இளங்குளம் குஞ்சான் பிள்ளை

இளங்குளம் பி. என். குஞ்சான் பிள்ளை
இளங்குளம் பி. என். குஞ்சான் பிள்ளையின் உருவப்படம்
பிறப்பு	பி. என். குஞ்சான் பிள்ளை (1904-11-08)8 நவம்பர் 1904 கொல்லம், திருவிதாங்கூர் (பிரித்தானிய இந்தியா)
இறப்பு	4 மார்ச்சு 1973(1973-03-04) (அகவை 68) திருவனந்தபுரம், கேரளம்
படித்த கல்வி நிறுவனங்கள்	சிதம்பரம், அண்ணாமலைப் பல்கலைக்கழகம் (இளங்கலைப் பட்டம்]] Degree)
பணி	வரலாற்றாலார் கல்வியாளர்

இளங்குளம் குஞ்சான் பிள்ளை (Elamkulam P. N. Kunjan Pillai) (8 நவம்பர் 1904 - 4 மார்ச் 1973), இவர் ஓர் இந்திய வரலாற்றாசிரியரும், மொழியியலாளரும், தென்னிந்தியாவின் கேரளாவிலிருந்து வந்த கல்வியாளரும் ஆவார். குறிப்பாக தென்னிந்திய வரலாறு, கேரள வரலாறு ஆகியவற்றின் முன்னோடி அறிஞராக இருந்தார். சமசுகிருதம், மலையாளம் ஆகிய மொழிகளில் கல்விப் பட்டங்களை மட்டுமே பெற்றிருந்தாலும், வரலாற்றாசிரியராக முறையான பயிற்சி இல்லாத போதிலும், நவீன கேரள வரலாற்றின் முன்னோடிகளில் ஒருவராக இவர் கருதப்படுகிறார்.

இடைக்கால கேரள வரலாற்றில் ஒற்றையாட்சி / ஏகாதிபத்திய அரசு மாதிரியின் முக்கிய ஆதரவாளர்களில் ஒருவராக இருந்தார். இடைக்கால கேரளாவில் மிகவும் மையப்படுத்தப்பட்ட "பேரரசின்" (ஒற்றையாட்சி / ஏகாதிபத்திய மாநில மாதிரி) இவரது மாதிரி இப்போது தென்னிந்திய வரலாற்றாசிரியர்களால் ஏற்றுக்கொள்ளப்படவில்லை என்று கருதப்படுகிறது. இவரது பெரும்பான்மையான படைப்புகள் மலையாளத்திலும், சில தமிழிலும், ஆங்கிலத்திலும் எழுதப்பட்டுள்ளன.

கன்னடம், துளு (மிகப்பெரிய இலக்கியமற்ற தெற்கு திராவிட மொழி), பாளி (தேரவாத பௌத்த நியதிகளின் மொழி) ஆகியவற்றிலும் இவர் நன்கு தேர்ச்சி பெற்றிருந்தார். வட்டெழுத்து, பழைய / ஆரம்பகால மலையாள மொழியின் உயர் அதிகாரத்தில் ஒருவராகவும் இவர் கருதப்பட்டார்.

அரப்பா, சந்திரவல்லி, பிரம்மகிரி தொல்பொருள் தளம் ஆகிய இடங்களில் அகழ்வாராய்ச்சி பணிகளில் ஈடுபட்டிருந்த ஆங்கிலேயரான மோர்டிமர் வீலர் என்பவருடன் சிறிது காலம் இவர் தன்னை இணைத்துக் கொண்டார். 1970களின் முற்பகுதியில் கேரளப் பல்கலைக்கழகத்தில் ஆராய்ச்சி அறிஞரான எம். ஜி.எஸ். நாராயணனை முறைசாரா முறையில் வழிநடத்தியதற்காகவும் இவர் அறியப்படுகிறார்.

வாழ்க்கையும் தொழிலும்

திருவிதாங்கூரின் கல்லுவத்துகள் அருகே இளங்குளம் என்ற கிராமத்தில் பிறந்தார். பின்னர், தனது பள்ளிக் கல்வியை திருவனந்தபுரத்திலும் கொல்லத்திலும் மேற்கொண்டார். சிதம்பரம், அண்ணாமலை பல்கலைக்கழகத்தில் சமசுகிருத மொழியில் கௌரவப் பட்டம் பெற்ற பிறகு, பள்ளி ஆசிரியராக தனது வாழ்க்கையைத் தொடங்கினார். பின்னர் திருவனந்தபுரம் அரசுக் கலைக் கல்லூரியில் மலையாளத்தில் விரிவுரையாளரானார். திருவனந்தபுரம் பல்கலைக்கழகக் கல்லூரியில் மலையாளத் துறையின் தலைவராக இருந்து ஓய்வு பெற்றார்.

தனது பெரும்பாலான ஆராய்ச்சி முடிவுகளை தனது பிற்காலங்களில் மட்டுமே வெளியிட்டார். மலையாளத்திலும், தமிழிலும் ஒரு புத்தகமும், ஆங்கிலத்தில் இரண்டு புத்தகங்களும் உட்பட 20க்கும் மேற்பட்ட புத்தகங்களை வெளியிட்டார். ஆரம்பகால கேரள வரலாறு குறித்த இவரது சில கோட்பாடுகள் புதிய ஆதாரங்களின் வெளிச்சத்தில் பிற்கால ஆராய்ச்சியாளர்களால் சவால் செய்யப்பட்டுள்ளன.

இறப்பு

பிள்ளை 4 மார்ச் 1973 இல் இறந்தார். கஞ்சிரக்கோடு வல்லியவீட்டில் பார்கவி அம்மா என்பவரை இவர் திருமணம் செய்து கொண்டார். தம்பதியருக்கு ஐந்து குழந்தைகள் இருந்தன.

தேர்ந்தெடுக்கப்பட்ட படைப்புகள்

மலையாளத்தில்

• Unnuneeli Sandesam
• Koka Sandesam
• Leelathlakam
• Chandrolsavam
• Unnuneeli Sandesam Charithradrishtiyilkoodi
• Nalachritham Attakkatha
• Gandhidevan
• Keralabhashayude Vikasaparinamangal
• Bhashayum Sahityavum Noottandukalil
• Sahityamalika
• 108 Shivalaya Sothram
• Sahityacharithrasamgraham
• Keralacharithrathile Iruldanja Edukal
• Annathe Keralam
• Chila Kerala Charithra Prasnangal (Part I, II, & III)
• Janmi samprdayam Keralathil
• Keralam Anchum Arum Noottandukalil
• Cherasamrajyam Ompathum Pathum Noottandukalil
• Samskarathinte Nazhikakkallukal

ஆங்கிலத்தில்

• Studies in Kerala History
• Some Problems in Kerala History

தமிழில்

• பண்டை கேரளம்