பிபா கோஷ் கோஸ்வாமி
பிபா கோஷ் கோஸ்வாமி (Bibha Gosh Goswami) 5, 6, 7 மற்றும் 8வது மக்களவையில் மேற்கு வங்கத்தின் நபத்விப் (பட்டியலிடப்பட்ட சாதிகளுக்கு ஒதுக்கப்பட்ட தொகுதி) தொகுதியைப் பிரதிநிதித்துவப்படுத்தினார். இவர் இந்திய கம்யூனிஸ்ட் கட்சி (மார்க்சிஸ்ட்) உறுப்பினர் ஆவார்.
ஆரம்ப வாழ்க்கை மற்றும் கல்வி[தொகு]
பிபா கோஷ் 1934 ஆம் ஆண்டு சனவரி 12 ஆம் நாள் கிழக்கு வங்காளத்தில் உள்ள ஹிடியா கிராமத்தில் (தற்போது வங்காளதேசம்) பனமாலி கோஸ்வாமி மற்றும் ஸ்ரீமதி சுதாமணி ஆகியோருக்குப் பிறந்தார். இவர் ஒரு தாழ்த்தப்பட்ட வகுப்பினைச் சார்ந்தவர். இவர் ஜெஸ்ஸூரில் உள்ள எம் எஸ் டி பி பெண்கள் உயர்நிலைப் பள்ளியிலும், கல்கத்தாவில் உள்ள பிரம்மோ பாலிகா சிக்சாலயாவிலும் பயின்றார் . இவர் லேடி பிரபோர்ன் கல்கத்தா, கிருஷ்ணாநகர் அரசு கல்லூரி மற்றும் பல்கலைக்கழக ஆசிரியர் பயிற்சி நிறுவனம் கல்கத்தா [1] ஆகியவற்றில் கல்லூரிக்குச் சென்றார்.
தொழில்[தொகு]
மக்களவை[தொகு]
பிபா கோஷ் கோஸ்வாமி 1971-77 வரை ஐந்தாவது மக்களவையிலும், 1977-1979 வரை ஆறாவது மக்களவையிலும், 1980-1984 வரை ஏழாவது மக்களவையிலும், எட்டாவது மக்களவையிலும் பணியாற்றினார். இவர் லோக் சபாவில் இருந்த காலத்தில், 1977-1984 வரை கல்வி, சமூக நலம் மற்றும் கலாச்சார அமைச்சகத்தின் ஆலோசனைக் குழுவிலும், 1981 ஆம் ஆண்டில் இந்து திருமணச் சட்டம் (திருத்தம்) கூட்டுக் குழுவிலும் இருந்தார்.
1983 ஆம் ஆண்டில் இவர் பெண்களுக்கும் ஆண்களுக்கும் சமமான ஊதியம் வழங்கும் மசோதா 81 ஐ அறிமுகப்படுத்தினார், இது அரசியலமைப்பால் வாக்குறுதியளிக்கப்பட்டது, ஆனால் அது பின்பற்றப்படவில்லை என்று பிபா கோஷ் கூறினார். மசோதா நிறைவேற்றப்பட்டது.
1985 ஆம் ஆண்டில் பிபா, தொழில்துறைகளில் பணிபுரியும் பெண்களின் நலனுக்காக அவர்களுக்கு வளங்களை வழங்குவதற்காக மசோதா 37 ஐ அறிமுகப்படுத்தினார். மசோதா காலாவதியானது. [2]
சதி தடுப்புச் சட்டத்தின் ஆணையத்திலும் இவர் ஈடுபட்டார். 1987. சதி தன்னார்வமாக இருக்க முடியும் என்ற எண்ணத்தை மறுவடிவமைப்பதில் இவருடைய பெரும்பாலான கவனம் இருந்தது. [3]
சங்கங்கள் மற்றும் அலுவலகங்கள்[தொகு]
இவர் 1972 முதல் மேற்கு வங்க ஜனநாயக பெண்கள் சங்கத்தின் நாடியா மாவட்டத்தின் தலைவராக உள்ளார். 1974-79 வரை துணைத் தலைவராகப் பணியாற்றினார். 1981 ஆம் ஆண்டு முதல் அனைத்திந்திய ஜனநாயக மகளிர் சங்கத்தின் [4] செயற்குழுவிலும் உள்ளார். பிபா கோஷ் கோஸ்வாமி 1960 முதல் அனைத்து வங்காள ஆசிரியர் சங்கத்தில் பல்வேறு பொறுப்புகளை வகித்துள்ளார் மற்றும் 1977-1982 வரை மேற்கு வங்க மாநில நல ஆலோசனைக் குழுவில் இருந்தார்.
தனிப்பட்ட வாழ்க்கை[தொகு]
இவரது பொழுதுபோக்குகளில் கல்வி மற்றும் வரலாறு ஆகியவை அடங்கும், மேலும் அவர் குறிப்பாக ரவீந்திர சங்கீத்தின் இசையை ரசிக்கிறார்.
மேற்கோள்கள்[தொகு]
- ↑ "Members Bioprofile". 164.100.47.194. பார்க்கப்பட்ட நாள் 2017-07-29.
- ↑ Chopra, Joginder Kumar (1993-01-01) (in en). Women in the Indian Parliament: A Critical Study of Their Role. Mittal Publications. பன்னாட்டுத் தரப்புத்தக எண்:9788170995135. https://books.google.com/books?id=mjQ7zgQK9qcC&q=bibha+ghosh+goswami&pg=PA55.
- ↑ Sharma, Mahendra K. (1996) (in en). Minimum Sentencing for Offences in India: Law and Policy. Deep & Deep Publications. பன்னாட்டுத் தரப்புத்தக எண்:9788171008407. https://books.google.com/books?id=5RolWJg5eVcC&q=bibha+ghosh+goswami&pg=PA229.
- ↑ Kabira. "AIDWA - PROFILE OF DELEGATES OF 9th AIDWA CONFERENCE". aidwaonline.org (in ஆங்கிலம்). Archived from the original on 29 July 2017. பார்க்கப்பட்ட நாள் 2017-07-29.