கூடாரம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
உள்ளூர் கட்டமைப்புகளுடனான கூடாரம்
இரு பக்கமும் மழை விரிப்புக் கொண்ட கூடாரம்
படிமம்:Tent at High Shelf Camp cropped.jpg
இருவர் தங்கும் எடைகுறைந்த உய்ர் கும்மட்டக் கூடாரம். இது பாறை மீது உள்ளதால் முளையடிக்க வாய்ப்பில்லை

கூடாரம் (tent) (/tɛnt/ (About this soundகேட்க)) என்பது ஒரு தற்காலிக வாழிடமாகும். இது நங்கூரக் கம்பங்களால் ஆன சட்டகம் மீது துணியால் போர்த்தியோ வேறுவகை மூடுபொருட்களாலோ கட்டப்படுகிறது. சிறுகூடாரங்கள் வெறுமனே துணியால் மட்டுமே போர்த்தி நிலைநிறுத்தப்படுகின்றன. பெருகூடாரங்கள் மு\ளைகளில் கயிற்றால் இழுத்துக் கட்டி நிலைநிறுத்தப்படுகின்றன. முதன்முதலில் கூடாரம் பொழுதுபோக்கிற்காகத் தற்காலிகமாகக் கட்டப்பட்டது.


இரீபீ எனப்படும் கூம்பு வடிவிலான அமைப்பையும் அதன் உச்சியில் புகை வெளிச்செல்லக் கூடிய துவாரத்தையும் கொண்ட கூடார வகை அமெரிக்கத் தாயக மக்களாலும் கனேடியத் தாயக மக்களாலும் சமவெளிப் பழங்குடிகளாலும் பண்டைய காலந்தொட்டு அதாவது பொ.ஆ.மு 10,000 [1] முதல் பொ.ஆ.மு 4000 வரையான[2] காலப்பகுதிகளில் பின்பற்றப்பட்டது.

வரலாறு[தொகு]

உருமானிய படைகளின் தோல் கூடாரம் திராயானின் தூணில் இருந்து பெறப்பட்டது.

கூடாரங்கள் இரும்பு ஊழியின் தொடக்கத்திலிருந்து பயன்படுத்தப்படுகின்றன.[சான்று தேவை] அவை விவிலியத்தில் குறிப்பிடப்பட்டுள்ளன. எடுத்துக்காட்டாக, தோற்றம் 4:20 இல் ஜபால் "ஆரம்பத்தில் கூடரங்களுக்குள் வாழ்ந்து ஆடுகளையும் செம்மறி ஆடுகளையும் வளர்த்ததாக" விவரிக்கின்றார். உருமானியப் படைகள் தோல் கூடாரங்களைப் பயன்படுத்தியது.[3]

பயன்பாடுகள்[தொகு]

நாடோடிகள், பொழுதுபோக்கு முகாமிடுவோர், படைவீரர்கள், பேரழிவுகளால் பாதிக்கப்பட்டவர்கள் கூடாரங்களை வசிப்பிடமாகப் பயன்படுத்துகின்றனர். கூடாரங்கள் பொதுவாக திருவிழாக்கள், திருமணங்கள், கொல்லைப்புற விருந்துகள், முக்கிய நிறுவன நிகழ்வுகள், அகழ்வாராய்ச்சி, தொழில்துறைப் பணித் தங்குமிடமாகவும் பயன்படுத்தப்படுகின்றன.

பாரம்பரியம்[தொகு]

பெர்பெரிய மக்கள்,ஜாகோரா, மொராக்கோவுக்குஅருகில்

கூடாரங்கள் பாரம்பரியமாக உலகெங்கிலும் உள்ள நாடோடி மக்களால் குறிப்பாக அமெரிக்க முதற்குடிமக்கள், மங்கோலியன், துருக்கியர்கள் மற்றும் திபெத்திய நாடோடிகளால் பயன்படுத்தப்படுகின்றன.

இராணுவம்[தொகு]

U.S. இராணுவம், மரத்தாலான நுளைவுடன் கூடிய வளிப்பதனப்படுத்தியுடன் கூடிய பாதுகாப்ப்பு மண் மூடை கொண்ட கூடாரம், பக்தாத், ஈராக் ஏப்பிரல் 2004).

படைகள் உலகெங்கிலும் நீண்ட காலமாக கூடாரங்கள் தங்கள் பணி வாழ்க்கையின் ஒரு பகுதியாக பயன்படுத்தப்படுகின்றன. பாரம்பரியமான தங்குமிடங்களுடன் ஒப்பிடும்போது, கூடாரங்கள் இராணுவத்தால் ஒப்பீட்டளவில் விரைவான அமைப்பிற்காக விரும்பப்படுகின்றன. உலகின் மிகப்பெரிய கூடாரங்களைப் பயன்படுத்துபவர்களில் அமெரிக்கப் பாதுகாப்புத் துறையும் ஒன்று. அமெரிக்கப் பாதுகாப்புத் துறை கூடாரத்தின் தரம் மற்றும் கூடார விவரக்குறிப்புகள் குறித்து கடுமையான விதிகளைக் கொண்டுள்ளது. இராணுவத்திற்கு மிகவும் பொதுவான கூடாரப் பயன்பாடுகள் தற்காலிக தடுப்பணைகள் (தூக்கக் குடியிருப்பு), சாப்பாட்டு வசதிகள், களத் தலைமையகம், நலன்புரி மற்றும் பொழுதுபோக்கு வசதிகள் மற்றும் பாதுகாப்பு சோதனைச் சாவடிகள் ஆகும். அமெரிக்க இராணுவம் வரிசைப்படுத்தக்கூடிய விரைவான அமைக்கும் தங்குமிடம் அல்லது டிராஷ் எனப்படும் நவீன கூடாரத்தைப் பயன்படுத்தத் தொடங்குகிறது. இது குளிரூட்டல் மற்றும் வெப்பமாக்கலுக்கான ஏற்பாடுகளைக் கொண்ட ஒரு மடக்கு கூடாரம் ஆகும். [4]

பொழுதுபோக்கு[தொகு]

முகாமிடுதல் என்பது பொழுதுபோக்கின் பிரபலமான வடிவமாகும், இது பெரும்பாலும் கூடாரங்களைப் பயன்படுத்துகிறது. ஒரு கூடாரம் அதன் பெயர்வுத்திறன் மற்றும் குறைந்த சுற்றுச்சூழல் தாக்கத்தால் பொருளாதார மற்றும் நடைமுறைக்குரிய முக்கியத்துவத்தைப் பெறுகின்றது. வனாந்தரத்தில் அல்லது பின்னணியில் பயன்படுத்தும்போது இந்த குணங்கள் அவசியமானதாகும்.

அவசரகால நிலை[தொகு]

போர், பூகம்பம் மற்றும் தீ போன்ற மனிதாபிமான அவசரநிலைகளில் கூடாரங்கள் பெரும்பாலும் பயன்படுத்தப்படுகின்றன. எவ்வாறாயினும், சில நேரங்களில், இந்த தற்காலிக தங்குமிடங்கள் ஒரு நிரந்தர அல்லது அரை நிரந்தர வீடாக மாறும், குறிப்பாக இடம்பெயர்ந்த மக்கள் அகதிகள் முகாம் அல்லது சேரிப்புறங்களில் வசிப்பவர்களுக்கு, அவர்களுடைய முந்தைய இடத்திற்கு திரும்ப முடியாத சந்தர்ப்பங்களில் இது பயன்படும்.

எதிர்ப்பு இயக்கங்கள்[தொகு]

எதிர்ப்பு இயக்கங்களை நடாத்துபவர்கள் கூடாரங்களை தம் எதிர்ப்பின் அடையாளங்களாகப் பயன்படுத்தப்படுகின்றனர். 1968 ஆம் ஆண்டில் உயிர்த்தெழுதல் நகரம் என்ற பெயரில் வாஷிங்டனில் நூற்றுக்கணக்கான கூடாரங்கள் வறுமை எதிர்ப்பு பிரச்சாரகர்களால் அமைக்கப்பட்டது. இது எதிர்ப்பைக் காட்டும் குறியீடாக பயன்பட்டது .

மேற்கோள்கள்[தொகு]

  1. "The History Behind Teepee Dwellings". பார்த்த நாள் 4 June 2018.
  2. "Tipis". University of Nebraska. பார்த்த நாள் 4 June 2018.
  3. "ContuberniumTent". Legiotricesima.org. பார்த்த நாள் 2012-11-23.
  4. "The United States Army | About the NSSC". Natick.army.mil (2009-10-20). பார்த்த நாள் 2012-11-23.

வெளி இணைப்புகள்[தொகு]

"https://ta.wikipedia.org/w/index.php?title=கூடாரம்&oldid=2894076" இருந்து மீள்விக்கப்பட்டது