சாந்தி பூசண்

சாந்தி பூசண்
நடுவண் ஆய அமைச்சர், இந்திய சட்டம் மற்றும் நீதி அமைச்சகம்
பதவியில் 1977-1979
தனிப்பட்ட விவரங்கள்
பிறப்பு	நவம்பர் 11, 1925 (1925-11-11)
தேசியம்	Indian
பிள்ளைகள்	பிரசாந்த் பூசண், ஜயந்த் பூசண்

சாந்தி பூசண் (Shanti Bhushan, பிறப்பு நவம்பர் 11, 1925) இந்தியாவின் மூத்த வழக்கறிஞரும் 1977-79 காலகட்டத்தில் மொரார்ஜியின் தலைமையில் அமைந்த நடுவண் அரசில் சட்டம் மற்றும் நீதித்துறை அமைச்சராகப் பணியாற்றியவரும் ஆவார். 2009ஆம் ஆண்டின் செல்வாக்குமிக்க இந்தியர்களில் 74வது இடத்தைப் பெற்றிருந்தார்.

ஏப்ரல் 2011இல் அண்ணா அசாரேயின் உண்ணாவிரதத்தை அடுத்து இந்திய அரசு ஜன் லோக்பால் மசோதாவை ஆராய அமைக்க ஒப்புக்கொண்ட கூட்டுக்குழுவிற்கு இணைத்தலைவராக இவரது பெயர் பரிந்துரைக்கப்பட்டுள்ளது.

செயல் முனைப்பு

சாந்தி பூசண் அவரது மகன் பிரசாந்த் பூசணுடன் இணைந்து இந்திய நீதித்துறை பொறுப்புடன் செயல்பட நீதித்துறை பொறுப்பேற்கவும் நீதித்துறை சீர்திருத்தங்களுக்குமான இயக்கத்தை (CJAR) உருவாக்கினார். இந்த இயக்கம் நீதியரசர் யோகேஷ் குமார் சபர்வால் தவறுகளை வெளிக்கொணர்ந்ததுடன் நீதிபதிகள் தங்கள் சொத்து மதிப்புகளை அறிவிக்க காரணமாக அமைந்தது.

இந்த இயக்கம் நீதியரசர் அசோக் குமார், மதன் மோகன் பஞ்சி, சௌமித்ர சென் ஆகியோரின் நடவடிக்கைகளையும் நியமனங்களையும் எதிர்த்தது.

தந்தை, மகன் இருவரும் "இந்திய உச்ச நீதிமன்ற தலைமை நீதிபதிகள் உட்பட உயர்நிலை நீதித்துறை அலுவலர்களிடையேயும் ஊழல் மலிந்துள்ளதாக" கூறியதற்காக தற்போது உச்ச நீதிமன்றத்தின் நீதிமன்ற அவமதிப்பு வழக்கை எதிர்நோக்கி யுள்ளனர்.

இவ்வழக்கின் நவம்பர் 2011 அமர்வொன்றில் சாந்தி பூசன் "தான் சிறை செல்ல வேண்டியிருந்தாலும் மன்னிப்பு கேட்கப்போவதில்லை " என்று கூறியதாகத் தெரிகிறது.

மேலும் பார்க்க

• ஜன் லோக்பால் மசோதா

வெளியிணைப்புகள்

• [1]
• [2]