லாலன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
மகாத்மா, பக்கிரி
லாலன்
சை, செயின், ஷா
Fakir Lalon Shah.jpg
தாய்மொழியில் பெயர்লালন
பிறப்பு1774 அக்டோபர் 17
ஜெனைதா, வங்காள மாகாணம், பிரித்தானிய இந்தியாவின் மாகாணங்களும், ஆட்சிப் பகுதிகளும் வங்காளதேசம்)
இறப்பு17 அக்டோபர் 1890(1890-10-17) (அகவை 117–118)
சேரியா, குஷ்டியா, வங்காள மாகாணம், பிரித்தானிய இந்தியாவின் மாகாணங்களும், ஆட்சிப் பகுதிகளும் வங்காளதேசம்)
கல்லறைசேரியா, குஷ்டியா, வங்காளதேசம்
23°53′44″N 89°09′07″E / 23.89556°N 89.15194°E / 23.89556; 89.15194
பட்டம்மகாத்மா, பக்கிரி, பால் சாம்ராட்
வாழ்க்கைத்
துணை
பிஷோகா

லாலன் (Lalon) (பிறப்பு: 1714 அக்டோபர் 17 - இறப்பு: 1890 அக்டோபர் 17) மேலும் பக்கீர் லாலன் ஷா, லாலன் ஷா, லாலன் பக்கீர் அல்லது மகாத்மா லாலன் என்றும் அழைக்கப்படும் இவர் ஒரு முக்கிய வங்காள தத்துவஞானியும், எழுத்தாளரும், பால் துறவியும், ஆன்மீகவாதியும், பாடலாசிரியரும், சமூக சீர்திருத்தவாதியும் மற்றும் பிரித்தானிய இந்தியாவில் சிந்தனையாளராகவும் இருந்தார். பெங்காலி கலாச்சாரத்தின் சின்னமாகக் கருதப்படும் இவர், பல கவிஞர்கள், இரவீந்திரநாத் தாகூர், காசி நஸ்ருல் இஸ்லாம், மற்றும் ஆலன் கின்ஸ்பெர்க் [1] உள்ளிட்ட பல கவிஞர்கள், சமூக மற்றும் மத சிந்தனையாளர்களை ஊக்கப்படுத்தினார். மற்றும் தாக்கத்தை ஏற்படுத்தினார். மேலும் இவர் சாதி மற்றும் மத வேறுபாடுகளை " நிராகரித்தார்.

மத சகிப்புத்தன்மையின் சுருக்கமாக பரவலாக கொண்டாடப்பட்ட இவர், தனது வாழ்நாளிலும், இறந்த பின்னரும் மதங்களுக்கு எதிரான கொள்கை கொண்டதாக குற்றம் சாட்டப்பட்டார். தனது பாடல்களில், அனைத்து மதங்களும் நம்பிக்கைகளும் இணக்கமாக இருக்கும் ஒரு சமூகத்தை லாலோன் கற்பனை செய்தார்.

குஷ்டியா இரயில் நிலையத்திலிருந்து சுமார் 2 கிலோமீட்டர் (1.2 மைல்) தொலைவில் உள்ள சேரியாவில் லாலன் அக்ரா என்று அழைக்கப்படும் நிறுவனத்தை லாலன் நிறுவினார். இவரது சீடர்கள் பெரும்பாலும் வங்காளதேசம் மற்றும் மேற்கு வங்காளத்தில் வசிக்கின்றனர். ஒவ்வொரு ஆண்டும் இவரது நினைவு தினத்தை ஒட்டி, இவரது ஆயிரக்கணக்கான சீடர்களும் பின்பற்றுபவர்களும் லாலன் அக்ராவில் ஒன்றுகூடிவார்கள். மேலும் மூன்று நாட்கள் இவரது பாடல்கள் மற்றும் தத்துவங்களின் கொண்டாட்டம் மற்றும் கலந்துரையாடல் மூலம் இவருக்கு மரியாதை செலுத்துவார்கள்.

2004ஆம் ஆண்டில், பிபிசியின் மிகப் பெரிய வங்காள வாக்கெடுப்பில் லாலன் 12 வது இடத்தைப் பிடித்தார். [2] [3]

சுயசரிதை[தொகு]

லாலனின் ஆரம்பகால வாழ்க்கையின் விவரங்களுக்கு நம்பகமான சில ஆதாரங்கள் உள்ளன, ஏனெனில் இவர் தனது கடந்த காலத்தை வெளிப்படுத்துவதில் தயக்கம் காட்டினார். [4] இவர் ஒரு இந்துவா அல்லது முஸ்லீம் குடும்பத்தில் பிறந்தாரா என்பது தெரியவில்லை. [5] லாலனுக்கு முறையான கல்வியும் இல்லை. [6]

லாலன், தனது சொந்த கிராமத்தைச் சேர்ந்த மற்றவர்களுடன் ஜெகந்நாத் கோயிலுக்கு யாத்திரை மேற்கொண்டபோது, இவர் பெரியம்மை நோயால் பாதிக்கப்பட்டு, இவரது தோழர்களால் காளிகங்கா ஆற்றின் கரையில் கைவிடப்பட்டார், [7] ஒரு முஸ்லீம் மக்கள்தொகை கொண்ட கிராமமான சௌரியாவில் உள்ள நெசவாளர் சமூகத்தைச் சேர்ந்த மாலம் ஷா மற்றும் அவரது மனைவி மதிஜன், இவரை மீட்டு தங்கள் வீட்டிற்கு அழைத்துச் சென்றனர். அவர்கள் ஒரு இசைக் குழுவை நிறுவிய இடத்தில் அவர்கள் லாலனுக்கு நிலம் கொடுத்தனர். லாலன் அந்த கிராமத்தின் இசைக்கலைஞரான ஷிராஜ் சைனால் ஈர்க்கப்பட்டு அவரது பாடல்களைத் தொகுத்து நிகழ்த்தினர். பெரியம்மை நோயில் லாலன் தனது ஒரு கண்ணின் பார்வையை இழந்தார். இவரை சமகால சமூக சீர்திருத்தவாதிகளில் ஒருவரான கங்கல் ஹரிநாத்தின் நெருங்கிய நண்பராகவும், லாலனின் சீடராகவும் இருந்தவர் என்று ஆராய்ச்சியாளர்கள் குறிப்பிடுகின்றனர். [8]

லாலோன் குஷ்டியாவில் உள்ள தாகூரின் ஜமீன்தாரிக்குள் வசித்து வந்தார். மேலும் தாகூர் குடும்பத்தினரை சந்தித்திருந்தார். அப்பகுதியின் ஜமீன்தார் ஜோதிரிந்திரநாத் தாகூர் 1889ஆம் ஆண்டில் லாலனின் ஒரே உருவப்படத்தை பத்மா நதியில் தனது வீட்டுப் படகில் வைத்து வரைந்தார் என்று கூறப்படுகிறது. [9] லாலன் 1890 அக்டோபர் 17 அன்று தனது 118 வயதில் சியூரியாவில் இறந்தார். இவரது மரணச் செய்தி முதன்முதலில் கங்கல் ஹரிநாத் நடத்தும் கிராம் பார்தா புரோகாஷிகா என்றச் செய்தித்தாளில் வெளியிடப்பட்டது. லாலன் தனது அக்ரா என்று அழைக்கப்படும் வசிப்பிடத்தின் நடுவில் அடக்கம் செய்யப்பட்டார்.

காட்சிகள்[தொகு]

குறிப்புகள்[தொகு]

  1. Ginsberg, Allen; Foley, Jack (Winter–Spring 1998). "Same Multiple Identity: An Interview with Allen Ginsberg". Discourse 20 (1/2, The Silent Beat): 158–181. பன்னாட்டுத் தர தொடர் எண்:1522-5321. 
  2. "The Daily Star Web Edition Vol. 4 Num 313".
  3. "The Hindu : International : Mujib, Tagore, Bose among 'greatest Bengalis of all time'".
  4. Caudhurī, Ābadula Āhasāna (1992). Lālana Śāha, 1774 - 1890 (1. punarmudraṇa. ). Ḍhākā: Bāṃlā Ekāḍemī. பன்னாட்டுத் தரப்புத்தக எண்:978-9840725977. இணையக் கணினி நூலக மையம்:246442470. 
  5. Seabrook, Jeremy (2001). Freedom unfinished : fundamentalism and popular resistance in Bangladesh today. London: Zed Books. பன்னாட்டுத் தரப்புத்தக எண்:978-1856499088. 
  6. Tamanna Khan (29 October 2010). "Lalon Purity vs Popularity". 
  7. Capwell, Charles (May 1988). "The popular expression of religious syncretism: the Bauls of Bengal as Apostles of Brotherhood". Popular Music 7 (2): 123. doi:10.1017/S0261143000002701. 
  8. Lorea, Carola Erika (2013). "'Playing the Football of Love on the Field of the Body': The Contemporary Repertoire of Baul Songs". Religion and the Arts 17 (4): 416–451. doi:10.1163/15685292-12341286. பன்னாட்டுத் தர தொடர் எண்:1568-5292. 
  9. "Interview: Bengali Film Actor Priyangshu Chatterjee".

மேலும் படிக்க[தொகு]

  • Salomon, Carol (2017) City of Mirrors: Songs of Lālan Sā̃i. Edited by Keith Cantú and Saymon Zakaria. Oxford University Press, South Asia Research Series, New York.
  • Muhammad Enamul Haq (1975), A History of Sufism in Bangla, Asiatic Society, Dhaka.
  • Qureshi, Mahmud Shah (1977), Poems Mystiques Bengalis. Chants Bauls Unesco. Paris.
  • Siddiqi, Ashraf (1977), Our Folklore Our Heritage, Dhaka.
  • Karim, Anwarul (1980), The Bauls of Bangladesh. Lalon Academy, Kushtia.
  • Capwell, Charles (1986), The Music of the Bauls of Bengal. Kent State University Press, USA 1986.
  • Bandyopadhyay, Pranab (1989), Bauls of Bengal. Firma KLM Pvt, Ltd., calcutta.
  • Mcdaniel, June (1989), The Madness of the Saints. Chicago.
  • Sarkar, R. M. (1990), Bauls of Bengal. New Delhi.
  • Brahma, Tripti (1990), Lalon : His Melodies. Calcutta.
  • Gupta, Samir Das (2000), Songs of Lalon. Sahitya Prakash, Dhaka.
  • Karim, Anwarul (2001), Rabindranath O Banglar Baul (in Bengali), Dhaka.
  • Choudhury, Abul Ahsan (editor) (2008), Lalon Samagra, Pathak Samabesh.

வெளி இணைப்புகள்[தொகு]

Commons-logo-2.svg
விக்கிமீடியா பொதுவகத்தில்,
Lalon
என்பதின் ஊடகங்கள் உள்ளன.
"https://ta.wikipedia.org/w/index.php?title=லாலன்&oldid=2940718" இருந்து மீள்விக்கப்பட்டது