இசை மற்றும் கலாச்சாரத்தை மேம்படுத்துவதற்கான சங்கம்

இளைஞர்களிடையே இசை மற்றும் கலாச்சாரத்தை மேம்படுத்துவதற்கான சங்கம்

உருவாக்கம்	1977 (1977)
தலைமையகம்	தில்லி
நிறுவனர்	முனைவர் கிரண் சேத்
வலைத்தளம்	spicmacay.org

இளைஞர்களிடையே இந்திய பாரம்பரிய இசை மற்றும் கலாச்சாரத்தை மேம்படுத்துவதற்கான சங்கம் ( Society for the Promotion of Indian Classical Music And Culture Amongst Youth (SPIC MACAY) என்பது இந்தியப் பாரம்பரிய இசை, இந்தியப் பாரம்பரிய நடனங்கள், நாட்டுப்புற இசை, யோகக் கலை, தியானம், கைவினைப்பொருட்கள் மற்றும் பிற அம்சங்களை மேம்படுத்துவதன் மூலம் இந்திய கலாச்சார பாரம்பரியத்தின் அருவமான அம்சங்களை ஊக்குவிக்கும் ஒரு தன்னார்வ இளைஞர் இயக்கமாகும். இந்திய கலாச்சாரத்தின்; இது உலகெங்கிலும் உள்ள 300 நகரங்களில் அத்தியாயங்களைக் கொண்டுள்ளது. தில்லியின் இந்திய தொழில்நுட்பக் கழகத்தில் 1977 இல் முனைவர் கிரண் சேத் அவர்களால் நிறுவப்பட்டது.

வரலாறு

கரக்பூர், இந்திய தொழில்நுட்பக் கழகத்தின் பட்டதாரியான கிரண் சேத், நியூயார்க்கு நகரிலுள்ள கொலம்பியா பல்கலைக்கழகத்தில் முனைவர் பட்டம் படித்துக் கொண்டிருந்தபோது, நியூயார்க்கில் உள்ள புரூக்ளின் இசை அகாதமியில் உஸ்தாத் நசீர் அமினுதீன் தாகர் மற்றும் உஸ்தாத் ஜியா பரிதுதீன் தாகர் ஆகியோரின் துருபத் கச்சேரியில் கலந்துகொள்ள வாய்ப்பு கிடைத்தது. அபோது இச்சங்கத்தை உருவாக்க அவர் நினைத்தார்.

1976 இல் இந்தியா திரும்பியதும், புது தில்லி, இந்திய தொழில்நுட்பக் கழகத்தில் கற்பித்தல் மற்றும் ஆராய்ச்சிப் பணிகளைத் தொடங்கினார். அங்கு இவர் மாணவர்களுடன் சேர்ந்து 1977 இல் இசை மற்றும் கலாச்சாரத்தை மேம்படுத்துவதற்கான சங்கத்தைத் தொடங்கினார். இதன் முதல் இசை நிகழ்ச்சியாக மார்ச் 28 1978 அன்று தில்லி இந்திய தொழில்நுட்பக் கழகத்தில் நடைபெற்றது.

அதன் முக்கிய செயல்பாடுகளில் சில: தொடர் இசை நிகழ்ச்சிகள், மாணவர்கள் மற்றும் ஆசிரியர்களுக்கான தேசிய மாநாடுகள், தேசியத் தீவிரப் பள்ளி, பூங்காவில் இசை, உதவித் தொகைத் திட்டம், பாரம்பரிய நடைகள், சிறந்த சிந்தனையாளர்களின் பேச்சுக்கள், யோகக் கலை முகாம்கள், பாரம்பரிய திரைப்படங்கள் திரையிடல் முதலியன

வெளி இணைப்புகள்

• அதிகாரப்பூர்வ இணையதளம்