லீனா திரிவேதி
லீனா திரிவேதி (பிறப்பு ஜூன் 11, 1973) ஓர் இந்திய-அமெரிக்க தொழிலதிபர், எழுத்தாளர், கல்வியாளர் மற்றும் பொது ஊழியர் ஆவார் .
பீனி பேபிஸின் முதல் 136 கவிதைகளை எழுதியதன் மூலம் இவர் பரவலாக அறியப்படுகிறார் [1] உலகின் முதன்முறையாக வணிகத்தை நுகர்வோர் வலைத் தளத்திற்கு இயக்கிய பெருமைக்குரியவர், அவர் டை இன்க்., பீனி பேபிஸ் தயாரிப்பாளர் ஆவார் . [1] இதன் விளைவாக, பீனி பேபிஸ் உலகின் முதல் இணைய உணர்வுக் கிளர்ச்சியாக ஆனது[2] டை வார்னர் ஒரு கோடீசுவரர் ஆனார்.
ஆரம்பகால வாழ்க்கை மற்றும் கல்வி[தொகு]
சிகாகோவில் குஜராத்தி பேசும் பிராமண குடும்பத்தில் பிறந்த ஒரு இந்திய அமெரிக்கரான லீனா திரிவேதி, பள்ளி வயது மற்றும் இளம் வயது வாழ்வின் பெரும்பகுதியினை சிக்காகோவில் வாழ்ந்தார் டிபால் பல்கலைக்கழகத்தில் சமூகவியல் பிரிவில் பட்டம் பெற்றார், அந்த சமயத்தில் டை, இன்க் மூலம் தனது தொழில் வாழ்க்கையினைத் துவங்கினார். [3]
மிக இளம் வயதில் கணினி நிரலாக்கத்தில் தனது திறமைகளை வளர்த்துக் கொண்ட தொழில்முனைவோர் பெற்றோர்களால் இவர் வளர்க்கப்பட்டார். 1980 களின் முற்பகுதியில், திரிவேதியின் குடும்பம் ஒரு ஐபிஎம் தனிநபர் கணினி 5150 ஐ வாங்கியது மற்றும் 7 வயதில், திரிவேதியின் அம்மா, லீனாவை டாஸ் 1.0 கையேட்டை 3 முறை படிக்க வைத்தார். இரண்டாம் வகுப்பில், திரிவேதி எளிய கணினி நிரல்களை பேசிக்கில் எழுதி இருந்தார்.[4]
டை இன்க் இல் தொழில்.[தொகு]
திரிவேதி 1992 ஆம் ஆண்டில் டை, இன்க் நிறுவனத்தில் 12 வது ஊழியராக வேலைக்கு அமர்த்தப்பட்டார். [5] 1995 ஆம் ஆண்டில், பீனி பேபிஸ் உலகெங்கிலும் ஒரு பாப் கலாச்சார மோகமாக அதிகரித்தது. 1995 ஆம் ஆண்டின் முற்பகுதியில், திரிவேதி டை வார்னரை அணுகினார், அப்போது அந்த நிறுவனத்தின் குறிப்புச் சொல் சுவாரசியமாக இல்லை என்றும், புதுமையான பிறந்தநாள் வாழ்த்துச் செய்திகள், பாடல்கள் போன்றவற்றை இதய வடிவிலான குறிச் சொற்களில் இடம் பெறச் செய்யலாம் எனும் இவரது யோசனையினைக் கூறினார். அதற்கு முன்னுதரானமாக தான் எழுதிய சில கவிதைகளைக் கூறினார். அது வார்னருக்கு பிடித்த காரணத்தினால் அனைத்து கவிதைகளையும் அவரையே எழுதுமாறு கேட்டுக் கொண்டார், மேலும் 100 விதமான குறிச்சொற்களையும் தயார் செய்யுமாறும் கேட்டுக் கொண்டார். [6]
பின்னர் 1995 இல், திரிவேதி இணையம் என்ற கல்லூரி வளாகங்களில் இருந்த ஒரு புதிய வளர்ச்சியைப் பற்றி பேச வார்னரை அணுகினார். இணையம் முதன்மையான ஒரு ஆராய்ச்சி கருவி என்று அவர் குறிப்பிட்டார், இருப்பினும், கல்லூரி மாணவர்களுக்கு தனிப்பட்ட வலைத்தளங்களை உருவாக்கத் தொடங்கினர், மேலும் பீனி பேபிசுக்கு ஒரு வலைத்தளத்தை உருவாக்குவது நுகர்வோர் சந்தையில் ஈடுபடுவதற்கு ஒரு தனித்துவமான வாய்ப்பை அளிக்கும் என்று அவர் நினைத்தார்.[7] அவர் தனது 14.4 கே இணக்கியினை டெபால் பல்கலைக்கழகத்தால் வழங்கினார், அங்கு அவர் மாணவராக சேர்ந்தார், மேலும் இணையம் எவ்வாறு செயல்படுகிறது என்பதை நிரூபித்தார். வார்னர் இவரது செயல்பாடுகளில் ஆர்வமாக இருந்ததால் அவர் திரிவேதிக்கு அவரது திறமையை பயன்படுத்தி ஒரு வலைத்தளத்தை உருவாக்க இலவச உரிமம் வழங்கினார். 1995 ஆம் ஆண்டின் பிற்பகுதியில் டை வலைத்தளத்தின் முதல் மறுபதிப்பு வெளியிடப்பட்ட நேரத்தில், 1.4% அமெரிக்கர்கள் மட்டுமே இணையத்தைப் பயன்படுத்தினர். [8] இன்டர்நெட்டைப் பயன்படுத்தும் மக்கள் தொகை அடுத்த ஆண்டுகளில் பரவலாக அதிகரித்தது.
சான்றுகள்[தொகு]
- ↑ 1.0 1.1 Van West, Patricia E. (September 1999). "Lina Trivedi – The First Beanie Poet & Webmaster". Beanie Mania 2 (1): 42–43. பன்னாட்டுத் தர தொடர் எண்:1099-4874.
- ↑ Bissonnette, Zac (March 2015). "The $12-per-hour Sociology Major Who Made Ty Warner a Billionaire". The Great Beanie Baby Bubble: Mass Delusion and the Dark Side of Cute. Penguin Books. பக். 107–115. பன்னாட்டுத் தரப்புத்தக எண்:978-1591846024. https://archive.org/details/greatbeaniebabyb0000biss.
- ↑ Schumann, Brooke (February 2017). "Small Girl, Big Ideas". Inspire Magazine 13 (10): 32–34. பன்னாட்டுத் தர தொடர் எண்:1068-5413.
- ↑ Alden, Sharyn (February 2015). "Mother of Invention, Mother Puts Daughter at Center of Life". Health Sense. Sun Prairie, Wisconsin: HGN News.
- ↑ {{{title}}}.
- ↑ .
- ↑ "From Adversity Comes Invention: A Mother and Daughter's Story". All About Living. பரணிடப்பட்டது 2020-01-15 at the வந்தவழி இயந்திரம்
- ↑ Pew Research Center (February 27, 2014). "How the Internet Has Woven Itself Into American Life". பார்க்கப்பட்ட நாள் June 16, 2018.