இலளிகம் சென்றாயசுவாமி கோயில்

அருள்மிகு சென்றாயசுவாமி கோவில்
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	தர்மபுரி
அமைவிடம்:	தருமபுரி, இலளிகம், தருமபுரி வட்டம்
சட்டமன்றத் தொகுதி:	தர்மபுரி
மக்களவைத் தொகுதி:	தர்மபுரி
கோயில் தகவல்
மூலவர்:	சென்றாயசுவாமி
தாயார்:	ஸ்ரீதேவி, பூதேவி
சிறப்புத் திருவிழாக்கள்:	வைகுண்ட ஏகாதசி, நவராத்திரி
வரலாறு
கட்டிய நாள்:	பத்தொன்பதாம் நூற்றாண்டு

இலளிகம் சென்றாயசுவாமி கோயில் தமிழ்நாட்டில் தர்மபுரி மாவட்டம், இலளிகம் என்னும் ஊரில் அமைந்துள்ள பெருமாள் கோயிலாகும்.

வரலாறு

இக்கோயில் பத்தொன்பதாம் நூற்றாண்டைச் சேர்ந்தது. இக்கோயிலுக்குத் தலவரலாறு உண்டு.இக்கோவில் சிற்பங்கள் கி பி 12 ஆம் நூற்றாண்டை சார்ந்ததாக இருக்க கூடும் என கல் வெட்டு துறை அறிஞர்கள் கூறுகின்றனர்.கருவறையில் உள்ள ஸ்ரீதேவி,பூதேவி சமேதராக சர்வாலங்கார கோலத்தில் கம்பீரமாக அமைந்துள்ளார்.இக் கோவில் 14 ஆம் நூற்றாண்டு இவ்வூர் வேட்டுவ தலைவர்களால் கட்டப்பட்டது என கூறுகின்றனர்.ராஜராஜன்,குலோத்துங்கன் போன்ற பேர்ரசர்கள் ராஜராஜேஸ்வரம் பென்னேஸ்வரம் போன்ற பெரும் கோவில்கள் கட்டிய காலத்தில் கட்டப்பட்ட மகா மண்டபமாகும்

திருக்கோவில் சுற்று பிரகாரம் 1144 சதுர அடி

மகா மண்டபம் அர்த்த மண்டபம் 212 சதுர அடி

கர்பகிரகம் 244 சதுர அடி

மொத்த கோவில் பரப்பளவு 2052 சதுர அடி

கோயில் அமைப்பு

இக்கோயிலில் சென்றாயசுவாமி, ஸ்ரீதேவி, பூதேவி சன்னதிகளும், விநாயகர், ஆஞ்சநேயர் உபசன்னதிகளும் உள்ளன. இக்கோயில் தொகுப்புக் கோயில் என்ற வகைப்பாட்டில் இந்து அறநிலையத்துறையின் கட்டுப்பாட்டில் உள்ளது. பரம்பரை அல்லாத அறங்காவலர் அமைப்பால் நிர்வகிக்கப்படுகிறது.

பூசைகள்

இக்கோயிலில் பாஞ்சராத்திர முறைப்படி ஒருகாலப் பூசை நடக்கின்றது. மார்கழி மாதம் வைகுண்ட ஏகாதசி முக்கிய திருவிழாவாக நடைபெறுகிறது. புரட்டாசி மாதம் நவராத்திரி திருவிழாவாக நடைபெறுகிறது.