வெப்ப நியூத்திரன் அணு உலை

வெப்ப நியூத்திரன் அணு உலை (thermal neutron reactor) என்பது மெதுவான அல்லது வெப்ப நியூத்திரன்களை பயன்படுத்தும் ஓர் அணுக்கரு உலை ஆகும். பெரும்பாலான மின் அணுஉலைகள் இவ்வகையானவையே. இவற்றில் நியூத்திரன் மட்டுப்படுத்தி மூலம் நியூத்திரன்களின் வேகத்தை, தங்களைச் சூழ்ந்துள்ள துகள்களின் சராசரி ஆற்றலுக்கு இணையாகும்வரை குறைக்கப்படுகிறது; அதாவது, நியூத்திரன்களின் வேகம் குறைந்த வேகத்திலுள்ள வெப்ப நியூத்திரன்களின் வேகத்திற்கு குறைக்கப்படுகிறது. . யுரேனியம்-235 இன் அணுக்கருனி குறுக்குப்பாகம் மெதுவான வெப்ப நியூத்திரன்களுக்கு ஏறத்தாழ 1000 பார்ன்கள். இதுவே விரைவு நியூத்திரன்களுக்கு 1 பார்னுக்கு அண்மித்துள்ளது.

யுரேனியம்-235களை வெப்ப நியூத்திரன்கள் தாக்கும்போது பிளவுபட யுரேனியம்-238 ஐ விடக் கூடுதல் வாய்ப்புள்ளது. எனவே U-235 பிளவிலிருந்து ஒரு நியூத்திரனாவது மற்றொரு அணுக்கருனியை தாக்கி அதுவும் பிளவுபட ஏதுவானால் தொடர்வினை நீடிக்கும். இவ்வாறு தொடர்வினை தன்னாலேயே நீடிக்குமானால் அது உய்நிலை எதிர்வினை எனப்படும். இந்த நிலையை எட்டக்கூடிய U-235யின் திண்மை உய்நிலை பொருண்மை எனப்படுகிறது.

வெப்ப அணு உலைகளில் கீழ்கண்டவை அமைந்துள்ளன:

• நியூத்திரன் மட்டுப்படுத்தி - நியூத்திரன்களின் வேகத்தை மட்டுப்படுத்த.
• அணு எரிபொருள் - அணுக்கரு பிளவு படக்கூடிய பொருள், பொதுவாக யுரேனியம்.
• கதிர்வீச்சு காப்புக் கட்டிடம் - ஒரு நெருக்கடிநிலையிலும் கதிர்வீச்சு வெளியேறா வண்ணம் வடிவமைக்கப்பட்டது.
• அணுக்கரு உலைக்கலன் - குளிர்வியையும் கருவத்தையும் உள்ளடக்கிய அழுத்தக் கலன்.
• கதிர்வீச்சுக் கேடயம் - அயனாக்கற் கதிர்வீச்சு தாக்கத்திலிருந்து மனிதர்களையும் சுற்றுச்சூழலையும் பாதுகாக்க
• அணுஉலையின் பல்வேறு அமைப்புக்களை கண்காணிக்கவும் கட்டுப்படுத்தவும் தேவையான அளவுக்கருவிகள்.

இவற்றையும் காண்க

• செறிவூட்டப்பட்ட யுரேனியம்
• விரைவு நியூத்திரன்
• விரைவு நியூத்திரன் அணு உலை
• நியூத்திரன் மட்டுப்படுத்தி
• அணுக்கரு பிளவு
• யுரேனியம்-235
• யுரேனியம்-238