அன்வரா தைமூர்
அன்வரா தைமூர் | |
|---|---|
| 8ஆவது அசாம் முதலமைச்சர் | |
| பதவியில் 6 திசம்பர் 1980 – 30 சூன் 1981 | |
| முன்னையவர் | குடியரசு ஆட்சி |
| பின்னவர் | குடியரசு ஆட்சி |
| தனிப்பட்ட விவரங்கள் | |
| பிறப்பு | 24 நவம்பர் 1936 அசாம் மாகாணம், பிரித்தானிய இந்தியா, அசாம் மாநிலம் (தற்போது) |
| இறப்பு | 28 செப்டம்பர் 2020 (அகவை 83) ஆத்திரேலியா |
| அரசியல் கட்சி | இந்திய தேசிய காங்கிரசு, பிறகுஅகில இந்திய ஜனநாயக முன்னணி |
| முன்னாள் மாணவர் | அலிகர் முஸ்லிம் பல்கலைக்கழகம் |
சையதா அன்வரா தைமூர் (Anwara Taimur)(24 நவம்பர் 1936-28 செப்டெம்பர் 2020) ஓர் இந்திய அரசியல்வாதி ஆவார். இவர் 1980ஆம் ஆண்டு திசம்பர் 6 முதல் 1981ஆம் ஆண்டு சூன் 30 வரை இந்திய மாநிலமான அசாமின் முதலமைச்சராக இருந்தார்.[1] இவர் 2020ஆம் ஆண்டு செப்டம்பர் 28 அன்று ஆத்திரேலியாவில் இறந்தார்.[2]
அரசியல் வாழ்க்கை
[தொகு]அன்வாரா 1956ஆம் ஆண்டில் ஜோர்ஹாட்டின் டெபிச்சரன் பாருவா பெண்கள் கல்லூரியில் பொருளாதாரத்துறையில் விரிவுரையாளராக பணியாற்றினார். 1972, 1978, 1983 மற்றும் 1991ஆம் ஆண்டுகளில் அசாம் சட்டமன்றத்திற்கு சட்டமன்ற உறுப்பினராகத் தேர்ந்தெடுக்கப்பட்டார். 1988ஆம் ஆண்டில் இவர் இந்திய நாடாளுமன்றத்தின் மாநிலங்களவை உறுப்பினராகப் பரிந்துரைக்கப்பட்டார்.[3] 1991ஆம் ஆண்டில் இவர் அசாமின் விவசாயத்துறைக்கு அமைச்சராக நியமிக்கப்பட்டார்.
இவர் அசாமின் இந்திய தேசிய காங்கிரசு கட்சியின் தலைவராகவும், அகில இந்திய காங்கிரசு குழுவின் உறுப்பினராகவும் இருந்தார்.
அசாம் வரலாற்றில் முதலமைச்சராகிய முதல் பெண் மற்றும் ஒரே முஸ்லிம் இவர் தான். இந்திய வரலாற்றிலும் எந்தவொரு மாநிலத்தின் முதலமைச்சராக இருந்த ஒரே முஸ்லிம் பெண் முதலமைச்சர் இவர் தான்.[4] இவரது ஆட்சிக் காலம் 1980ஆம் ஆண்டு திசம்பர் முதல் 1981ஆம் ஆண்டு சூன் வரையிலானது. இந்தியாவில் குடியரசுத் தலைவர் ஆட்சியினால் இவரது அரசு ஆறு மாதங்களில் முடிவடைந்தது. 1983ஆம் ஆண்டு முதல் 1985ஆம் ஆண்டு வரை காலகட்டத்தில் இவர் அசாம் மாநிலத்தின் பொதுபணி துறை அமைச்சராக இருந்தார்.
இவர் 2011ஆம் ஆண்டில் அகில இந்திய ஐக்கிய ஜனநாயக முன்னணியில் சேர்ந்தார்.
கல்வி
[தொகு]அன்வரா அலிகர் முஸ்லிம் பல்கலைக்கழகத்தில் பொருளாதாரத்தில் பட்டம் பெற்றுள்ளார்.[5][6]
சர்ச்சை
[தொகு]2019ஆம் ஆண்டு சூலை 30 அன்று வெளியிடப்பட்ட தேசிய குடிமக்கள் பதிவேட்டின் (என்.ஆர்.சி) இறுதி வரைவில் இவரின் பெயர் சேர்க்கப்படவில்லை.
வகித்த பதவிகள்
[தொகு]| ஆண்டு | விளக்கம் |
|---|---|
| 1972-1978 | 5ஆவது அசாம் சட்டமன்றத்திற்கு தேர்ந்தெடுக்கப்பட்டார்
|
| 1978-1983 | 6ஆவது அசாம் சட்டமன்றத்திற்கு தேர்ந்தெடுக்கப்பட்டார்
|
| 1983-1985 | 7ஆவது அசாம் சட்டமன்றத்திற்கு தேர்ந்தெடுக்கப்பட்டார்
|
| 1988-1990 | மாநிலங்களவையில் பரிந்துரைக்கப்பட்டார் |
| 1991-1996 | 9ஆவது அசாம் சட்டமன்றத்திற்கு தேர்ந்தெடுக்கப்பட்டார்
|
| 2004-2010 | மாநிலங்களவைக்கு தேர்ந்தெடுக்கப்பட்டார்
|
வெளி குறிப்புகள்
[தொகு]இந்தியாவில் பட்டியல் பழங்குடியினரின் கலைக்களஞ்சியம்: பி.கே. மொஹந்தி எழுதிய ஐந்து தொகுதியில் பக்கம் 124.
இறப்பு
[தொகு]இவர் 2020ஆம் ஆண்டு செப்டம்பர் 28 அன்று ஆத்திரேலியாவில் காலமானார். [7] [8]
மேற்கோள்கள்
[தொகு]- ↑ "'Spurned' Taimur in AIUDF - Denied a ticket, one deserts, the other turns mentor".
- ↑ "Assam's lone female chief minister Syeda Anwara Taimur passes away". The News Mill (in அமெரிக்க ஆங்கிலம்). 2020-09-28. Retrieved 2020-09-28.
- ↑ "Archived copy" (PDF). Archived from the original (PDF) on 19 December 2019. Retrieved 13 July 2015.
{{cite web}}: CS1 maint: archived copy as title (link) - ↑ "Kudos to Mehbooba Mufti, but where are Kashmir's female politicians?".
- ↑ "Archived copy". Archived from the original on 13 July 2015. Retrieved 13 July 2015.
{{cite web}}: CS1 maint: archived copy as title (link) - ↑ http://www.amu.ac.in/pdf/Alumni.pdf
- ↑ "Former Assam CM Anwara Taimur no more". News Live (in ஆங்கிலம்). Retrieved 28 September 2020.
- ↑ "Assam's lone female chief minister Syeda Anwara Taimur passes away". The News Mill (in அமெரிக்க ஆங்கிலம்). 2020-09-28. Retrieved 2020-09-28.