அன்டி வார்ஹால்
| அன்டி வார்ஹால் | |
|---|---|
 Warhol in 1977 | |
| தேசியம் | அமெரிக்கர் (ஐக்கிய அமெரிக்கா) |
| கல்வி | கார்னகீ மெலன் பல்கலைக் கழகம் |
| அறியப்படுவது | ஓவியம், திரைப்படம் |
| குறிப்பிடத்தக்க படைப்புகள் | Chelsea Girls (1966), Exploding Plastic Inevitable (1966), Campbell's Soup Cans (1968), |
| அரசியல் இயக்கம் | பாப் கலை |
அன்டி வார்ஹால் (Andy Warhol) எனப் பரவலாக அறியப்படும் அன்ட்ரூ வார்ஹாலா (ஆகஸ்ட் 6, 1928 – பெப்ரவரி 22, 1987) ஒரு அமெரிக்க ஓவியரும், "பாப்" ஓவியக் கலை இயக்கத்தின் முன்னணிக் கலைஞரும் ஆவார். வணிகப் படவரைவாளராக வெற்றிகரமாகத் தொழில் செய்த வார்ஹால், ஒரு ஓவியராகவும், புது முயற்சிகளில் ஈடுபடும் படத் தயாரிப்பாளராகவும், இசைத்தட்டுத் தயாரிப்பாளராகவும் உலகப் புகழ் பெற்றார். இவர் பல்வேறுபட்ட சமூகக் குழுக்களுடனும் தொடர்புகளை வைத்திருந்தார். பொஹீமியத் தெருவாழ் மக்களிலிருந்து, அறிஞர்கள், ஹாலிவூட் பிரபலங்கள், செல்வந்தரான உயர்குடியினர் போன்றவர்கள் வரை பல சமூக மட்டங்களிலும் அவர் ஊடாடினார்.[1][2][3]
1987 ஆம் ஆண்டில் இவர் இறந்த பின்னர் இவர் குறித்த கண்காட்சிகளும், நூல்களும், ஆவணப் படங்களும் பெரும் எண்ணிக்கையில் உருவாயின.
இளமைக்காலம்
[தொகு]அன்டி வார்ஹால், பென்சில்வேனியாவில் உள்ள பிட்ஸ்பர்க்கில் பிறந்தார். இவரது தந்தையான அன்ட்ரிஜ் வார்ஹாலாவுக்கும், தாயாரான உல்ஜா (ஜூலியா)வுக்கும் மூன்றாவது பிள்ளையாக இவர் பிறந்தார். அக்காலத்தி ஆஸ்திரிய-ஹங்கேரியப் பேரரசைச் சேர்ந்ததும் தற்போது வடகிழக்குச் செக் குடியரசில் இருப்பதுமான மிக்கோவா என்னும் ஊரிலிருந்து இடம் பெயர்ந்தவர்களான இவர்கள் ருசின் இனத்தைச் சேர்ந்த உழைப்பாளர் வகுப்பினர். வார்ஹாலின் தந்தை 1914 ஆம் ஆண்டில் அமெரிக்காவில் குடியேறினார். வார்ஹாலின் பாட்டன், பாட்டி இருவரும் இறந்தபின்னர், வார்ஹாலின் தாய் 1921ல் அமெரிக்கா வந்து தனது கணவருடன் சேர்ந்து கொண்டார். வார்ஹாலின் தந்தை ஒரு நிலக்கரிச் சுரங்கத்தில் பணிபுரிந்தார். பின்னர், 55, பீலன்தெரு, பிட்ஸ்பர்க், ஓக்லேண்ட் என்ற முகவரியில் குடும்பத்துடன் வசித்து வந்தார். ‛பைசண்டைன் கத்தோலிக்க பிரிவில், இவர் குடும்பத்தினருடன் புனித புனித யோவான் பைசண்டைன் கத்தோலிக்க திருச்சபையில் பங்கேற்றனர்.
மேற்கோள்கள்
[தொகு]- ↑ Random House Webster's Unabridged Dictionary: "Warhol" பரணிடப்பட்டது சூலை 5, 2017 at the வந்தவழி இயந்திரம்
- ↑ Trebay, Guy; La Ferla, Ruth (November 12, 2018). "Tales From the Warhol Factory – In each of three successive spaces called the Factory, Andy Warhol created movies, paintings, time capsules and psychosexual dramas with a half-life of many decades. Here his collaborators recall the places, the times and the man.". The New York Times இம் மூலத்தில் இருந்து 2022-01-01 அன்று. பரணிடப்பட்டது.. https://ghostarchive.org/archive/20220101/https://www.nytimes.com/2018/11/12/style/andy-warhol-factory-history.html.
- ↑ Pescovitz, David (November 12, 2018). "Memories from Warhol's Factory". Boing Boing. Archived from the original on November 13, 2018. பார்க்கப்பட்ட நாள் November 13, 2018.