தமிழமுதன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

தமிழமுதன் (இயற் பெயர் தணிகாசலம்) ஒரு தமிழகக் கவிஞர். தமிழ்நாடு திரைப்படப் பாடலசிரியர்கள் சங்கம் தொடங்கி நடத்தி வருகிறார்.

வாழ்க்கைக் குறிப்பு[தொகு]

தமிழமுதன் விழுப்புரம் மாவட்டம், விக்கிரவாண்டி சாத்தனூரை பூர்வீகமாகக் கொண்டவர். இவரது பெற்றோர் த. ஜெயராமன், ஜெயலட்சுமி. இவர் சென்னையில் சாமராவ் துவக்கப்பள்ளி மற்றும் இந்து மேல்நிலைப் பள்ளிகளில் கல்வி பயின்றவர். ஓவியர் ஆக வேண்டும் என்பதே இவரது துவக்கக் கால விருப்பமாக இருந்தது. கவிதைகள் எழுதி பள்ளியில் பரிசுகள் வாங்கியதால், அதிலேயே தொடர்ந்து இயங்க ஆரம்பித்தார். இவர் கவிஞர் ஈரோடு தமிழன்பன் மீதுள்ள பற்றின் காரணமாக தமிழமுதன் என்று பெயர் மாற்றிக் கொண்டார்.

கவிதைகள்[தொகு]

இவரது முதல் கவிதை பாக்யா சித்திரைச் சிறப்பிதழில் வெளியானது. கண்ணதாசன் பதிப்பகம், கவிதை உறவு, உரத்த சிந்தனை இணைந்து நடத்திய கவிதைப்போட்டியில், ‘மதக்கலவர களத்தில்/ செருப்புகள் மட்டும்/ ஒன்றாகக் கிடந்தன/ மனிதர்கள் பிரிந்து பி...ரி...ந்து’ என்ற கவிதைக்கு முதல் பரிசு மட்டுமல்லாமல், ‘வைரவரிக் கவிஞர்’ என்று காந்தி கண்ணதாசன் அளித்த விருதும் கிடைத்தது. அரைக்கம்பத்தில் என்ற முதல் புதுக்கவிதை நூலுக்கு ஸ்டேட்பேங்ஆப்இந்தியா ‘சிறந்த புதுக்கவிதை நூல்’ என்ற முதல் பரிசு பெற்றிருக்கிறார்.[1]

எழுதிய கவிதை நூல்கள்[தொகு]

  1. அரைக்கம்பத்தில்
  2. புன்னகைப்பிரதேசம்
  3. அறிவுச் சூர்யன் அண்ணல் அம்பேத்கர் (புதுக்கவிதையில் அம்பேத்கர் வரலாறு)
  4. நீர் மத்தாப்பு (ஹைகூ கவிதைகள்)
  5. எந்த முகத்தோடு வருவாய்

திரைப்பட பாடலாசிரியராக[தொகு]

  • எழில் இயக்கிய ‘அமுதே’ படத்தில் அனைத்துப் பாடல்களும்
  • கலக்குற சந்துரு படத்தில் அனைத்துப் பாடல்களும்
  • கொஞ்சம் சிரிப்பு கொஞ்சம் கோபம் படத்தில் மூன்று பாடல்கள்
  • அரூபம்
  • மாயாண்டி குடும்பத்தார்
  • கோரிப்பாளையம்
  • மிளகா
  • நேற்று இன்று நாளை
  • கரிசல்பட்டியும் காந்திநகரும்

மேற்கோள்கள்[தொகு]

  1. "சங்கம் வளர்க்கும் சினிமாக் கவிஞர்!". கட்டுரை. வண்ணத்திரை (2015 மே 4). பார்த்த நாள் 5 மார்ச் 2017.
"https://ta.wikipedia.org/w/index.php?title=தமிழமுதன்&oldid=2716656" இருந்து மீள்விக்கப்பட்டது