லூவ்வர் அபுதாபி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
லூவ்வர் அபுதாபி
Louvre Abu Dhabi
اللوفر أبوظبي
நிறுவப்பட்டதுநவம்பர் 8, 2017 (2017-11-08)
அமைவிடம்அபுதாபி, சாஜியாத் தீவு
வகைஓவியக் காட்சியகம்
இயக்குநர்மானுவல் ரபாடே [1]
உரிமையாளர்அபுதாபி சுற்றுலா & கலாச்சாரம் அதிகாரசபை
வலைத்தளம்www.louvreabudhabi.ae/en

லூவ்வர் அபுதாபிLouvre Abu Dhabi ) என்பது ஐக்கிய அரபு நாட்டின் அபுதாபியில் அமைந்துள்ள ஒரு கலை மற்றும் நாகரிக அருங்காட்சியகம் ஆகும். இந்த அருங்காட்சியகம் 2017 நவம்பர் 8 அன்று நிறுவப்பட்டது.[2] இது அபுதாபி நகரம் மற்றும் பிரெஞ்சு அரசாங்கத்திற்கு இடையிலான முப்பது ஆண்டுகால ஒப்பந்தத்தின் ஒரு பகுதியாகும். அருங்காட்சியகம் சாதிய்யாத் தீவு கலாச்சார மாவட்டத்தில் அமைந்துள்ளது. இது ஏறக்குறைய 24,000 சதுர மீட்டர் (260,000 சதுர அடி) அளவு கொண்டது, அதில் 8,000 சதுர மீட்டர் (86,000 சதுர அடி) காட்சியகங்களைக் கொண்டுள்ளது. [3], இது அரேபிய தீபகற்பத்தில் மிகப்பெரிய கலை அருங்காட்சியகம் ஆகும். கட்டுமானத்தின் இறுதிச் செலவு 600 மில்லியன் யூரோ எனக் கணக்கிடப்பட்டுள்ளது. [4].  கூடுதலாக, லூவ்வர் என்ற பெயருடனான கூட்டுக்காக, அபுதாபியால் 525 மில்லியன் அமெரிக்க டாலர் வழங்கப்பட்டது. மேலும் கலைப் பொருள் கடன்கள், சிறப்பு கண்காட்சிகள் மற்றும் நிர்வாக ஆலோசனைகள் போன்ற பரிமாற்றங்களுக்காக கூடுதலாக $ 747 மில்லியன் அமெரிக்க டாலர்கள் வழங்கப்படவுள்ளது.[5]

கிழக்கு மற்றும் மேற்கத்திய கலைகளுக்கு இடையிலான இடைவெளியை நிரப்புவதில் கவனம் செலுத்தப்பட்டு உலகெங்கிலும் இருந்து சேகரிக்கப்பட்ட கலைப்படைப்புகள் இந்த அருங்காட்சியகத்தில் காட்சிப்படுத்தப்படுகின்றன. [6]

வரலாறு[தொகு]

இந்த அருங்காட்சியக உருவாக்கத்தை பிரெஞ்சு பாராளுமன்றம் 2007 அக்டோபர் 9 அன்று அங்கீகரித்தது.  இந்தக் கட்டிட வடிவமைப்பினை ஜீன் நௌவெல் மற்றும் பொறியாளர்கள் ப்யூரோ ஹாபோல்ட் ஆகியோர் செய்தனர்.[7][8] பாரிசின் இன்ஸ்டிட்யூட் டூ மோன்ட் அபேவை ஜீன் நுவல் வடிவமைத்தார் என்பது குறிப்பிடத் தக்கது.

சாஜியாத் தீவின் 27 பில்லியன் டாலர் மதிப்பில் மேற்கொள்ளப்பட்ட சுற்றுலா மற்றும் கலாச்சார வளர்ச்சியின் ஒரு பகுதியாக இந்த அருங்காட்சியகம் அமைக்கப்பட்டுள்ளது. இந்த அருங்காட்சியக வளாகத்தில் குகன்ஹைம் அருங்காட்சியகம்[9] மற்றும் ஜெயேடு தேசிய அருங்காட்சியகம் ஆகிய அருங்காட்சியகங்களை உள்ளடக்கிய மூன்று அருங்காட்சியகங்கள் அடங்கியுள்ளன. அரசாங்க ஆதரவு வலைத்தளமான யூஏஏ இண்டெக்டாக்டின் படி:   "பிரஞ்சு அருங்காட்சியகங்கள் முகமை மற்றும் சுற்றுலா அபிவிருத்தி மற்றும் முதலீட்டு நிறுவனம் (TDIC) ஆகியன இணைந்து,  சாதியட் தீவை மேம்படுத்த இணைந்து  செயல்படும். இதன் தலைவராக பிரஞ்சு நிதியாளர் மார்க் லாட்ரிட் டி லச்சாரியேர் இருப்பார் மேலும் ரெவ்யூ டெஸ் டக்ஸ் மோன்ஸின் வெளியீட்டாளராகவும் இருப்பார்."[10] ஜார்ஜ்ஸ் பொம்பிளி மையத்தின் முன்னாள் நிர்வாக இயக்குனரான புருனோ மாகார்ட் நிறைவேற்று இயக்குனரின் பதவியை வகிப்பார்.

வடிவமைப்பு[தொகு]

இடம்[தொகு]

சயாடியட் தீவின் கலாச்சார மாவட்டம், உலக வர்க்க கலாச்சாரங்களின் மிகப்பெரிய ஒற்றைத் தொகுப்பைக் கொண்டுவருவதற்கு திட்டமிட்டுள்ளது.[11] லூவர் அபுதாபியுடன் மேலும்  கூடுதலாக உருவாக்க உத்தேசிக்கப்பட்டவை பின்வருமாறு: 

சியாத் நேஷனல் மியூசியம், ஐக்கிய இராச்சியத்தைச் சார்ந்த கட்டிடக்கலை நிறுவனமான ஃபோஸ்டெர் அண்ட் பார்ட்னர்ரின், லார்ட் நோர்மன் ஃபோஸ்டரின் வழிகாட்டுதலில் வடிவமைக்கப்பட்டது;
ககன்ஹென்ஹைம் அபுதாபி சமகால கலை அருங்காட்சியகம் - உலகின் மிகப்பெரிய மற்றும் மத்தியக் கிழக்கில் அமைக்கப்பட்டுள்ள ஒரே குகன்ஹென்ஹீம் அருங்காட்சியகம்;  
ஜஹா ஹாட்டினால் வடிவமைக்கப்பட்ட கலை மையம்; டாடா அண்டோவின் கருத்தில் வடிவமைப்பு கொண்ட கடல் அருங்காட்சியகம் மற்றும் பல கலைக்கூடங்கள்.[12]

கட்டடக்கலை[தொகு]

அருங்காட்சியகமானது  "பெரிய மிதக்கும் குவிமாடம் போலத் தோன்றும் அமைப்பைக்" கொண்டதாக வடிவமைக்கப்பட்டுள்ளது; அதன் வலை வடிவமானது சூரிய ஒளியை வடிகட்ட உதவுவதாக அமைந்துள்ளது. இதன் ஒட்டுமொத்த விளைவு என்பது "பாலைவனச் சோலையில் அமைந்துள்ள சூரிய ஒளிக் கதிர்கள் பேரீச்சை மர உச்சியைக்  கடந்து சென்று அடைவதுபோல" இருக்கும்."[13][14] இந்த அருங்காட்சியகத்தின் மொத்த பரப்பளவு 24,000 சதுர மீட்டர் (260,000 சதுர அடி) ஆகும்.   நிரந்தர சேகரிப்பு பொருட்கள் 6,000 சதுர மீட்டர் (65,000 சதுர அடி) இடத்தைக் கொண்டதாக இருக்கும். மேலும் தற்காலிக கண்காட்சிகளுக்கு 2,000 சதுர மீட்டர் (22,000 சதுர அடி) ஒதுக்கப்பட்டுள்ளது,

மேற்கோள்கள்[தொகு]

  1. "Louvre Abu Dhabi Director and Deputy Director appointed". பார்த்த நாள் 19 December 2017.
  2. "Emmanuel Macron and UAE leaders formally open Louvre Abu Dhabi".
  3. "The Louvre Abu Dhabi - Louvre Museum - Paris" (6 September 2017).
  4. "Subscribe to read". பார்த்த நாள் 2017-11-12.
  5. "Riding, Alan". New York Times. 2007-03-07. https://www.nytimes.com/2007/03/07/arts/design/07louv.html. பார்த்த நாள்: 2008-09-09. 
  6. "Vincent Van Gogh, Andy Warhol, Claude Monet and Henri Matisse in Louvre Abu Dhabi". Glammonitor. 2014-10-21. http://www.glammonitor.com/2014/10/21/middle-eastern-art-lovers-rejoice-louvre-finally-coming-abu-dhabi/. பார்த்த நாள்: 2014-10-21. 
  7. "Le "Louvre Abu Dhabi" verra bien le jour" (French). Le Figaro (9 October 2007).
  8. Robinson, Victoria (7 January 2008). "Abu Dhabi and Paris sign museam deal". MEED. பார்த்த நாள் 2008-09-12.
  9. "Feu vert du parlement français au futur musée "Louvre Abou Dhabi"". AFP. மூல முகவரியிலிருந்து 9 June 2007 அன்று பரணிடப்பட்டது.
  10. "French cultural agency to steer work on Louvre Abu Dhabi". UAE Interact (2007-08-13). பார்த்த நாள் 2008-09-17.
  11. "French Culture Minister heads delegation to UAE capital to seal Louvre Abu Dhabi operating framework". AME Info (7 January 2008). மூல முகவரியிலிருந்து 30 October 2008 அன்று பரணிடப்பட்டது. பார்த்த நாள் 2008-09-16.
  12. "Louvre Abu Dhabi". Nafas Art Magazine (2007). பார்த்த நாள் 2008-09-26.
  13. "Louvre, Abu Dhabi". Wallpaper (2007-05-07). மூல முகவரியிலிருந்து 11 February 2009 அன்று பரணிடப்பட்டது. பார்த்த நாள் 2008-09-16.
"https://ta.wikipedia.org/w/index.php?title=லூவ்வர்_அபுதாபி&oldid=2509181" இருந்து மீள்விக்கப்பட்டது