உஷா மீனா
உஷா மீனா | |
|---|---|
| மக்களவை உறுப்பினர் | |
| பதவியில் 1998–1999 | |
| தொகுதி | சவாய் மாதோபூர் |
| பதவியில் 1996–1998 | |
| முன்னையவர் | குஞ்சி லால் மீனா |
| தொகுதி | சவாய் மாதோபூர் |
| தனிப்பட்ட விவரங்கள் | |
| பிறப்பு | 1 சூலை 1949 |
| தேசியம் | இந்தியர் |
| அரசியல் கட்சி | இந்திய தேசிய காங்கிரசு |
| துணைவர் | தரம் சிங் மீனா |
| பெற்றோர்s |
|
| தொழில் | விவசாயி, அரசியல்வாதி, சமூகசேவகர் |
உஷா மீனா (Usha Meena, பிறப்பு: சூலை 1, 1949) என்பவர் ஓர் இந்திய அரசியல்வாதியும் இந்திய நாடாளுமன்ற மேனாள் உறுப்பினரும் ஆவார். இவர் இந்தியத் தேசியக் காங்கிரசு வேட்பாளராக இந்திய மாநிலமான இராசத்தானில் உள்ள சவாய் மாதோபூர் தொகுதியிலிருந்து தேர்ந்தெடுக்கப்பட்ட நாடாளுமன்ற உறுப்பினர் ஆவார்.[1][2]
இளமை[தொகு]
உஷா மீனா 1 சூலை 1949 அன்று இராசத்தானின் அல்வாரில் பிறந்தார். இவர் மறைந்த சுட்டன் லால் மீனாவின் (முன்னாள் நாடாளுமன்ற உறுப்பினர், காங்கிரசு) மகள் ஆவார். இவர் தரம் சிங் மீனாவை (இஆப) மணந்தார். இவருக்கு இரண்டு மகன்கள் மற்றும் ஒரு மகள் உள்ளனர்.[1]
பணி[தொகு]
ஜெய்ப்பூரில் உள்ள இராசத்தான் பல்கலைக்கழகத்தில் இளங்கலைப் படிப்பை முடித்தார் உஷா. 1996-இல் 11வது மக்களவைக்கு முதன்முதலாகத் தேர்ந்தெடுக்கப்பட்டார். 1997 வரை இவர் தொழில் குழு உறுப்பினராகவும் நீர்வள அமைச்சகத்தின் ஆலோசனைக் குழு உறுப்பினராகவும் இருந்தார்.
1998-இல், இவர் 12வது மக்களவைக்கு மீண்டும் தேர்ந்தெடுக்கப்பட்டார். 12ஆவது மக்களவையில் விவசாயக் குழு உறுப்பினராகவும், நீர்வள அமைச்சகத்தின் ஆலோசனைக் குழு உறுப்பினராகவும் இவர் பணியாற்றினார்.
1998-99 காலகட்டத்தில் இந்தி சிக்சா சமிதியின் உறுப்பினராகவும் இருந்துள்ளார்.[1]