கோகலே நினைவு மகளிர் கல்லூரி
| படிமம்:Gokhale Memorial Girls' College.gif | |
| வகை | இளங்கலை கல்லூரி |
|---|---|
| உருவாக்கம் | 1938 |
| அமைவிடம் | , , 700020 , 22°14′47″N 88°22′24″E / 22.246316°N 88.3732992°E |
| வளாகம் | நகர்ப்புறம் |
| சேர்ப்பு | கொல்கத்தா பல்கலைக்கழகம் |
| இணையதளம் | கோகலே நினைவு மகளிர் கல்லூரி இணையத்தளம் |
  Location in மேற்கு வங்காளம்  கோகலே நினைவு மகளிர் கல்லூரி (இந்தியா) | |
கோகலே நினைவு பெண்கள் கல்லூரி என்பது மேற்கு வங்காளத்தின் கொல்கத்தாவில் 1938 ஆம் ஆண்டில் நிறுவப்பட்ட ஒரு மகளிர் கல்லூரியாகும்.[1] அறிவியல் மற்றும் கலைப்பிரிவுகளில் இளங்கலை பட்டங்களை வழங்கும் இக்கல்லூரி கொல்கத்தா பல்கலைக்கழகத்துடன் இணைக்கப்பட்டுள்ளது. இந்திய சுதந்திர இயக்கத்தின் நிறுவனர்களில் ஒருவரான கோபால கிருஷ்ண கோகலேவை நினைவுகூரும் வகையில் கல்லூரிக்கு இப்பெயர் வைக்கப்பட்டுள்ளது. பழமையான கல்லூரிகளில் ஒன்றான இது, கொல்கத்தாவின் சிறந்த கல்லூரிகளில் ஒன்றாகவும் கருதப்படுகிறது.
வரலாறு[தொகு]
சிறந்த சமூக சீர்திருத்தவாதி மற்றும் கல்வியாளர் திருமதி. பி.கே. ரே என்று பிரபலமாக அறியப்பட்ட சரளா ரேயால், கல்வியாளர் மற்றும் தேசியவாதத் தலைவரான கோபால கிருஷ்ண கோகலேவின் முற்போக்கான கொள்கைகளில் இருந்து உத்வேகம் கொண்டு வங்காளப் பெண்களை, வெறும் பெண் பட்டதாரிகளாக மட்டுமல்ல, நாட்டின் தகுதியான குடிமக்களாகவும், திறமையான நிர்வாகிகளாகவும், மனசாட்சியுடன் பணிபுரியும் நபர்களாகவும் உருவாக்க எண்ணி, 1920 ஆம் ஆண்டு இக்கல்லூரியைத் துவங்கியுள்ளார். [2]
சரளா ரேயின் தீவிர சீடரும், இக்கல்லூரியின் முதல் முதல்வருமான டாக்டர் எஸ்இ ராணி கோஷ் 1938 ஆம் ஆண்டில் இதன் தொடக்கத்திலிருந்து 18 நவம்பர் 1961 இல் அவர் இறக்கும் வரையும் சேவைபுரிந்து இக்கல்லூரியை மூன்றாண்டு பட்டப்படிப்புக் கல்லூரியாக மாற்றியுள்ளார்.
சிறப்புகள்[தொகு]
இக்கல்லூரியே, மூன்று ஆண்டு பட்டப்படிப்பில் உளவியலைக் கற்பிப்பதற்காக கொல்கத்தா பல்கலைக்கழகத்தால் இணைக்கப்பட்ட முதல் இளங்கலைக் கல்லூரியாகும். இந்திய சுதந்திரத்திற்கு முன்பாகவே, இந்த கோகலே நினைவு கல்லூரி மாணவிகளால் ஜன கண மன பாடப்பட்டது குறிப்பிடத்தக்கது.[3]
துறைகள்[தொகு]
அறிவியல் பிரிவு[தொகு]
- தாவரவியல்
- கணிதம்
- விளம்பர விற்பனை ஊக்குவிப்பு மற்றும் விற்பனை மேலாண்மை (முக்கிய அம்சங்கள்)
- வேதியியல்
- இயற்பியல்
- மருத்துவ ஊட்டச்சத்து மற்றும் உணவியல்
கலைப்பிரிவு[தொகு]
- பெங்காலி
- ஆங்கிலம்
- சமஸ்கிருதம்
- ஹிந்தி
- வரலாறு.
- புவியியல்
- அரசியல் அறிவியல்
- தத்துவம்
- பொருளாதாரம்
- கல்வி
- தொடர்பு ஆங்கிலம்
- உளவியல்
குறிப்பிடத்தக்க முன்னாள் மாணவர்கள்[தொகு]
- மம்தா சங்கர், நடனக் கலைஞர் மற்றும் நடிகை
- ஸ்ரபானி சென், பாடகர்
- கோயல் முல்லிக், நடிகை
- பசப்தத்தா சாட்டர்ஜி, நடிகை
- டோனா கங்குலி, நடனக் கலைஞர்
- சைத்தி கோஷல், நடிகை
- நபனீதா தேவ் சென், எழுத்தாளர் மற்றும் கல்வியாளர்
அங்கீகாரம்[தொகு]
கோகலே நினைவு மகளிர் கல்லூரி பல்கலைக்கழக மானியக் குழுவால் அங்கீகரிக்கப்பட்டுள்ளது[4]. மேலும் இக்கல்லூரி தேசிய மதிப்பீடு மற்றும் அங்கீகார கவுன்சிலால் (என்ஏஏசி) மறு அங்கீகாரம் பெற்று பி+ தகுதி பெற்றுள்ளது.[5]
மேற்கோள்கள்[தொகு]
- ↑ "Affiliated College of University of Calcutta". Archived from the original on 2012-02-18.
- ↑ "கல்லூரியின் வரலாறு". பார்க்கப்பட்ட நாள் 6 February 2024.
- ↑ "கோகலே நினைவிடத்தின் 100 ஆண்டு பயணத்தின் பின்னணியில் உள்ள தொலைநோக்காளர்". பார்க்கப்பட்ட நாள் 6 February 2024.
- ↑ Colleges in West Bengal, University Grants Commission பரணிடப்பட்டது 16 நவம்பர் 2011 at the வந்தவழி இயந்திரம்
- ↑ "Institutions Accredited / Re-accredited by NAAC with validity" (PDF). National Assessment and Accreditation Council. Archived from the original (PDF) on 12 May 2012. பார்க்கப்பட்ட நாள் 22 February 2012.