சந்திரஹாசன்
சந்திரஹாசன் | |
|---|---|
 | |
| பிறப்பு | 6 மார்ச்சு 1936 பரமக்குடி, தமிழ்நாடு, இந்தியா |
| இறப்பு | 18 மார்ச்சு 2017 (அகவை 81) |
| பணி | திரைப்படத் தயாரிப்பாளர், நடிகர் |
| செயற்பாட்டுக் காலம் | 1981–2017 |
| வாழ்க்கைத் துணை | கீதாமணி (திருமணம் 1965-2017) |
| பிள்ளைகள் | நிர்மல் ஹாசன் அனு ஹாசன் |
சந்திரஹாசன் (Chandrahasan; 6 மார்ச் 1936 - 18 மார்ச் 2017) இந்தியாவின் தமிழ்நாட்டைச் சேர்ந்த ஒரு இந்திய திரைப்படத் தயாரிப்பாளரும், நடிகரும் ஆவார்.
தொடக்க வாழ்க்கை
[தொகு]இன்றைய தமிழ்நாட்டின் இராமநாதபுரம் மாவட்டம் பரமக்குடி நகரில் வழக்கறிஞர் சீனிவாசன் - இராஜலட்சுமி இணையரின் இரண்டாவது குழந்தையாக 6 மார்ச்சு 1936 அன்று பிறந்தார் சந்திரஹாசன்.
இவரது அண்ணன் சாருஹாசன் , தம்பி கமல்ஹாசன் ஆகியோர் திரைப்படத் துறையில் நடிகர்களாக பணியாற்றி வருகின்றனர். அதே நேரத்தில் இவரது தங்கை நளினி ரகுராம் ஒரு பாரம்பரிய நடனக் கலைஞர் ஆவார்.[1]
வழக்கறிஞர் பணியைத் தொடங்குவதற்கு முன்பு ஒரு பாடகராகப் பயிற்சி செய்த சாருஹாசனுக்கு மாறாக, தனது வெற்றிகரமான திரை வாழ்க்கை முழுவதும் சந்திரஹாசன் தனது தம்பி கமல்ஹாசனுடன் மிக நெருக்கமான உறவைப் பேணி வந்தார்.[2]
திரை வாழ்க்கை
[தொகு]1995 இல், இவர் தனது சகோதரர் சாருஹாசனின் மகள் சுஹாசினி மணிரத்னம் இயக்கிய இந்திரா என்ற படத்தில் நடிகராகத் தோன்றினார். இந்தப் படத்தில் அரவிந்த் சுவாமி , நாசருடன் இவரது சொந்த மகள் அனு ஹாசன் 'இந்திரா' வேடத்தில் நடித்திருந்தார்.[3] 2000களின் போது, ராஜ் கமல் பிலிம்ஸ் இன்டர்நேஷனல் நிர்வாகத்தில் சந்திரஹாசன் மிகவும் சுறுசுறுப்பான பங்கு வகித்தார்.[4][5] விஸ்வரூபம் (2013) பட வெளியீட்டின் போது எதிர்கொண்ட பிரச்சனைகளின் போது, எதிர்க்கட்சிகளுடன் மத்தியஸ்தம் செய்வதில் சாருஹாசன் முக்கியப் பங்கு வகித்தார்.[6][7]
அறிமுக இயக்குநர் இசுடீபன் ரங்கராஜ் இயக்கத்தில் அப்பத்தாவ ஆட்டய போட்டுடாங்க என்ற படத்தில் முக்கிய வேடத்தில் நடித்து முடித்தார். இரண்டு வயதான நபர்களுக்கிடையேயான ஏற்படும் காதல் பற்றிய கதை, ஸ்டீபன் சந்திரஹாசனை "மரியாதைக்குரிய நபர்" என்று அறியப்பட்ட ஒருவரை விரும்புவதாகவும், காதல் தவறான வெளிச்சத்தில் தெரிவிக்கப்படக்கூடாது என்பதற்காகவும் நடித்தார். நடிகர் விக்ராந்தின் தாயான ஷீலாவுடன் இவர் நடித்த இந்த படம் 2017 இல் நிறைவடைந்தது. ஆனால் 2021 இல் Sony Liv இல் நேரடியாக வெளியிடப்பட்டது
சொந்த வாழ்க்கை
[தொகு]சந்திரஹாசன், கீதாமணி என்பவரை மணந்து கொண்டார். இவர்களுக்கு நிர்மல்ஹாசன் என்ற மகன் உள்ளார். அவர் அமெரிக்காவில் வசித்து வருகிறார். இவரின் மகள் அனு ஹாசன், இந்திய மற்றும் பிரித்தானிய தயாரிப்புகளில் நடிகையாக தோன்றியுள்ளார்.[8]
கீதாமணி ஜனவரி 2017 இல் தனது 73 வது வயதில் இறந்தார்.
மறைவு
[தொகு]சந்திரஹாசன், ஐக்கிய அரசகத் தலைநகர் இலண்டனில், 18 மார்ச்சு 2017 அன்று, தனது 81-வது வயதில் ஏற்பட்ட மாரடைப்பால் காலமானார்.[9] தனது மனைவியின் மறைவுக்குப்பின் அமெரிக்காவில் வசிக்கும் தனது மகன் நிர்மலுடன் தங்குவதற்காக சந்திரஹாசன் அங்கு சென்றிருந்தார். அங்கிருந்து திரும்பும்போது, சென்னைக்கு இருபத்து மூன்று மணி நேரப் நெடும்பயணம் மேற்கொள்வதைத் தவிர்க்க, இலண்டனில் சிறிது காலம் தனது மகள் அனுவின் இல்லத்தில் தங்கினார்; தன் மறைவின்போது அங்குதான் தங்கியிருந்தார்.[10][11] அவரது உடல் சென்னைக்குக் கொண்டுவரப்பட்டு குடும்பத்தினர் முன்னிலையில் எளிமையான முறையில் இறுதிச் சடங்குகள் நடத்தப்பட்டன; அதைத் தொடர்ந்து ஏப்ரல் 2017-ல் திரையுலகினர் பங்கேற்பில் ஒரு நினைவேந்தல் கூட்டம் நடைபெற்றது. அவர் குடும்பத்தினர் தவிர, ரஜினிகாந்த், இளையராஜா, பிரகாஷ் ராஜ் ஆகியோரும் இதில் கலந்துகொண்டனர்.[12][13] பின்னர் கமல்ஹாசன் தனது சகோதரரை "தந்தை போன்று இருந்தவர்" என்பதாகக் குறிப்பிட்டார்.[14][15]
சான்றுகள்
[தொகு]- ↑ "The Sunday Tribune — Books". www.tribuneindia.com.
- ↑ "Movies: Kamal, as we know him". Rediff.com. 8 November 2000.
- ↑ "Suhasini Mani Ratnam new film Indira zooms in on caste wars". https://www.indiatoday.in/magazine/eyecatchers/story/19950531-suhasini-mani-ratnam-new-film-indira-zooms-in-on-caste-wars-807343-1995-05-31.
- ↑ "rediff.com: Kamal Haasan's Virumaandi, finally!". specials.rediff.com.
- ↑ "Kamal Haasan’s brother and producer Chandrahasan dead". http://indianexpress.com/article/entertainment/tamil/kamal-haasan-brother-and-producer-chandrahasan-dies-in-london-4575812/.
- ↑ "'I'd like to live the way my brother Chandrahasan did'". Rediff.com.
- ↑ "Parties to Vishwaroopam row willing to thrash out issues". http://www.thehindu.com/news/cities/chennai/parties-to-vishwaroopam-row-willing-to-thrash-out-issues/article4366216.ece.
- ↑ Mahesh, Chitra (6 April 2001). "The focus is on women". தி இந்து. http://www.thehindu.com/2001/04/06/stories/1306069f.htm. [தொடர்பிழந்த இணைப்பு]
- ↑ "Kamal Haasan's brother Chandrahasan passes away due to cardiac arrest in London". 31 August 2017.
- ↑ IANS (19 March 2017). "Kamal Haasan's brother Chandrahasan passes away". The Hindu. https://www.thehindu.com/news/national/tamil-nadu/kamal-haasans-brother-chandrahasan-passes-away/article17531337.ece.
- ↑ "Kamal Haasan's elder brother Chandrahasan dies in London". The Times of India. https://timesofindia.indiatimes.com/city/chennai/kamal-haasans-elder-brother-chandrahasan-dies-in-london/articleshow/57714437.cms.
- ↑ "A remembrance meet for late Chandrahasan". Sify. Archived from the original on 6 April 2017.
- ↑ "Worried about Kamal's financial situation, says Rajini at Chandra Haasan's memorial meet". The News Minute. 6 April 2017. https://www.thenewsminute.com/article/worried-about-kamals-financial-situation-says-rajini-chandra-haasans-memorial-meet-59926.
- ↑ "'I'd like to live the way my brother Chandrahasan did'". Rediff.com.
- ↑ "Kamal Haasan remembers brother Chandrahasan: I did not fulfill half of his dreams he saw for me". The Indian Express. 19 March 2017. http://indianexpress.com/article/entertainment/tamil/kamal-haasan-remembers-brother-chandrahasan-i-did-not-fulfill-half-of-his-dreams-he-saw-for-me-4576359/.