முழுத் தர மேலாண்மை

முழுத் தர மேலாண்மை ^[1] (TQM ) என்பது அனைத்து நிறுவன செயலாக்கங்களிலும் தரத்தின் விழிப்புணர்வை உட்புகுத்தலை நோக்கமாகக் கொண்ட வணிக மேலாண்மை உத்தியாகும். உற்பத்தி, கல்வி, மருத்துவமனைகள், சேவை மையங்கள், அரசாங்க நிர்வாகம் மற்றும் சேவைத் தொழில்துறை அதே போன்று NASA விண்வெளி மற்றும் அறிவியல் திட்டங்களில் முழுமைத் தர மேலாண்மை பரவலாகப் பயன்படுத்தப்பட்டு வருகின்றது.^[2].

வரையறை

முழுத் தர மேலாண்மை என்பது தரத்தின் நிறுவனமளாவிய மேலாண்மை ஆகும். முழுத் தர மேலாண்மை (TQM) என்பது “பணியாளர்கள் தேவைக்கேற்ப தயாரிப்புகள் மற்றும் சேவைகளை வழங்குவதற்கான திறனைத் தொடர்ந்து மேம்படுத்துவதற்கான ஒரு நிரந்தரமான பணிச்சூழ்நிலையை நிறுவுவதற்காக” நிறுவன அளவிலான முயற்சிகளை உள்ளடக்கிய வழிமுறை ஆகும். மேலாண்மை என்பது திட்டமிடல், ஒருங்கிணைத்தல், இயக்குதல், கட்டுப்படுத்தல் மற்றும் காப்புறுதி ஆகியவற்றை உள்ளடக்கியது. முழுத் தரம் என்பது இரண்டு விதமான தரங்களை உள்ளடக்குகின்றது: வாடிக்கையாளர்களின் தேவையை நிறைவுசெய்ய அளிக்கப்படும் தரம் அல்லது தயாரிப்புகளின் தரம் .^[3]

தரநிர்ணயத்திற்கான சர்வதேச அமைப்பின் (ISO) வரையறையின் படி:

"முழுத் தர மேலாண்மை (TQM) என்பது ஒரு நிறுவனத்திற்கான மேலாண்மை அணுகுமுறையாகும், அது தரத்தினை மையமாகக் கொண்டது, அதன் உறுப்பினர்கள் அனைவரின் பங்களிப்பினை அடிப்படையாகக் கொண்டதும் வாடிக்கையாளரின் மன நிறைவின் மூலமாக அடையும் நீண்டகால வெற்றியை இலக்காகக் கொண்டதும், மேலும் நிறுவனத்தின் அனைத்து உறுப்பினர்களுக்கும் சமுதாயத்திற்கும் பயனளிப்பதும் ஆகும்." ISO 8402:1994

வரலாறு

1970களின் பிற்பகுதியிலும் 1980களின் முற்பகுதியிலும் வட அமெரிக்கா, மேற்கு ஐரோப்பாவின் வளர்ந்த நாடுகள், ஒப்பீட்டளவில் குறைந்த செலவில் உயர்தரப் பொருட்களை உற்பத்தி செய்யும் ஜப்பானின் திறனின் கடுமையான போட்டியின் காரணமாக பொருளாதார ரீதியாக பாதிக்கப்பட்டன. தொழிற்புரட்சியின் தொடக்கத்திலிருந்து முதன்முறையாக, ஐக்கிய இராச்சியம் செய்து முடிக்கப்பட்ட பொருட்களின் நிகர இறக்குமதியாளராக மாறியது. அமெரிக்கா தனது சொந்தத் தேடலை மேற்கொண்டது. அமெரிக்காவின் ஆதங்கம், “ஜப்பானால் முடிந்தால்... ஏன் நம்மால் முடியாது?” என்ற தொலைக்காட்சி ஒளிபரப்பில் மிகத் தெளிவாக வெளிப்படுத்தப்பட்டது. 50 ஆண்டுகளில் கண்டுபிடிக்கப்பட்ட தரக் கட்டுப்பாட்டின் நுட்பங்கள் நிறுவனங்களால் மறுபரிசீலனை செய்யத் தொடங்கின. மேலும், ஜப்பானியர்களால் அந்த நுட்பங்கள் எவ்வாறு வெற்றிகரமாகப் பயன்படுத்தப்பட்டன என்பது குறித்தும் நிறுவனங்கள் பரிசீலனை செய்தன. இந்தப் பொருளாதாரச் சீர்குலைவுகளுக்கு மத்தியில்தான் முழுத் தர மேலாண்மை வேரூன்றியது.

"முழுத் தர மேலாண்மை" என்ற வார்த்தையின் சரியான தோற்றம் நிச்சயமற்றது.^[4] இது அர்மண்ட் வி. ஃபீகன்பாமின் பல பதிப்புகள் வெளியான “முழுமைத் தரக் கட்டுப்பாடு”, காவ்ரு இஷிகவாவின் ''முழுமைத் தரக் கட்டுப்பாடு என்றால் என்ன? ஜப்பானிய வழி'' ஆகிய புத்தகங்களால் ஈர்க்கப்பட்டதாகவே உள்ளது. இந்த சொற்றொடர் முதன்முதலில் ஐக்கிய இராச்சியத்தில் வர்த்தகம் மற்றும் தொழில்துறையானது அதன் 1983-ஆம் ஆண்டு "தேசிய தர பிரச்சாரத்தின்" போது உருவாக்கப்பட்டதாக இருக்கலாம்.அல்லது 1985- ஆம் ஆண்டில் அதன் தர-மேம்பாட்டு முயற்சிகளை விவரிக்க அமெரிக்காவில் நேவல் ஏர் சிஸ்டம்ஸ் கமாண்ட் அமைப்பால் முதன்முதலில் உருவாக்கப்பட்டதாக இருக்கலாம்.

அமெரிக்க ஐக்கிய நாடுகளில் முழுத் தர மேம்பாட்டின் வளர்ச்சி

1984 ஆம் ஆண்டில் ஐக்கிய அமெரிக்கக் கடற்படையின் ஒரு பிரிவானது தனது குடிமைப்பணி ஆராய்ச்சியாளர்களிடம் புள்ளியியல் செயல்முறை கட்டுப்பாட்டையும் பல முக்கிய தர ஆலோசகர்களின் பணி மற்றும் கடற்படையின் செயல்பாட்டு செயல்திறனை மேம்படுத்த அவர்களின் அணுகுமுறைகளை எவ்வாறு பயன்படுத்துவது என்பது குறித்தும் மதிப்பீடு செய்து பரிந்துரைகளை வழங்கக் கேட்டுக் கொண்டது.^[5] பரிந்துரையானது வில்லியம் எட்வர்ட்சு டெமிங் என்பவரின் கோட்பாடுகளை பின்பற்றக் கேட்டுக்கொண்டது.^[5]^[6] 1985 ஆம் ஆண்டில் இந்த முயற்சியை கடற்படை "முழுத் தர மேலாண்மை" என்று பெயரிட்டது.^[5]

கடற்படையிலிருந்து, முழுத் தர மேலாண்மையானது ஐக்கிய நாடுகளின் கூட்டாட்சி அமைப்பு முழுமைக்கும் பரவியது. அதன் விளைவாக பினவரும் மாற்றங்கள் நிகழ்ந்தன:

மால்கம் பால்ட்ரிஜ் தேசிய தர விருது ஆகத்து 1987 ஆம் ஆண்டு உருவாக்கப்பட்டது.
1988 ஆம் ஆண்டில் கூட்டாண்மை தர நிறுவனம் உருவாக்கப்பட்டது.
ஐக்கிய அமெரிக்க நாடுகளின் பாதுகாப்புத் துறை, அரசின் ஆயுதப் படைப்பிரிவு, ஐக்கிய அமெரிக்கத் தரைப்படை, ஐக்கிய அமெரிக்க நாடுகளின் கடலோரக் காவல் படைஉட்பட பல கூறுகளிலும் முழுத்தர மேலாண்மை கொள்கைகள் பின்பற்றப்பட்டன.^[7] ^[8] ^[9]

மேற்கோள்கள்

↑ முழுமைத்தர மேலாண்மை பெரும்பாலும் பேரெழுத்தில் எழுதப்பட்டாலும், அது உரித்தான பெயர்ச்சொல் இல்லை, அது ஒரு கோட்பாடு ஆகும், அதாவது பொதுப்பெயர், மேலும் எனவே இது வழக்கமான ஆங்கில உச்சரிப்பு விதிகளின் படி சிற்றெழுத்துக்களில் இருக்க வேண்டும். http://digitalcommons.ilr.cornell.edu/edicollect/29/ போன்று கவனமாக திருத்தப்பட்ட உரைகளிலும் இந்தத் தலைப்பில் மிகவும் முக்கியமான இதழிலும் சிற்றெழுத்து பயன்படுவதைக் காண்க: மொத்த தர மேலாண்மை மற்றும் வணிக சிறப்புத் தன்மை.
↑ http://govinfo.library.unt.edu/npr/library/status/sstories/nasa2.htm
↑ "காப்பகப்படுத்தப்பட்ட நகல்". Archived from the original on 2006-06-18. பார்க்கப்பட்ட நாள் 2009-11-14.
↑ Martínez-Lorente, Angel R.; Dewhurst, Frank; Dale, Barrie G. (1998), "Total Quality Management: Origins and Evolution of the Term", The TQM Magazine, Bingley, United Kingdom: MCB University Publishers Ltd, vol. 10, no. 5, pp. 378–386, CiteSeerX 10.1.1.574.2414, எண்ணிம ஆவணச் சுட்டி:10.1108/09544789810231261, hdl:10317/441
↑ ^5.0 ^5.1 ^5.2 Houston, Archester; Dockstader, Steven L. (1997), Total Quality Leadership: A Primer (PDF), வாசிங்டன், டி. சி.: ஐக்கிய அமெரிக்கக் கடற்படை, pp. 10–11, இணையக் கணினி நூலக மைய எண் 38886868, 97-02, பார்க்கப்பட்ட நாள் 2013-10-19
↑ McDaniel, Delora M.; Doherty, Linda M. (February 1990), Total Quality Management Case Study in a Navy Headquarters Organization, சான் டியேகோ: Navy Personnel Research and Development Center, p. 1, இணையக் கணினி நூலக மைய எண் 227755405, NPRDC-TN-90-10, archived from the original on October 21, 2013, பார்க்கப்பட்ட நாள் 2013-10-20, Effective implementation of Total Quality Management (TQM) to improve quality and productivity is based upon the philosophy and management principles of W. Edwards Deming.
↑ United States Department of Defense (1989), Total Quality Management: A Guide for Implementation, Springfield, Virginia: National Technical Information Service, இணையக் கணினி நூலக மைய எண் 21238720, DoD 5000.51-G
↑ Total Army Quality Management, வாசிங்டன், டி. சி.: ஐக்கிய அமெரிக்கத் தரைப்படை, 1992-06-12, Army Regulation 5–1, பார்க்கப்பட்ட நாள் 2013-10-19
↑ Nelson, Robert T. (1991-01-10), COAST GUARD TOTAL QUALITY MANAGEMENT (TQM) GENERIC ORGANIZATION (PDF), வாசிங்டன், டி. சி.: United States Coast Guard, COMDTINST 5224.7, பார்க்கப்பட்ட நாள் 2013-10-19

[1] முழுமைத்தர மேலாண்மை பெரும்பாலும் பேரெழுத்தில் எழுதப்பட்டாலும், அது உரித்தான பெயர்ச்சொல் இல்லை, அது ஒரு கோட்பாடு ஆகும், அதாவது பொதுப்பெயர், மேலும் எனவே இது வழக்கமான ஆங்கில உச்சரிப்பு விதிகளின் படி சிற்றெழுத்துக்களில் இருக்க வேண்டும். http://digitalcommons.ilr.cornell.edu/edicollect/29/ போன்று கவனமாக திருத்தப்பட்ட உரைகளிலும் இந்தத் தலைப்பில் மிகவும் முக்கியமான இதழிலும் சிற்றெழுத்து பயன்படுவதைக் காண்க: மொத்த தர மேலாண்மை மற்றும் வணிக சிறப்புத் தன்மை.

[2] ttp://govinfo.library.unt.edu/npr/library/status/sstories/nasa2.htm

[3] "காப்பகப்படுத்தப்பட்ட நகல்". Archived from the original on 2006-06-18. பார்க்கப்பட்ட நாள் 2009-11-14.

[TTQMM-4] Martínez-Lorente, Angel R.; Dewhurst, Frank; Dale, Barrie G. (1998), "Total Quality Management: Origins and Evolution of the Term", The TQM Magazine, Bingley, United Kingdom: MCB University Publishers Ltd, vol. 10, no. 5, pp. 378–386, CiteSeerX 10.1.1.574.2414, எண்ணிம ஆவணச் சுட்டி:10.1108/09544789810231261, hdl:10317/441

[Houston-5] 5.0 ^5.1 ^5.2 Houston, Archester; Dockstader, Steven L. (1997), Total Quality Leadership: A Primer (PDF), வாசிங்டன், டி. சி.: ஐக்கிய அமெரிக்கக் கடற்படை, pp. 10–11, இணையக் கணினி நூலக மைய எண் 38886868, 97-02, பார்க்கப்பட்ட நாள் 2013-10-19

[NavyHQ-6] McDaniel, Delora M.; Doherty, Linda M. (February 1990), Total Quality Management Case Study in a Navy Headquarters Organization, சான் டியேகோ: Navy Personnel Research and Development Center, p. 1, இணையக் கணினி நூலக மைய எண் 227755405, NPRDC-TN-90-10, archived from the original on October 21, 2013, பார்க்கப்பட்ட நாள் 2013-10-20, Effective implementation of Total Quality Management (TQM) to improve quality and productivity is based upon the philosophy and management principles of W. Edwards Deming.

[USDODGuide-7] United States Department of Defense (1989), Total Quality Management: A Guide for Implementation, Springfield, Virginia: National Technical Information Service, இணையக் கணினி நூலக மைய எண் 21238720, DoD 5000.51-G

[USArmy-8] Total Army Quality Management, வாசிங்டன், டி. சி.: ஐக்கிய அமெரிக்கத் தரைப்படை, 1992-06-12, Army Regulation 5–1, பார்க்கப்பட்ட நாள் 2013-10-19

[USCGS-9] Nelson, Robert T. (1991-01-10), COAST GUARD TOTAL QUALITY MANAGEMENT (TQM) GENERIC ORGANIZATION (PDF), வாசிங்டன், டி. சி.: United States Coast Guard, COMDTINST 5224.7, பார்க்கப்பட்ட நாள் 2013-10-19

[1]

[2]

[3]

[4]

[5]

[6]

[7]

[8]

[9]