நல்துர்க்

நல்துர்க்
நகரம்
நல்துர்க் கோட்டை
நல்துர்க் இந்தியாவின் மகாராட்டிரா மாநிலத்தின் தாராசிவா மாவட்டத்தில் நல்துர்க் நகரத்தின் அமைவிடம்
ஆள்கூறுகள்: 17.82°N 76.3°E / 17.82; 76.3
நாடு	இந்தியா
மாநிலம்	மகாராட்டிரம்
மாவட்டம்	தாராசிவா மாவட்டம்
ஏற்றம்	566 m (1,857 ft)
மக்கள்தொகை (2011)
• மொத்தம்	18,341
மொழிகள்
• அலுவல் மொழி	மராத்தி
நேர வலயம்	இந்திய சீர் நேரம் (ஒசநே+5:30)
அஞ்சல் சுட்டு எண்	413602
வாகனப் பதிவு	எம் எச் 25
பாலின விகிதம்	ஆண்கள் 52%

நல்துர்க் (Naldurg), இந்தியாவின் மகாராட்டிரம் மாநிலத்தின் கிழக்கில் மரத்வாடா பிரதேசத்தில், தாராசிவா மாவட்டத்தில் உள்ள நகராட்சி ஆகும். இவ்வூரில் தாராசிவா குகைகள், நல்துர்க் கோட்டை, அரண்மனை, நல்துர்க் ஆறு, அணை மற்றும் அருவிகள் உள்ளது.

இது மும்பை மாநகரத்திற்கு தென்கிழக்கே 447 கிலோ மீட்டர் தொலைவிலும்; மாவட்டத் தலைமையிடமான உஸ்மனாபாத்திற்கு தென்கிழக்கே 55 கிலோ மீட்டர் தொலைவிலும்; சோலாப்பூர்க்கு வடகிழக்கே 46 கிலோ மீட்டர் தொலைவிலும் உள்ளது.

புவியியல்

நல்துர்க் நகரம் கடல் மட்டத்திலிருந்து 566 மீட்டர் (1856 அடி) உயரத்தில் உள்ளது. இதன் அதிகபட்ச வெப்பம் 46° செல்சியஸ் மற்றும் ஆண்டு சராசரி மழைப்பொழிவு 760 மிமீ ஆக உள்ளது.

மக்கள் தொகை பரம்பல்

2011ம் ஆண்டின் மக்கள் தொகை கணக்கெடுப்பின்படி, நல்துர்க் நகரத்தின் மொத்த மக்கள் தொகை 18,341 ஆகும். அதில் ஆண்கள் 52% மற்றும் பெண்கள் 48% ஆக உள்ளனர். சராசரி எழுத்தறிவு 84.10% மற்றும் மக்கள் தொகையில் 6 வயதிற்குட்பட்டவர்கள் 15% ஆக உள்ளனர். மராத்தி மொழி பேசப்படுகிறது. பட்டியல் சாதியினரும் பட்டியல் பழங்குடியினரும் முறையே 11.61% மற்றும் 0.95% ஆகவுள்ளனர். இதன் மக்கள் தொகையில் இந்துக்கள் 52.21%, இசுலாமியர்கள் 42.36%, பௌத்தர்கள் 3.65%, சமணர்கள் 0.94% மற்றும் பிற சமயத்தவர்கள் 0.76% ஆகவுள்ளனர்.

இதனையும் காண்க

• தாராசிவா குகைகள்