ஸ்ரீலா கோஷ்
ஸ்ரீலா கோஷ் | |
|---|---|
 | |
| பிறப்பு | 25 செப்டம்பர் 1962 சில்லாங், அசாம், இந்தியா |
ஸ்ரீலா கோஷ் (Shreela Ghosh) (பிறப்பு: 1962 செப்டம்பர் 25) இந்தியாவின் அசாமைச் சேர்ந்த முன்னாள் நடனக்கலைஞரும், நடிகையும் மற்றும் நிருபரும் ஆவார். 1985 ஆம் ஆண்டில் நைமா ஜெஃப்பரியாக நடித்தபோது ஐக்கிய இராச்சியத்தில் பகிரங்கமாக அறியப்பட்டார். இது பிபிசியின் நாடகமான ஈஸ்ட்எண்டர்ஸ் என்பதின் அசல் கதாபாத்திரங்களில் ஒன்றாகும். பின்னர் இவர் ஒரு கலை நிர்வாகியாக பணியாற்றுவதற்கான நிகழ்ச்சியை கைவிட்டார். எஸ்மி ஃபேர்பைர்ன் அறக்கட்டளையில் கலை மற்றும் பாரம்பரியத்திற்கான முதல் திட்ட இயக்குநராக இருந்த இவர், சர்வதேச காட்சி கலைகள் நிறுவனத்தில் துணை இயக்குநரானார். இவர் இப்போது இலக்கியம், கல்வியறிவு மற்றும் இலவச வெளிப்பாடுக்கான ஒரு சர்வதேச மையமான இலவச சொல் மையத்தின் இயக்குநராக உள்ளார்.
தொழில்
[தொகு]நாடக அரங்கு
[தொகு]கோஷ் தனது பணி வாழ்க்கையை ஒரு நடிகராகவும், பாரம்பரிய பரதநாட்டியம் மற்றும் கதக் ஆகியவற்றின் இந்திய நடனக் கலைஞராகவும், பாடகராகவும் தொடங்கினார். [1] பதினேழு வயதில் - ஒரு முகவர் மற்றும் நடிகர் சங்கத்தில் சேரத் தகுதியைப் பிறகு - இவர் அரங்கன்களில் விரிவாகப் பணியாற்றினார். அதில் மேக்ஸ் ஸ்டாஃபோர்ட்-கிளார்க்கின் கூட்டு பங்கு நாடக நிறுவனம் போன்ற முன்னணி அமைப்புகளுடன் பணிபுரிந்தார். அங்கு இவர் சந்தைப்படுத்தல் மற்றும் விளம்பர அதிகாரியாகவும் பணியாற்றி வந்தார். 1981ஆம் ஆண்டில் பிளே ஃபார் டுடே தயாரிப்புகளில் தி கார்லண்ட், [2] மற்றும் 1984 இல் மூவிங் தி எட்ஜ் ஆகியவற்றில் தொலைக்காட்சி வேலைகள் தொடர்ந்து வந்தன. பிபிசியின் செவிலியர் நாடகமான ஏஞ்சல்ஸ் (1982) [3] என்பதில் இவர் பாத்திரங்களைக் கொண்டிருந்தார். மேலும் 1984ஆம் ஆண்டில் வெற்றிகரமான ஐ தொலைக்காட்சி வலைப்பின்னலின் குறுந்தொடரான தி ஜுவல் இன் தி கிரவுனில் மினி என்ற பாத்திரத்தில் நடித்தார். கோஷ் ஒரு வழக்கமான பாணியில் ஒரு நடிகராக பயிற்சி பெறவில்லை என்றாலும், இவரது குரலில் பயிற்சியும், இந்திய நடனத்திலிருந்து இவர் கற்றுக்கொண்ட வியத்தகு நுட்பங்களும் இவருக்கு பல நாடகத்தில் பாத்திரமாக வந்தன.
தொலைக்காட்சி
[தொகு]1985ஆம் ஆண்டில் கோஷ் தனது தொலைக்காட்சி வாழ்க்கையைத் தொடர்ந்தார். இவர் பிபிசியின் நாடகமான் ஈஸ்ட்எண்டர்ஸ் அசல் கதாபாத்திரங்களில் ஒன்றான நைமா ஜெஃப்பரியாக நடித்தார். நைமா மற்றும் அவரது கணவர் சயீத் ( ஆண்ட்ரூ ஜான்சன் ) ஆகியோர் இந்த நிகழ்ச்சியில் தோன்றிய முதல் ஆசிய கதாபாத்திரங்கள். முன்னர் பிரித்தன் நாடகத்தில் பிரதிநிதித்துவப்படுத்தப்படாத ஒரு இன சிறுபான்மையினர். இலண்டனின் ஈஸ்ட் எண்டில் இருந்த பல கலாச்சார சமுதாயத்தின் குறுக்குவெட்டைப் பிரதிபலிக்கும் ஒரு நல்ல நோக்கத்துடன் அவர்கள் சேர்க்கப்பட்டனர். கோஷ் 1987 வரை அத்தொடரில் இருந்தார். [4]
தனிப்பட்ட வாழ்க்கை
[தொகு]தெற்காசியாவில் பிறந்தவர் என்றாலும், கோஷ் பதினொரு வயதில் வங்காளத்தை விட்டு வெளியேறி இங்கிலாந்து சென்றார். தற்போது அங்கு இவர் வாழ்ந்து வருகிறார். [1] இவருக்கு பல குழந்தைகள் உள்ளனர். மேலும் பிறப்புக்கு பிந்தைய மன அழுத்தத்தால் பாதிக்கப்பட்டதாக ஒப்புக் கொண்டுள்ளார். இவரது குழந்தைகளில் ஒருவர் 1985இல் பிறந்தார். அவரது பாத்திரம், நைமா, குழந்தையைப் பெறுவதற்காக சில மாதங்களுக்கு ஈஸ்ட்எண்டர்ஸில் இருந்து எழுதப்பட்டது. [4]
இவர் கலை மன்றத்தில் தொடர்பு அதிகாரியாக பணிபுரிந்தபோது, வார்விக் பல்கலைக்கழகத்தில் ஐரோப்பிய கலாச்சார கொள்கை மற்றும் நிர்வாகத்தில் முதுகலைப் பட்டத்தை ஒரு பகுதிநேர அடிப்படையில் மேற்கொண்டார். 2005ஆம் ஆண்டில் இவர் பிர்க்பெக் பல்கலைக்கழகத்தில் கலை வரலாற்றில் ஒரு பாடத்திட்டத்தைத் தொடங்கினார். [1]
குறிப்புகள்
[தொகு]- ↑ 1.0 1.1 1.2 "Diverse Voices பரணிடப்பட்டது 21 பெப்பிரவரி 2007 at the வந்தவழி இயந்திரம்", allwayslearning.org. URL last accessed on 2007-02-17.
- ↑ "The Garland: Play for Today", BFI. URL last accessed on 2007-02-17.
- ↑ "Angels December 1982 cast list பரணிடப்பட்டது 2012-02-08 at the வந்தவழி இயந்திரம்", BFI. URL last accessed on 2007-02-17.
- ↑ 4.0 4.1 Smith, Julia; Holland, Tony (1987). EastEnders - The Inside Story. Book Club Associates. பன்னாட்டுத் தரப்புத்தக எண் 978-0-563-20601-9.
வெளி இணைப்புகள்
[தொகு]- Shreela Ghosh on IMDb