எ. வ. வேலு

எ. வ. வேலு
எ. வ. வேலு
பொதுப்பணித்துறை மற்றும் நெடுஞ்சாலை துறை அமைச்சர்; தமிழ்நாடு அரசு
	பதவியில்; 7 மே 2021 – 5 மே 2026
முன்னையவர்	எடப்பாடி க. பழனிசாமி
உணவுத்துறை அமைச்சர் அமைச்சர், தமிழ்நாடு
	பதவியில்; 13 மே 2006 – 15 மே 2011
முன்னையவர்	சி. பொன்னையன்
பின்னவர்	ஆர். காமராஜ்
தனிப்பட்ட விவரங்கள்
பிறப்பு	வஜ்ரவேல்; மார்ச்சு 15, 1951 (அகவை 75); கூவனூர், மணலூர்ப்பேட்டை, கள்ளக்குறிச்சி, தமிழ்நாடு
தேசியம்	இந்தியர்
அரசியல் கட்சி	திமுக
துணைவர்	ஜீவா வேலு
பிள்ளைகள்	எ. வ. வே. கம்பன் (மகன்) ; எ. வ. வே. குமரன் (மகன்)
பெற்றோர்	எத்திராஜுலு நாயுடு (தந்தை); சரஸ்வதி (தாய்)
உறவினர்	மனோகரன் (சகோதரன்)
வாழிடம்	ஆழ்வார் பேட்டை, சென்னை, தமிழ்நாடு, இந்தியா

எத்திராஜுலு வஜ்ரவேல் எனப்படும் எ. வ. வேலு (E. V. Velu, பிறப்பு: மார்ச் 15, 1951)^[1] ஒரு தமிழக அரசியல்வாதியும், தற்போதைய சட்டமன்ற உறுப்பினரும் ஆவார். இவர் தமிழக அமைச்சரவையில் பொதுப்பணித்துறை மற்றும் நெடுஞ்சாலை துறை அமைச்சராகப் பணியாற்றினார்.^[2] திராவிடக் கொள்கையில் பற்றுக் கொண்ட இவர், திருவண்ணாமலையில் அருணை மருத்துவக்கல்லூரி மற்றும் பொறியியல் கல்லூரியை நடத்தி வருகிறார்.^[3]

பிறப்பு

இவர் கள்ளக்குறிச்சி மாவட்டம், மணலூர்ப்பேட்டை அருகே கூவனூர் கிராமத்தில் விவசாயி எத்திராஜுலு நாயுடு - சரஸ்வதி தம்பதிக்கு 15 மார்ச் 1951-ல் மகனாகப் பிறந்தார்.^[4] இவரது இயற்பெயர் வஜ்ரவேல். இவர் கவரா நாயுடு சமூகத்தைச் சேர்ந்தவர்.^[5] இவர் வரலாற்று பாடத்தில் முதுகலை பட்டம் பெற்றவர்.^[6]^[7]

ஆரம்ப காலம் மற்றும் அரசியல் பயணம்

இவர் தனது ஆரம்பகாலத்தில் எம்.ஜி.ஆரின் தீவிர ரசிகராகவும், அவரது திருவண்ணாமலை எம். ஜி. ஆர் திமுக ரசிகர் மன்ற உறுப்பினராகவும், தொண்டராகவும் இருந்து வந்தார்.
அதே கட்டத்திலே பம்பு செட் (Water Motor) பழுது பார்க்கும் பணி செய்து வந்தார்.
இந்த சூழலில் தான் தனது வருமானத்தையும், சம அந்தஸ்தை பெரிதாக்கி கொள்ளும் விதமாக தண்டராம்பட்டு தாலுக்காவில் பிரபலமாக இருந்து வந்த தாமோதரன் பேருந்து நிறுவனத்தில் நடத்துனர் (Bus Conductor) வேலையில் சேர்ந்தார்.
அத்துடன் கூத்துக்கலையில் நாட்டமுடைய இவர் அரசியலுடன் திரைப்பட விநியோகத்திலும் ஈடுபட்டு திலகம், பட்டத்து ராணி படத்தில் நகைச்சுவை நடிகை கோவை சரளாவின் இணையாக நடித்தார்.^[8]
பின்பு அரசியலில் ஈடுபட்டவுடன் தனது ஆதர்ச நாயகன் எம். ஜி. ஆர் முதல்வராக இருந்த போது அதிமுகவில் இணைத்து கொண்டு இவர் அன்றைய திருவண்ணாமலை மாவட்டத்தில் அதிமுகவின் முதன்மை தலைவர்களில் ஒருவரான அன்றைய அமைச்சருமான பாவூர் சண்முகம் அவர்களின் உதவியாளராக தனது அரசியல் பயணத்தை ஆரம்பித்தார்.
அந்த அக்காலகட்டத்திலே தனது ஆதர்ச நாயகன் முதல்வர் எம்.ஜி.ஆரிடமே நேரடியாக பழகும் வாய்ப்பை பெற்ற இவர் 1984 சட்டமன்றத் தேர்தலில் தனது தண்டராம்பட்டு சட்டமன்றத் தொகுதியில் அதிமுக சார்பில் முதல் முறையாக வெற்றி பெற்று சட்டமன்ற உறுப்பினரானார்.
பின்னர் எம். ஜி. ஆர் மறைவிற்குப் பிறகு அவரது தீவிர ரசிகனான நடிகர் பாக்யராஜின் எம்.ஜி.ஆர் மக்கள் முன்னேற்றக் கழகம் என்ற கட்சியில் இணைந்து அதன் கொள்கைபரப்புச் செயலாளரானார்.^[9]
பின்பு 1990களில் தேர்தலை சந்திக்காமலே நடிகர் கே. பாக்கியராஜ் கட்சியை கலைத்துவிடவே ஏ. வ. வேலு அவர்கள் திமுகவில் 1995 ஆம் ஆண்டில் இருந்து இணைத்து கொண்டு தற்போது வரை செயல்பட்டுவருகிறார்.
அதன் பிறகு திமுக சார்பில் தண்டராம்பட்டு தொகுதியில் 2001, 2006 ஆம் ஆண்டு நடைபெற்ற தேர்தல்களில் போட்டியிட்டு வென்றார்.
பின்னர் திருவண்ணாமலை தொகுதிக்கு மாறி 2011, 2016, 2021 தேர்தல்களில் தொடர்ந்து போட்டியிட்டு வென்றார்.
மேலும் தமிழக முன்னாள் முதல்வர் மு.கருணாநிதி தலைமையிலான 2006–2011 திமுக ஆட்சி காலத்தில் உணவுத்துறை அமைச்சராக இருந்தார். சில காலம் கூட்டுறவுத் துறை அமைச்சராகவும் பொறுப்பு வகித்தார்.^[10]
அதன் பிறகு 2021 சட்டமன்றத் தேர்தலில் வெற்றி பெற்று தேர்ந்தெடுக்கப்பட்டதை அடுத்து முதல்வர் மு.க.ஸ்டாலினின் திமுக அமைச்சரவையில் 2021 மே 7 அன்று தமிழக பொதுப் பணித்துறை அமைச்சராக பொறுப்பேற்று கொண்டார்.
அந்த பொதுப்பணித்துறை அதிகாரத்தின் கீழ்வரும் (நெடுஞ்சாலைத் துறை, கட்டிடங்கள், துறைமுகங்கள், தரிசு நில மேம்பாடு மற்றும் கரும்புப் பயிர் மேம்பாடு) அமைச்சராக தற்போது செயலாற்றி வருகிறார்.^[11]

போட்டியிட்ட தேர்தல்கள்

வருடம்	தொகுதி	கட்சி	முடிவு	வாக்கு சதவீதம்	எதிர்க்கட்சி வேட்பாளர்	எதிர்க்கட்சி	எதிர்க்கட்சி வேட்பாளர் வாக்கு சதவீதம்
1984	தண்டராம்பட்டு	அஇஅதிமுக	வெற்றி	58.96%	த. வேணுகோபால்	திமுக	38.24%
1989	தண்டராம்பட்டு	அஇஅதிமுக	தோல்வி	27.08%	டி. பொன்முடி	திமுக	45.62%
2001	தண்டராம்பட்டு	திமுக	வெற்றி	48.86%	க. மணிவர்மா	தமாகா	45.14%
2006	தண்டராம்பட்டு	திமுக	வெற்றி	56.7%	எசு. இராமச்சந்திரன்	அஇஅதிமுக	35.4%
2011	திருவண்ணாமலை	திமுக	வெற்றி	49.40%	எசு. இராமச்சந்திரன்	அஇஅதிமுக	46.41%
2016	திருவண்ணாமலை	திமுக	வெற்றி	57.66%	கே. ராஜன்	அஇஅதிமுக	32.74%
2021	திருவண்ணாமலை	திமுக	வெற்றி	66.02%	எஸ். தணிகைவேல்	பாசக	20.69%
2026	திருவண்ணாமலை	திமுக	வெற்றி	40.11%	அருள் ஆறுமுகம்	தவெக	39%

மேற்கோள்கள்

↑ "எ .வ .வேலு". www.tn.gov.in
↑
- Julie Mariappan, ed. (7 May 2021). "MK Stalin becomes Tamil Nadu chief minister". The Hindu.
- S Kumaresan, ed. (7 May 2021). "Stalin's first cabinet in Tamil Nadu is a blend of former ministers and first-timers". The New Indian Express.
↑ "AICTE lets 2 Engg colleges change name". The Hindu. 17 May 2012.
↑
- இரா.தினேஷ்குமார், ed. (நவம்பர் 10, 2023). மெக்கானிக் முதல் ‘மாண்புமிகு’ வரை... - எ.வ.வேலு ‘வல்லமை’ வரலாறு!. இந்து தமிழ் திசை. கள்ளக்குறிச்சி மாவட்டம் திருக்கோவிலூர் (முந்தைய விழுப்புரம் மாவட்டம்) அடுத்த மணலூர்பேட்டை அருகே கூவனூர் கிராமத்தில் விவசாயி எத்திராஜ் - சரஸ்வதி தம்பதிக்கு கடந்த 15-03-1951-ல் மகனாக பிறந்தவர் வஜ்ஜிரவேலு.
- சொந்த ஊரான கூவனூரை தத்தெடுத்து அடிப்படை வசதிகள் மேம்படுத்தப்படும் அமைச்சர் எ. வ. வேலு தகவல். தினத்தந்தி. மார்ச் 16, 2023.
↑ தமிழ்நாடு கவரா நாயுடு நல சங்கத்தினர் செய்தியாளர் சந்திப்பு.
↑ கண்டக்டர் டூ மினிஸ்டர்... யார் இந்த எ.வ.வேலு? திமுகவின் மாஸ்டர் மைண்ட் தலைவரானது எப்படி?
↑ திமுக வேட்பாளர் சுயவிவரம்
↑ (Minister EV Velu | சினிமா ஆசை கண்டக்டர் Jayalalithaa -வை தவிக்க வைத்த கதை! | DMK | Mr Minister)
↑ இரா.செந்தில் கரிகாலன். "பஸ் கண்டக்டர், பாக்யராஜ் கட்சி, பொதுப்பணித்துறை அமைச்சர்.., யார் இந்த எ.வ.வேலு?". தினமலர் நாளிதழ் (03 நவம்பர் 2023).
↑ வீ. வீ. கே சுப்புராசு, ed. (2005). பொது அறிவு களஞ்சியம். சுரா பதிப்பகம். p. 41. ISBN 9788172540692.
↑ தமிழ்நாட்டின் புதிய அமைச்சர்கள் யார், யார்? முழு விவரம், பிபிசி 2021 மே 6

வெளி இணைப்புகள்

தமிழக அரசு இணையம்

[1] "எ .வ .வேலு". www.tn.gov.in

[2] 
Julie Mariappan, ed. (7 May 2021). "MK Stalin becomes Tamil Nadu chief minister". The Hindu.

S Kumaresan, ed. (7 May 2021). "Stalin's first cabinet in Tamil Nadu is a blend of former ministers and first-timers". The New Indian Express.

[mw7w] Julie Mariappan, ed. (7 May 2021). "MK Stalin becomes Tamil Nadu chief minister". The Hindu.

[mw8w] S Kumaresan, ed. (7 May 2021). "Stalin's first cabinet in Tamil Nadu is a blend of former ministers and first-timers". The New Indian Express.

[3] "AICTE lets 2 Engg colleges change name". The Hindu. 17 May 2012.

[4] 
இரா.தினேஷ்குமார், ed. (நவம்பர் 10, 2023). மெக்கானிக் முதல் ‘மாண்புமிகு’ வரை... - எ.வ.வேலு ‘வல்லமை’ வரலாறு!. இந்து தமிழ் திசை. கள்ளக்குறிச்சி மாவட்டம் திருக்கோவிலூர் (முந்தைய விழுப்புரம் மாவட்டம்) அடுத்த மணலூர்பேட்டை அருகே கூவனூர் கிராமத்தில் விவசாயி எத்திராஜ் - சரஸ்வதி தம்பதிக்கு கடந்த 15-03-1951-ல் மகனாக பிறந்தவர் வஜ்ஜிரவேலு.

சொந்த ஊரான கூவனூரை தத்தெடுத்து அடிப்படை வசதிகள் மேம்படுத்தப்படும் அமைச்சர் எ. வ. வேலு தகவல். தினத்தந்தி. மார்ச் 16, 2023.

[mwAQI] இரா.தினேஷ்குமார், ed. (நவம்பர் 10, 2023). மெக்கானிக் முதல் ‘மாண்புமிகு’ வரை... - எ.வ.வேலு ‘வல்லமை’ வரலாறு!. இந்து தமிழ் திசை. கள்ளக்குறிச்சி மாவட்டம் திருக்கோவிலூர் (முந்தைய விழுப்புரம் மாவட்டம்) அடுத்த மணலூர்பேட்டை அருகே கூவனூர் கிராமத்தில் விவசாயி எத்திராஜ் - சரஸ்வதி தம்பதிக்கு கடந்த 15-03-1951-ல் மகனாக பிறந்தவர் வஜ்ஜிரவேலு.

[mwAQg] சொந்த ஊரான கூவனூரை தத்தெடுத்து அடிப்படை வசதிகள் மேம்படுத்தப்படும் அமைச்சர் எ. வ. வேலு தகவல். தினத்தந்தி. மார்ச் 16, 2023.

[5] தமிழ்நாடு கவரா நாயுடு நல சங்கத்தினர் செய்தியாளர் சந்திப்பு.

[சமயம்-6] கண்டக்டர் டூ மினிஸ்டர்... யார் இந்த எ.வ.வேலு? திமுகவின் மாஸ்டர் மைண்ட் தலைவரானது எப்படி?

[தினமணி-7] திமுக வேட்பாளர் சுயவிவரம்

[8] (Minister EV Velu | சினிமா ஆசை கண்டக்டர் Jayalalithaa -வை தவிக்க வைத்த கதை! | DMK | Mr Minister)

[9] இரா.செந்தில் கரிகாலன். "பஸ் கண்டக்டர், பாக்யராஜ் கட்சி, பொதுப்பணித்துறை அமைச்சர்.., யார் இந்த எ.வ.வேலு?". தினமலர் நாளிதழ் (03 நவம்பர் 2023).

[10] வீ. வீ. கே சுப்புராசு, ed. (2005). பொது அறிவு களஞ்சியம். சுரா பதிப்பகம். p. 41. ISBN 9788172540692.

[11] தமிழ்நாட்டின் புதிய அமைச்சர்கள் யார், யார்? முழு விவரம், பிபிசி 2021 மே 6

[1]

[2]

[3]

[4]

[5]

[6]

[7]

[8]

[9]

[10]

[11]