பக்லுல் கான் லௌதி
| பக்லுல் கான் லௌதி | |||||
|---|---|---|---|---|---|
| சுல்தான் | |||||
 பக்லுல் லௌதியின் நணயம் | |||||
| 29th Sultan of Delhi | |||||
| ஆட்சிக்காலம் | 19 ஏப்ரல் 1451 – 12 ஜூலை 1489 | ||||
| முடிசூட்டுதல் | 19 ஆப்ரல் 1451 | ||||
| முன்னையவர் | ஆலம் சா | ||||
| பின்னையவர் | சிக்கந்தர் லௌதி | ||||
| இறப்பு | 12 ஜூலை 1489 (வயது 68) | ||||
| புதைத்த இடம் | தில்லி | ||||
| துணைவர் | சம்சு கதூன் பீபி அம்பா | ||||
| குழந்தைகளின் பெயர்கள் | சிக்கந்தர் லௌதி பார்பக் ஷா தாஜ் நுராசா ஆலம் கான் | ||||
| |||||
| மரபு | லௌதி வம்சம் | ||||
| மதம் | சுன்னி இசுலாம் | ||||
பக்லுல் கான் லௌதி (Bahlul Khan Lodi) (ஜூலை 12, 1489) ஆப்கானிய லௌதி பழங்குடியினரின் தலைவராக இருந்தார். [1] முந்தைய [[சையிது வம்சத்தின் கடைசி ஆட்சியாளரான ஆலம் சாவின் பதவி விலகலைத் தொடர்ந்து தில்லி சுல்தானகத்திலிருந்து லௌதி வம்சத்தை நிறுவியவர். [2] [3] பக்லுல் 19 ஏப்ரல் 1451 அன்று வம்சத்தின் சுல்தானானார் [4] (855 இசுலாமிய நாட்காட்டி ஆண்டு ).
ஆரம்ப கால வாழ்க்கை
[தொகு]பக்லுலின் தாத்தா, மாலிக் பக்ராம் கான் லௌதி, லௌதி பழங்குடியினரின் கில்சாய் பழங்குடித் தலைவர். பின்னர் பக்லுல் முல்தான் ஆளுநர் மாலிக் மர்தான் தௌலத்தின் கீழ் பணியாற்றினார். பக்ராமுக்கு மொத்தம் ஐந்து மகன்கள் இருந்தனர். இவரது மூத்த மகன், மாலிக் சுல்தான் ஷா லௌதி, பின்னர் சையிது வம்சத்தின் ஆட்சியாளர் கிஜ்ர் கானின் கீழ் பணியாற்றினார் . மேலும், போரில் பின்னர் மோசமான எதிரியான மல்லு இக்பால் கானைக் கொன்றதன் மூலம் தன்னைத்தானே புகழ்ந்து கொண்டார். அவருக்கு 'இஸ்லாம் கான்' என்ற பட்டம் வழங்கப்பட்டது. 1419 இல் சிர்இந்த்-பதேகர் பகுதியின் ஆளுநராக நியமிக்கப்பட்டார். மாலிக் சுல்தானின் இளைய சகோதரரான மாலிக் கலா கான் லோடியின் மகன் பக்லுல் மாலிக் சுல்தானின் மகளை மணந்தார். [5] [6]
ஆட்சி
[தொகு]அரியணை ஏறிய பிறகு, பக்லுல் அமீத் கானை அப்புறப்படுத்த முடிவு செய்தார். அவரது உறவினரும் மைத்துனருமான மாலிக் மக்மூத் கான் என்ற குத்புத்தீன் கான் ( சமானாவின் ஆளுநர்) அமீத் கானை சிறையில் அடைத்தார். [6]
1479 இல், சுல்தான் பக்லுல் ஜான்பூரை தளமாகக் கொண்ட ஜான்பூர் சுல்தானகத்தை தோற்கடித்து தன்னுடன் இணைத்தார். ஜான்பூர் நகரத்தை பலப்படுத்தி, பல பள்ளிவாசல்கள் மற்றும் மதராசாக்கள் கொண்ட அரணாக மாற்றினார்.
பக்லுல் தனது பிராந்தியங்களில் எழுத கிளர்ச்சிகள் மற்றும் எழுச்சிகளைத் தடுக்க நிறைய போரில் ஈடுபட்டார். மேலும் குவாலியர், ஜான்பூர் மற்றும் மேல் உத்தரப் பிரதேசம் ஆகியவற்றில் தனது பகுதிகளை விரிவுபடுத்தினார். முந்தைய தில்லி சுல்தான்களைப் போலவே, தில்லியையும் தனது இராச்சியத்தின் தலைநகராக வைத்திருந்தார்.
1486 இல், இவர் தனது மகன் பாப்ரக் ஷாவை ஜான்பூரின் ஆளுநராக நியமித்தார். காலப்போக்கில், இவரது இரண்டாவது மகன் நிஜாம் கான் ( சிக்கந்தர் லௌதி ) வாரிசாக நியமிக்கப்பட்டதால், இது சிக்கலாக மாறியது. ஜூலை 1489 இல் இவர் இறந்தவுடன் மேலும் அதிகாரப் போட்டி ஏற்பட்டது.
இறப்பு
[தொகு]
இவரது கல்லறை உள்ள இடம் சர்ச்சைக்குரியது. இந்தியத் தொல்லியல் ஆய்வுத்துறை, புகழ்பெற்ற சூஃபி துறவியான நசிருதீன் சிராக்-இ-தில்லியின் சன்னதிக்கு அருகில் உள்ள ஒரு கட்டிடத்தை, 'சிராக் தில்லி' என்று அழைக்கும் இடத்தில், பக்லுல் லௌதியின் கல்லறையாக நீண்ட காலத்திற்குப் பிறகு நியமித்துள்ளது. [7] லௌதி தோட்டத்தில் உள்ள ஷீஷ் கும்பாட் உண்மையில் இவரது கல்லறையாக அடையாளம் காணப்பட வேண்டும் என்று மற்ற வரலாற்றாசிரியர்கள் வாதிடுகின்றனர். [8]
இதனையும் காண்க
[தொகு]சான்றுகள்
[தொகு]- ↑ Bosworth, Clifford Edmund (1996). The New Islamic Dynasties. Columbia University Press. p. 304. பன்னாட்டுத் தரப்புத்தக எண் 978-0231107143.
- ↑ Asher, Catherine B. (2006). India Before Europe. Cambridge University Press. p. 116. பன்னாட்டுத் தரப்புத்தக எண் 9780521005395.
- ↑ Sengupta, Sudeshna (2008). History & Civics 9. Ratna Sagar (P) Limited. p. 126. பன்னாட்டுத் தரப்புத்தக எண் 9788183323642.
- ↑ Sen, Sailendra (2013). A Textbook of Medieval Indian History. Primus Books. பன்னாட்டுத் தரப்புத்தக எண் 978-9-38060-734-4.
- ↑ Majumdar, R.C. (ed.) (2006). The Delhi Sultanate, Mumbai: Bharatiya Vidya Bhavan, pp.134–36, 139–142
- ↑ 6.0 6.1 Mahajan, V.D. (1991, reprint 2007). History of Medieval India, New Delhi: S. Chand, பன்னாட்டுத் தரப்புத்தக எண் 81-219-0364-5, pp.245–51
- ↑ Delhi's Valley of Kings The Tribune, 1 March 2004.
- ↑ Simon Digby (oriental scholar), The Tomb of Buhlul Lodi, The Bulletin of SOAS, Vol. 38, No. 3, 1975, pp. 550–61.
