சேலம் இராமசாமி முதலியார்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

இராமசாமி முதலியார் என்பவர் சேலத்தில் 06-9-1852 இல் பிறந்தார்.இவர் தந்தை கோபாலசாமி முதலியார் நாமக்கல்லில் தாசில்தாராக இருந்துள்ளார்.

இளமையும் கல்வியும்[தொகு]

இவர் தமது ஆறாவது வயதில் சென்னையில் நாகலிங்க முதலியார் இல்லத்தில் தங்கி படித்தார்.பாடத்துடன் தமிழ் இலக்கியங்களையும் கற்றார்.உயர்க் கல்வியைச் சென்னை, மதராஸ் ஹைஸ்கூல் (இப்போது பிரசிடென்சி கல்லூரி) பள்ளியில் பயின்றார். இங்கு பயின்றபோது பவர் ஐயர் என்பவர் அச்சிட்டு வெளியிட்ட, சீவகசிந்தாமணி நாமகள் இலம்பகம் பாடமாக இருந்தது.அப்போது சிந்தாமணியின் சிறப்பையும்,சங்கநூல்களில் மேன்மையையும் அறிந்தார்.பி.ஏ வரை தேர்ச்சிப் பெற்ற இவர் சட்டமும் பயின்றுள்ளார்.

ஆற்றிய பணிகள்[தொகு]

1876 ஆம் ஆண்டு திருச்சி மாவட்ட முன்சீபாக பணிபுரிந்துள்ளார்.1882 இல் அப்பணியை விட்டு,சென்னையில் வழக்கறிஞராகப் பணியாற்றினார். பின் சென்னைப் பல்கலைக் கழகத்தில் பி.ஏ தமிழ்ப் பரிட்சைச் சோதகராக நியமிக்கப்பட்டார்.1885 இல் இங்கிலாந்தில் நடந்த தேர்தலில், இந்தியத் தேர்தலைப் பற்றி பேச சென்றார்.

தமிழ்ப் பணிகள்[தொகு]

இவர் 1880 ஆம் ஆண்டு கும்பகோணத்திற்குப் பணி மாற்றப்பட்டார். அப்போது உ.வே.சா விடம் நெருங்கிப் பழகினார்.அவருக்குச் சங்க நூல்களைப் பற்றியும்,காப்பியங்கள் பற்றியும் கூறினார்.உ.வே.சா முதன்முதலாக இவரிடம் இருந்து சங்க நூல்களைப் பற்றி அறிந்துகொண்டார். உ.வே.சாவை சங்க நூல்களை அச்சிடும்படி தூண்டியவர் இராமசாமி ஆவார்.

மறைவு[தொகு]

இவர் 02-3-1892 இல் தமது 40 ஆவது வயதில் மறைந்தார்.

உசாத்துணை[தொகு]

1) மயிலை சீனி. வேங்கடசாமி," பத்தொன்பதாம் நூற்றாண்டில் தமிழ் இலக்கியம்"- மெய்யப்பன் தமிழாய்வகம் 2001. 2) டாக்டர்.உ.வே.சா, "சங்கத் தமிழும் பிற்காலத் தமிழும்"- டாக்டர் உ.வே.சா நூல் நிலையம்-2000.