உள்ளடக்கத்துக்குச் செல்

முனைய வட்டணை

கட்டற்ற கலைக்களஞ்சியமான விக்கிப்பீடியாவில் இருந்து.
முனைய வட்டணை

ஒரு முனைய வட்டணை (polar orbit) என்பது, ஒரு செயற்கைக்கோள் சுற்றும் வான்பொருளின் இரு முனைகளுக்கும் மேலே அல்லது கிட்டத்தட்ட மேலே (பொதுவாக புவி போன்ற ஒரு கோள், ஆனால் நிலா அல்லது சூரியன் போன்ற மற்றொரு வான்பொருளாக அமையலாம்) ஒவ்வொரு சுழற்சியிலும் செல்லும் வட்டணையாகும். இது வான்பொருள் நடுவரைக்குச் சுமார் 60-90 பாகை சாய்வைக் கொண்டிருக்கும். [1]

முனைய வ்ட்டணையில் செயற்கைக்கோள்களைச் செலுத்துவதற்கு, அதே உயரத்தில் உள்ள புவிநடுவரைக்கு அருகில் உள்ள வட்டணையை விட, கொடுக்கப்பட்ட ஏந்துசுமையைக் கொடுக்கப்பட்ட உயரத்திற்கு செலுத்த, ஒரு பெரிய ஏவுகணை தேவைப்படுகிறது, ஏனெனில் அது புவியின் சுழற்சி வேகத்தைப் பயன்படுத்திக் கொள்ள முடியாது. ஏவுதளத்தின் இருப்பிடம், முனைய வட்டணையின் சாய்வு ஆகியவற்றைப் பொறுத்து, ஏவுர்தி 460 மீ/நொ வேகத்தில் டெல்டா-வி ஆற்றலை இழக்க நேரிடும். தாழ் புவி வட்டணையை அடையவே தோராயமாக 5% டெல்டா-வி ஆற்றல் தேவைப்படுகிறது.

பயன்பாடு[தொகு]

முனைய வட்டணைகள் புவி-படம்பிடிக்க, உளவுச் செயற்கைக்கோள்கள், சில வானிலை செயற்கைக்கோள்களுக்குப் பயன்படுகின்றன. [2] இரிடியம் செயற்கைக்கோள் விண்மீன் தொலைத்தொடர்பு சேவைகளை வழங்க முனைய வட்டணையைப் பயன்படுத்துகிறது.

அருகிலுள்ள துருவ சுற்றுப்பாதை செயற்கைக்கோள்கள் பொதுவாக சூரிய-ஒத்தியங்கும் வட்டணையைத் தேர்ந்தெடுக்கின்றன, அங்கு ஒவ்வொரு அடுத்தடுத்த வட்டணைக் கடந்த நாளின் அதே உள்ளூர் நேரத்தில் நிகழ்கிறது. தொலையுணர்தல் போன்ற சில பயன்பாடுகளுக்கு, காலப்போக்கில் ஏற்படும் மாற்றங்கள் உள்ளூர் நேர மாற்றங்களால் மாற்றப்படாமல் இருப்பது இன்றியமையாதது. கொடுக்கப்பட்ட கடப்பில் அதே உள்ளூர் நேரத்தை வைத்திருப்பதற்கு, வட்டணக் காலம் குறுகியதாக இருக்க வேண்டும், இதற்குத் தாழ் வட்டணை தேவைப்படுகிறது. இருப்பினும், வளிமண்டலத்திலிருந்தான இழுவை காரணமாக மிகத் தாழ் வட்டணைகள் விரைவாக சிதைகின்றன . பொதுவாக பயன்படுத்தப்படும் உயரங்கள் 700 முதல் 800 கிமீ வரை இருக்கும்.  இந்நிலை சுமார் 100 மணித்துளிகள் வட்டணைக் காலத்தை உருவாக்குகிறது.[3] சூரியன் பக்கத்தில் உள்ள அரை வட்டணை நேரம் 50 மணித்துளிகளை மட்டுமே எடுக்கும்.

ஆண்டு முழுவதும் புவி சூரியனைச் சுற்றி வருவதால், சூரிய ஒத்தியங்கும் வட்டணையைத் தக்கவைக்க, வட்டணை புவியை அதே விகிதத்தில் சுற்றி வர வேண்டும் (செயற்கைக்கோள் முனைகள் மீது நேரடியாகச் சென்றால் இது சாத்தியமில்லை). புவியின் நடுவரைப் புடைப்பின் காரணமாக, ஒரு சிறிய கோணத்தில் சாய்ந்திருக்கும். வட்டணை திருக்கத்துக்கு ஆட்படுவதால் தலையாட்டத்தை ஏற்படுத்துகிறது. முனையிலிருந்து சுமார் 8° கோணம், 100 மணித்துளி வட்டணைக்காலத் தலையாட்டத்தை உருவாக்குகிறது. [3]

மேலும் காண்க[தொகு]

  • வட்டணைகளின் பட்டியல்
  • மோல்னியா வட்டணை
  • முனைப் பகுதி வட்டனை
  • வாண்டன்பெர்க் விமானப்படை தளம், முனைய வட்டணைகளுக்கான அமெரிக்க முதன்மை ஏவுதளம்

மேற்கோள்கள்[தொகு]

  1. "ESA - Types of Orbits". 2020-03-30. பார்க்கப்பட்ட நாள் 2021-01-10.
  2. Science Focus 2nd Edition 2, pg. 297
  3. 3.0 3.1 Stern, David P. (2001-11-25). "Polar Orbiting Satellites". பார்க்கப்பட்ட நாள் 2009-01-21.Stern, David P. (2001-11-25). "Polar Orbiting Satellites". Retrieved 2009-01-21.

வெளி இணைப்புகள்[தொகு]

"https://ta.wikipedia.org/w/index.php?title=முனைய_வட்டணை&oldid=3923854" இலிருந்து மீள்விக்கப்பட்டது