வடக்கன் கோயிக்கால் தேவி கோயில், புதியவிளை
வடக்கன் கோயிக்கால் தேவி கோயில் இந்தியாவில் கேரள மாநிலத்தில் காயங்குளத்திற்கு அருகில் உள்ள புதியவிளை கிராமத்தில் அமைந்துள்ள ஒரு புகழ்பெற்ற தேவி கோவில் அல்லது பகவதி கோயில் ஆகும்.
துணைத்தெய்வங்கள்[தொகு]
இக்கோயிலின் மூலவர் பார்வதி தேவி ஆவார். [1]இங்கு சிவன், பத்ரகாளி, தர்ம சாஸ்தா ஆகிய துணைத்தெய்வங்கள் உள்ளன. நாக தேவதை, கந்தகர்ணன், யக்சி, யோகீஸ்வரன், பிரம்ம ரக்சர் ஆகியோரின் சிலைகளும் இங்கு அமைக்கப்பட்டுள்ளன.
கருவறை சிறப்பு[தொகு]
இரண்டு தளங்களைக் கொண்ட மூலவர் கருவறை இக்கோயிலின் முக்கியமான சிறப்பாகும். பார்வதி சிலை தரை தளத்திலும், மகாதேவன் (சிவன்) சிலை முதல் தளத்திலும் உள்ளன.
விழாக்கள்[தொகு]
மலையாள நாட்காட்டி மாதமான குபத்தின் பரணி நாளில் கும்ப பரணி விழா இங்கு சிறப்பாகக் கொண்டாடப்படுகிறது. இந்த நாள் வடக்கன் கோயிக்கால் தேவியின் பிறந்த நாளாகக் கருதப்படுகிறது. இவ்விழா 10 நாள்கள் நடைபெறும். நவஹ யக்ஞம் இக்கோயிலில் ஏப்ரல் - மே மாதங்களில் ஒன்பது நாட்கள் நடத்தப்படும் கொண்டாட்டங்களில் ஒன்றாகும். இந்த ஒன்பது நாட்களிலும் கோயிலில் மிகச் சிறந்த சமய சடங்குகளும் (பூஜைகள்), அன்னதானமும் நடத்தப்படும்.