்டுப் புறாக்களை ஒரு இடத்திலிருந்து பறக்கவிட்டும் விளையாட்டாகும். கவனமாக அளவிடப்பட்ட தூரத்தில் உள்ள தங்கள் வீடுகளுக்குத் திரும்பும் புறாவானது. குறிப்பிட்ட தொலைவைக் கடக்க எடுக்கும் நேரம் அளவிடப்படுகிறது. மேலும் போட்டியில் கலந்துகொண்ட பிற புறாக்களின் பயண விகிதம் கணக்கிடப்பட்டு எந்தப் பறவை அதிக வேகத்தில் திரும்பியது என்பதை தீர்மானிக்க பந்தயத்தில் பறந்த மற்ற புறாக்களுடன் ஒப்பிடப்பட்டு முடிவு அறிவிக்கப்படுகிறது.
புறா பந்தையத்துக்காக பிரத்தியேகமாக வளர்க்கப்படும் ரேசிங் ஓமர் என்ற குறிப்பிட்ட புறா இனம் பயன்படுத்தப்படுகிறது. சிறப்பு பயிற்சி அளிக்கப்படுகிற பந்தைய புறாக்களானது, சுமார் 100 கிலோமீட்டர்கள் (62 mi) முதல் 1,000 கிலோமீட்டர்கள் (620 mi) வரையிலான போட்டிகளில் கலந்து கொள்கின்றன. போட்டிகள் கீலோமீட்டர் கணக்கில் நடத்தப்பட்டபோதிலும், போட்டியில் புறாக்கள் சில நொடி வித்தியாசத்தில் வெல்லவோ, தோற்கவே கூடும். எனவே போட்டிக்காக பல நேர மற்றும் அளவீட்டு சாதனங்கள் உருவாக்கப்பட்டுள்ளன. பாரம்பரிய நேர முறையானது சிறப்பாக வடிவமைக்கப்பட்ட கடிகாரங்கள் பதிக்கப்பட்ட இரப்பர் வளையங்களைக் கொண்டதாக இருந்தது அதேசமயம் ஒரு புதிய வளர்ச்சியாக வானலை அடையாளத்தின் வழியாக பறவையின் வருகை நேரத்தை பதிவு செய்ய பயன்படுத்துகிறது.
திட்டவட்டமான ஆதாரம் இல்லை என்றாலும், புறா பந்தைய விளையாட்டு குறைந்தபட்சம் கிபி 220 வரை பழமையானதாக இருக்கக்கூடும் என்று கருதுவதற்கு வலுவான காரணங்கள் உள்ளன. மேலும், யூத நூலான மிஷ்னாவில் புறா பந்தையம் குறித்த பதிவுகள் உள்ளன. 19 ஆம் நூற்றாண்டின் நடுவில் பெல்ஜியத்தில் இந்த விளையாட்டு பெரும் புகழ் பெற்றது. பெல்ஜியம் புறா ஆர்வலர்களால் வேகமாக பறத்தல், நீண்ட தொலைவுக்கு பறக்கும் தன்மை கொண்டவையாக புறாக்களை விசேடமாக உருவாக்கத் தொடங்கினர். பெல்ஜியத்தின் பிளம்மியர் ஆர்வலர்கள் உருவாக்கிய விளையாட்டு மற்றும் வோயேஜூரின் நவீன பதிப்பு விளையாட்டு உலகின் பெரும்பாலான பகுதிகளில் பரவியது. ஒரு காலத்தில் மிகவும் பிரபலமாக இருந்த இந்த விளையாட்டு, அண்மைய ஆண்டுகளில் உலகின் சில பகுதிகளில் பங்கேற்பாளர்கள் குறைந்துவரும் நிலையை அடைந்துள்ளது. இதற்கு வாழ்க்கை செலவு அதிகரிப்பு, ஆர்வலர்களின் வயது அதிகரித்தல், பொது சமூகத்தில் ஆர்வம் குறைதல் போன்றவை காரணமாக இருக்கலாம். சிலர் விளையாட்டிலிருந்து விலகுவதற்கு தூசுகளினால் உருவாகும் நோயான ஹைபர்சென்சிட்டிவிட்டி நிமோனிடிஸ் நோயும் ஒரு காரணமாகும். [1]
வரலாறு
புறாக்கள் பழமையான வளர்ப்பு பறவைகளாகும்.[சான்று தேவை] நவீன நாள் பந்தய புறாக்களின் முன்னோடிகளாக செய்திகளை எடுத்துச் செல்ல திரும்பிவரும் அவற்றின் திறனுக்காக வளர்க்கப்பட்டன. " புறா அஞ்சல் " முறை உலகம் முழுவதும் நிறுவப்பட்டுள்ளது. இது முக்கியமாக இராணுவத்தில் பயன்படுத்தப்பட்டாலும், சில இன்றும் சேவையில் உள்ளன. நவீன புறா பந்தயம் பெல்ஜியத்தில் 19 ஆம் நூற்றாண்டின் மத்தியில் உருவானது. பந்தய புறாக்கள் முதலில் பெல்ஜியம் மற்றும் இங்கிலாந்தில் ஒரே நேரத்தில் உருவாக்கப்பட்டன. அவை முதன்மையாக சுமர்லெ, பிரஞ்சு குமிலட், ஆங்கிலேய கேரியர், டிரகூன், ஆர்ஸ்மென் (தற்போது அற்றுவிட்டது) போன்ற பல இனப் புறாக்கள் பயன்படுத்தப்பட்டன. உயரமான பறக்கும் குமுலெட்டிலிருந்து, வந்த ஓமர் புறாக்கள் அதன் சகிப்புத்தன்மைக்காகவும், சோர்வின்றி பல மணிநேரங்களுக்கு பறக்கும் திறனுக்காகவும் அறியப்படன. செய்தி அனுப்பும் இடத்திலிருந்து, அது அதிக தூரத்திலிருந்தாலும் தன் இருப்பிடத்திற்கு செல்லும் வழியைக் கண்டுபிடித்து செல்லக்கூடியது. [2]
புதிய சகாப்தத்தின் பல புதிய தொழில்நுட்பங்கள் இந்த விளையாட்டு வளர உதவியது. தொடருந்துபாதையின் வருகையால் புறாக்களை விரைவாகவும் குறைந்த செலவிலும் தொலைதூர இடங்களுக்கு கொண்டு செல்ல ஏதுவானது. மேலும் அதிநவீன கடிகாரங்கள் உருவாக்கமானது விளையாட்டுக்கு துல்லியமான நேர அளவீட்டைக் கொண்டு வந்தது.
இதுவரை விற்கப்பட்ட விலையுயர்ந்த புறா "நியூ கிம்" ஆகும், இது 2020 நவம்பரில் சீனாவில் இருந்து ஒரு பணக்கார ஏலதாரரால் 1.9 மில்லியன் டாலர்களுக்கு வாங்கப்பட்டது. [3]
குறிப்புகள்
- ↑ León, DE; Retana, VN; Hernández-Pando, R; Arellano, J; Ortiz, LG; Valle, FC; Martínez-Cordero, E (2007). "Pigeon hypersensitivity pneumonitis: immunohistochemical demonstration of the causative antigen in the lung". Prim Care Respir J 16 (4): 252–6. doi:10.3132/pcrj.2007.00046. பப்மெட்:17660891.
- ↑ Levi, Wendell (1977). The Pigeon. Sumter, S.C.: Levi Publishing Co, Inc. பன்னாட்டுத் தரப்புத்தக எண்:0-85390-013-2.
- ↑ "New Kim: Racing pigeon from Belgium sold for record €1.6m". BBC News. 15 November 2020. https://www.bbc.com/news/world-europe-54953594#:~:text=A%20racing%20pigeon%20from%20Belgium,Sunday%20for%20the%20record%20amount..