சுதிர் (நடிகர்)

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

பாக்கித்தான் திரைப்பட நடிகர், இயக்குநர் மற்றும் தயாரிப்பாளராக அறியப்படும் சுதீர் அல்லது லாலா சுதிர் இயற்பெயர் ஷா ஜமான் கான் அஃப்ரிடி ( உருது : سدھیر ). சுதிர் மிகவும் மரியாதைக்குரிய திரைப்பட ஆளுமை உடையவர். [1]

பாக்கித்தான் சினிமாவின் முதல் அதிரடி கதாநாயகன் என்று அறியப்பட்டவர். அவரது திரைப்பட கதாபாத்திரங்கள் வீரம் மற்றும் துணிச்சல் மிகுந்தவையாக இருந்தன. [2]

ஆரம்பகால வாழ்க்கை[தொகு]

பிரித்தானிய இந்தியாவின் பெஷாவர் அருகே உள்ள ஹசன் காரி கிராமத்தில் 1921 ஆம் ஆண்டில் ஷா ஜமான் கான் அப்ரிடி என்ற பெயரில் பிறந்தார். அவர் பஷ்டூன் வம்சாவளியைச் சேர்ந்தவர், ஆனால் அவர் தனது வாழ்நாள் முழுவதையும் லாகூரில் கழித்தார். [1]

தொழில் வாழ்க்கை[தொகு]

பிரித்தானிய இந்தியாவில் 1947 இல் ஃபார்ஸ் என்ற பாலிவுட் படத்தில் ஒரு பாத்திரத்துடன் தனது வாழ்க்கையைத் தொடங்கினார். பின்னர், அவர் பாக்கித்தானுக்கு குடிபெயர்ந்தார். 1947 க்குப் பிறகு, பாக்கித்தான் சினிமாவில் தனது வாழ்க்கையைத் தொடங்கினார். அவரது முதல் படம் 1949 இல் ஹிச்ச்கோலே வெற்றி பெற்றது. [1] 1952 ஆம் ஆண்டில் துப்பட்டா என்ற பிரபலமான இசை படத்தில் தோன்றினார். 1954 ஆம் ஆண்டில், சசி ஒரு பொன்விழாவைக் கொண்டாடிய முதல் உருது படம். துல்லா பட்டி (1956), மஹி முண்டா (1956) மற்றும் யக்கே வாலி (1957) ஆகியவை அந்தக் காலத்தில் அதிக வசூல் செய்த பஞ்சாபி படங்களாக இருந்தன. யாகே வாலி (1957) மிகப் பெரிய வெற்றி பெற்ற முதல் பஞ்சாபி படம். இந்த இரண்டு படங்களும் பாக்கித்தானில் பெரிய திரைப்பட அரங்குகளைக் கட்ட வழிவகுத்தன. சீனாவில் காண்பிக்கப்பட்ட முதல் பாக்கித்தான் திரைப்படமான பாகி (1956) படத்தின் கதாநாயகன் சுதிர்.

அவர் ஒரு "அதிரடி திரைப்பட கதாநாயகன்", அவர் ஹதிமில் (1956) ஹதிம் தை, பிரபல படமான அனார்கலி (1958) இல் இளவரசர் சலீம், மிர்சா சாஹிபன் (1956) படத்தில் மிர்சா ஜாட், சோஹ்னி படத்தில் மஹின்வால் (1955) மற்றும் கலிப் (1961) படத்தில் மிர்சா காலிப் ஆகிய கதாப்பாத்திரங்களில் நடித்துள்ளார். அவர் நூரன் (1957), ஜோமர் (1959) மற்றும் குல் பகாவலி (1961) முதலிய திரைப்படங்களில் நடித்துள்ளார். அவர் 1959 இல் அதிக வசூல் செய்த பஞ்சாபி படமான கர்த்தர் சிங்கில் நடித்தார். பின்னர் அவர்பிரித்தானியாவின் இந்தியப் பேரரசுவிற்கு எதிராக போராடும், பராங்கி (1964) மற்றும் அஜப் கான் (1961) போன்ற படங்களில் தோன்றி வெற்றிகளைக் குவித்தார். அவரது படம் ஜீடர் (1965) ஒரு வெள்ளி விழா நிலையை முதன்முதலில் எட்டியது. மா புட்டார் (1970) வெள்ளி விழா கொண்டாடிய மற்றொரு பஞ்சாபி படம். அவர் ஒருமுறை சாஹில் (1960) படத்தில் புலியுடன் ஒரு உண்மையான போரில் ஈடுபட்டார். துஷ்மான் கி தலாஷ் (1978) படத்தில் தனது மகனுடன் சிறப்புத் தோற்றத்தில் தோன்றினார். [3] [1]

பாகிஸ்தான் தொலைக்காட்சி[தொகு]

மிகவும் வயதான காலத்தில், அவர் பி.தொலைக்காட்சியில் இஷார் பாபி பேட்டி காணும் நிகழ்ச்சியில் சிறப்பு தோற்றத்தில் கலந்து கொண்டார்.

தனிப்பட்ட வாழ்க்கை மற்றும் இறப்பு[தொகு]

சுதிர் நான்கு முறை திருமணம் செய்து கொண்டார். அதில் தனது குடும்பத்தில் இரண்டு முறை. இந்த இரண்டு திருமணங்களும் அவரது பெரியவர்களால் 'ஏற்பாடு செய்யப்பட்ட திருமணங்கள்', இது பொதுவாக பாக்கித்தான் கலாச்சாரத்தில் நடைமுறையில் உள்ளது, பின்னர் சக நடிகை சம்மி மற்றும் இறுதியாக பாக்கித்தான் திரைப்பட நடிகை செபாவுடன் திருமணம் செய்து கொண்டார். செபாவுடனான அவரது திருமணம் மிகக் குறுகிய காலம் நீடித்தது. செபா பின்னர் நடிகர் முகமது அலியை மணந்தார். இந்த திருமணங்களால் சுதிருக்கு நான்கு மகன்கள் இருந்தனர். இவருக்கு முதல் மனைவியுடன் மூத்த மகன் நூர் ஜமான் கான் இருந்தார். இவருக்கு இரண்டாவது மனைவியான மீர் ஜமானுடன் இரு மகன்கள் இருந்தனர். அதில் ஒருவர் நடிகரான நாதிர் ஜமான் கான். சம்மிக்குப் பிறந்த அவரது இளைய மகன் சிக்கந்தர் ஜமான் கான் பிரபல பின்னணி பாடகர் நூர் ஜெஹானின் பேத்தி பாத்திமாவை மணந்தார். அவருக்கு செபாவுடன் குழந்தைகள் இல்லை.

சுதிர் ஜனவரி 19, 1997 அன்று இறந்து லாகூரில் உள்ள பாதுகாப்பு சொசைட்டி கல்லறையில் அடக்கம் செய்யப்பட்டார். [1]

விருதுகள் மற்றும் பரிந்துரைகள்[தொகு]

  • 1970 - நிகர் விருதுகள் (பஞ்சாபி படங்கள்) -மா புட்டார் படத்திற்கான சிறந்த நடிகருக்கான விருது
  • 1974 - நிகர் விருதுகள் (பஞ்சாபி படங்கள்) -லோட்ரி படத்திற்கான சிறந்த நடிகருக்கான விருது
  • 1981 - நிகர் விருதுகள் - 30 ஆண்டுகால சிறப்பிற்கான சிறப்பு விருது. [2]

குறிப்புகள்[தொகு]

"https://ta.wikipedia.org/w/index.php?title=சுதிர்_(நடிகர்)&oldid=2884095" இருந்து மீள்விக்கப்பட்டது