முதலாம் பராக்கிரமபாகு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
முதலாம் பராக்கிரமபாகு
பொலன்னறுவையின் அரசர்
Statue of Parakramabahu in Polonnaruwa.jpg
ஆட்சிக்காலம் 1153–1186
பிறப்பு 1123
பிறப்பிடம் புங்ககம
இறப்பு 1186
இறந்த இடம் பொலன்னறுவை
முன்னிருந்தவர் இரண்டாம் கஜபாகு
பின்வந்தவர் இரண்டாம் விஜயபாகு
துணைவி அரசி லீலாவதி
அரச குடும்பம் பொலன்னறுவை அரசகுடும்பம்
தந்தை அரசர் மானாபரண
தாய் அரசி ரத்னாவலி

முதலாம் பராக்கிரமபாகு ([சிங்களம்]]: මහා පරාක්‍රමබාහු) அல்லது மகா பராக்கிரமபாகு [1][2] பொலன்னறுவை யுக மன்னனாவான். பொலன்னறுவை இராச்சியத்தை 1153 - 1186 வரை ஆண்டு வந்தான். அரசர் மானாபரணவிற்க்கும் அரசி ரத்னாவலிக்கும் 1123 ஆம் ஆண்டு தக்கிண தேசத்தின் கேகாலைப் பகுதியில் புங்ககம எனும் கிராமத்தில் பிறந்தான். இலங்கையின் முக்கிய மூன்று இராச்சியங்களையும் பராக்கிரமபாகு ஒன்றிணைத்துள்ளான். அக்காலத்திலே தலைநகரமாக விளங்கியது பொலன்னறுவை ஆகும். தன்னுடைய தலைநகரை அழகாகப் பேணல், மேற்பார்வை செய்தல் போன்ற பணிகளில் ஈடுபட்டிருந்தான். இவனின் காலத்தில் நாட்டில் விரிவாக நிர்மாணிக்கப்பட்ட நீர்ப்பாசன தொகுதிகள் காணப்பட்டன, நாட்டின் இராணுவப் படைகள் மறுசீரமைக்கப்பட்டன, பௌத்த மதம் வளர்க்கப்பட்டது, கலைகளும் வளர்க்கப்பட்டன. தென்னிந்தியாவுடனும், மியான்மாருடனும் பராக்கிரமபாகு இராணுவ நடவடிக்கைகளில் ஈடுபட்டுள்ளான். இவனின் காலத்தில் இலங்கை தெற்காசியாவின் தானியக் களஞ்சியம் என அழைக்கப்பட்டது.[சான்று தேவை] இவனே பராக்கிரம சமுத்திரத்தையும் கட்டுவித்தான். "வானிலிருந்து விழும் ஒரு துளி நீரையும் விவசாயத்திர்குப் பயன்படுத்தாது வீணே கடலைச் சென்றடைய விடமாட்டேன்" என்பது பராக்கிரமபாகுவின் புகழ்மிக்க கூற்றுக்களில் ஒன்றாகும். [3]

பராக்கிரமபாகு தனது இளம் வயதை தனது மாமன்மாரான கீர்த்தி சிறீ மேகன், ஸ்ரீ வல்லப போன்றோரின் அரண்மனைகளில் கழித்தான். இவர்கள் முறையே தக்கிண தேசம் மற்றும் உருகுணை இராச்சியத்தின் மன்னர்கள். அத்துடன் இராசரட்டையின் இரண்டாம் கஜபாகுவுடனும் இளமையில் நட்புறவு வைத்துள்ளான். சீனா மற்றும் மத்திய கிழக்கு நாடுகளுடனும் இம்மன்னன் வர்த்தகத் தொடர்புகளைக் கொண்டிருந்தான். [4] இவன் தன்னுடைய ஆட்சிக்காலத்தில் மதம், விவசாயம், சுகாதாரம் போன்ற பல்வேறு தரப்பட்ட துறைகளிலும் தனது சேவைகளை மேற்கொண்டுள்ளான்.


பின்னணி[தொகு]

12ஆம் நூற்றாண்டுக்கு முன்[தொகு]

இலங்கைத் தீவானது ஒருகாலத்தில் சோழர்களின் ஆதிக்கத்தில் இருந்தது. கி.பி. 993 இல் இலங்கையில் முதலாம் இராஜராஜ சோழ மன்னன் படையெடுப்பு நடாத்தினான். முதலாம் விஜயபாகு (1055–1100) மன்னனின் ஆட்சிக்கு முன் சோழர்களே இலங்கையை ஆதிக்கம் செய்துவந்தனர். தன்னுடைய சிறந்த ஆட்சியினாலும் படையெடுப்பாலும் சோழர்களை இலங்கையிலிருந்து விரட்டி புராதன தலைநநகரமான அனுராதபுரத்தை கைவிட்டு திட்டமிடப்பட்ட புதிய நகரமான பொலன்னறுவைக்கு (புலத்தி நகர்) தலைநகரை மாற்றிக்கொண்டான். முதலாம் விக்கிரமபாகு மன்னன் (1111–1132) இலங்கையை மூன்று பிரிவுகளாகப் பிரித்தான், அவையாவன; இராசரட்டை, உருகுணை, தக்கிண தேசம் என்பவையாகும். இருப்பினும் இம்மூன்றிலும் விக்கிரமபாகு ஆண்டுவந்த இராசரட்டையே சமய ரீதியாகவும், வரலாற்று ரீதியாகவும் கௌரவமிக்க பிரதேசமாகக் கருத்தப்பட்டது. தக்கிண தேசத்து மன்னர்களான மானாபரண மன்னன் அவரது தம்பிமாரான ஸ்ரீ வல்லப மன்னன் மற்றும் கீர்த்தி ஸ்ரீ மேகன் போன்றோர்களுக்கும் மற்றும் உருகுணை மன்னர்களுக்கும் இராசரட்டையின் அரியணையைப் பிடிப்பதில் போட்டியிருந்தது.

உசாத்துணைகள்[தொகு]

  1. Paranavitana, History of Ceylon, p. 199
  2. Encyclopædia Britannica, Parakramabahu I
  3. Culavamsa, LXVIII, 8
  4. Kenneth Hall, "Economic History of Early South Asia", in Nicholas Tarling (ed), The Cambridge History of South East Asia, Vol. I, Cambridge 1994

மேலும் வாசிக்க[தொகு]

  • Mitton, G.E., The Lost Cities of Ceylon, J.Murray, London 1916
  • Perera, L.H.H., Additional chapters to H.W. Codrington’s A short history of Ceylon, Macmillan, London 1952.

வெளி இணைப்புகள்[தொகு]

"http://ta.wikipedia.org/w/index.php?title=முதலாம்_பராக்கிரமபாகு&oldid=1722824" இருந்து மீள்விக்கப்பட்டது