லேபாக்ஷி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
லேபாக்ஷி
கிராமம்
நந்தி
நந்தி
நாடுஇந்தியா
மாநிலம்ஆந்திரப்பிரதேசம்
மாவட்டம்அனந்தபூர்
லேபாக்ஷி தொல்லியல் துறை அறிவிப்பு

லேபாக்ஷி (Lepakshi) என்பது இந்தியாவின் ஆந்திரப் பிரதேச மாநிலத்தில் அனந்தபூர் மாவட்டத்தில் உள்ள ஒரு கிராமம் ஆகும். இது ஹிந்துப்பூருக்கு கிழக்கே 15 கிலோமீட்டர் தொலைவிலும் பெங்களூருக்கு வடக்கே சுமார் 120 கிலோமீட்டர் தொலைவிலும் அமைந்துள்ளது. விசயநகர அரசர்கள் கி.பி.1400-1600 ஆண்டுகளில் ஹம்பியில் அரசாண்ட கொண்டிருந்தபோது இது ஒரு புண்ணியத்தலமாக இருந்தது.

பெயர் காரணம்[தொகு]

இந்து இதிகாசங்களில் ஒன்றான இராமாயணத்தில் இடம்பெறும் கழுகு வடிவிலான ஒரு பறவையான சடாயு இராமனின் மனைவியான சீதையை இராவணன் தூக்கிச் செல்லும்போது வழிமறித்ததாகவும், அப்போது இராவணன் சடாவுவின் இறக்கையைவெட்டி வீழ்த்தியதாகவும் இராமாயணக் கதையில் கூறப்படுகிறது. அப்போது அங்குவந்த ராமன் சடாயுவின் நிலைகண்டு எழுந்திருக்கும்படி பறவையிடம் சொன்னதாக வரலாறு கூறுகிறது. தெலுங்கில் ,,லே என்றால் எழுந்திரு என்றும், பட்சி என்றால் பறவை என்றும் பொருள் கொள்ளப்படுகிறது. இதன் காரணமாகவே இந்த ஊருக்கு லேபட்சி என்று பெயர் வந்ததாகக் கூறப்படுகிறது.

வீரபத்திரர் கோவில்[தொகு]

இதில் வீரபத்திரன் கோவில் உள்ளது. இந்தக் கோயிலினுள் சிவன், திருமால், வீரபத்திரர் ஆகியோருக்குச் சிறு கோயில்கள் உள்ளன. சிவனும் திருமாலும் எதிரெதிராக இருக்கின்றனர். இந்தக் கோயிலின் கலைநயம் மிகுந்த பகுதி நாட்டிய மண்டபமாகும். அதில் நட்டியக்காரர், மிருதங்கம் வாசிப்போர், இசைவாணர் ஆகியோருடைய உருவங்கள் செதுக்கிய 60 பெரிய தூண்களும் ஓவிய வேலைப்பாடு மிகுந்த விதானமும் காணப்படுகின்றன. கருப்பகிருகத்தின் சுவர்களிலும் கூரை உட்பறமும் அழகுமிக்க ஓவியங்கள் நிறைந்துள்ளன.

நந்தி[தொகு]

வீரபத்திரர் கோயிலிலிருந்து சிறிய தூரத்தில் கல்லால் செதுக்கப்பட்ட படுத்திருக்கும் நிலையில் நந்தி ஒன்றுள்ளது. இந்த நந்தி 15 அடி நீளம், 27 அடி உயரம் கொண்டு ஆந்திரத்தில் உள்ள நந்திகளில் மிகப்பெரியதாக உள்ளது.[1] இந்த நந்தி 16-ம் நூற்றாண்டில் செய்யப் பெற்றதாகும். அதை ‘பசவண்ணர்’ என்னும் நந்தி என்று வணங்கி வருகிறார்கள்.

மேற்கோள்கள்[தொகு]

  1. வி. மகேஸ்வரி (2018 சூன் 20). "நலம் தரும் நந்தி ஆலயங்கள்". கட்டுரை. தி இந்து தமிழ். பார்த்த நாள் 22 சூன் 2018.

வெளி இணைப்புகள்[தொகு]

"https://ta.wikipedia.org/w/index.php?title=லேபாக்ஷி&oldid=2724149" இருந்து மீள்விக்கப்பட்டது