ராஷ்மி சின்ஹா
.jpg) லிங்க்ட் இன் இல் ராஷ்மி சின்ஹா (2012) | |
| தேசியம் | இந்தியா |
| படித்த கல்வி நிறுவனங்கள் | அலகாபாத் பல்கலைக்கழகம் |
| பணி | தொழிலதிபர், முதன்மை செயல் அலுவலர் |
| பணியகம் | ஸ்லைட் ஷேர் |
| வாழ்க்கைத் துணை | ஜொனாதன் பௌடெல் |
| விருதுகள் | சக்தி வாய்ந்த இந்திய பெண் தொழிலதிபர் - 2012 (Fortune) |
| வலைத்தளம் | |
| SlideShare | |
ராஷ்மி சின்ஹா (Rashmi Sinha) ஒரு இந்திய தொழிலதிபர் மற்றும் சான் பிரான்சிஸ்கோவை தளமாகக் கொண்ட தொழில்நுட்ப நிறுவனமான ஸ்லைட் ஷேர் இன் முதன்மை செயல் அலுவலர் ஆவார்.2012 இல், ஃபார்ச்சூன் பத்திரிகையில், சக்திவாய்ந்த பெண் தொழில்முனைவோர் பட்டியலில் இவரது பெயர் 8வது இடத்தைப் பிடித்தது. 2008 ஆம் ஆண்டில், ஃபாஸ்ட் நிறுவனத்தால் வெப் 2.0 இல் உலகின் செல்வாக்கு செலுத்துபவர்களில் முதல் 10 பெண்களில் ஒருவராக ராஷ்மி பெயரிடப்பட்டார். [1] ஜனவரி 2015 இல், தி எகனாமிக் டைம்ஸ் இவரை, "மிகவும் செல்வாக்கு மிக்க" உலகளாவிய 20 இந்தியப் பெண்களில் ஒருவராக பட்டியலிட்டது. [2]
ஆரம்ப வாழ்க்கை மற்றும் கல்வி[தொகு]
ராஷ்மி சின்ஹா, இந்தியாவின் லக்னோவில் பிறந்து, இந்தியாவில் வளர்ந்து, பிரவுன் பல்கலைக்கழகத்தில் அறிவாற்றல் நரம்பியல் உளவியலில் முனைவர் பட்டம் பெற்றார். அங்கு, ராஷ்மி ஆண்டி வான் டாமுடன் கணினி அறிவியல் பாடங்களை எடுத்தார், அதனால் இவர் மனித-கணினி தொடர்பு சிந்தனை வழியில் சில வெளிப்பாடுகளைக் கொண்டிருந்தார். கல்வி மென்பொருளை வடிவமைப்பதில் படிப்பை எடுத்தார். ராஷ்மி சின்ஹா , பெர்க்லியில் உள்ள கலிபோர்னியா பல்கலைக்கழகத்திற்கு போஸ்ட்டாக்கிற்காகச் சென்றார், அங்கு இவர் தனது கவனத்தை மனித-கணினி தொடர்புக்கு மாற்றினார்.
அலகாபாத் பல்கலைக் கழகத்தில் உளவியலில் இளங்கலை மற்றும் முதுகலை பட்டமும் பெற்றார். [3]
வணிக வாழ்க்கை[தொகு]
பின்னர், இவர் தனது சொந்த பயனர் அனுபவ ஆலோசனையைத் தொடங்க கலிபோர்னியா பல்கலைக்கழகத்தில் கல்வியை விட்டு வெளியேறினார். இவர் நடைமுறை சிக்கல்களை அதிகம் விரும்புவதாக முடிவுசெய்து, இவர் உசாண்டோ என்ற பயனர் அனுபவ ஆலோசனை நிறுவனத்தை இணைந்து நிறுவினார் மற்றும் இ பே (eBay), ப்ளு ஷீல்ட், (Blue Shield), ஏஏஏ (AAA) போன்ற நிறுவனங்களுக்கான திட்டங்களில் பணியாற்றினார். நவம்பர் 2005 இல் வெளியிடப்பட்ட மைண்ட் கேன்வாஸ் (வாடிக்கையாளர் ஆராய்ச்சிக்கான விளையாட்டு போன்ற மென்பொருள்) மூலம் தயாரிப்புகளில் இவரது முதல் முயற்சி உள்ளது.
ஒரே நேரத்தில், ராஷ்மியும் இவரது கணவரும், இவரது மூத்த சகோதரர் அமித் ரஞ்சனின் உதவியுடன், வெறும் ஆறு மாதங்களில், ஆன்லைனில் விளக்கக்காட்சிகளைப் பகிரும் தளமான ஸ்லைட் ஷேர் ஐ உருவாக்கினர். 2006 இல் தொடங்கப்பட்டதிலிருந்து, 9 மில்லியனுக்கும் அதிகமான விளக்கக்காட்சிகள் இதில் பதிவேற்றப்பட்டுள்ளன, இது நிபுணர்கள் உள்ளடக்கம் மூலம் இணைக்க உதவுகிறது. லிங்க்ட்இன் 2012 இல் $100 மில்லியனுக்கும் மேலாக ஸ்லைட் ஷேர் ஐ வாங்கியது குறிப்பிடத்தக்கது.
தனிப்பட்ட வாழ்க்கை[தொகு]
சின்ஹா ஸ்லைடுஷேரின் இணை நிறுவனர் மற்றும் தலைமை தொழில்நுட்ப அதிகாரியான ஜொனாதன் பௌடெல்லை மணந்தார். [4] [5] இவர்கள் சான் பிரான்சிஸ்கோவில் வசிக்கின்றனர். [6]
2008 ஆம் ஆண்டில், ஃபாஸ்ட் நிறுவனத்தால் வெப் 2.0 இல் உலகின் செல்வாக்கு மிக்க முதல் 10 பெண்களில் ஒருவராக ராஷ்மி பெயரிடப்பட்டார்.
மேலாண்மை தத்துவம்[தொகு]
ராஷ்மி தனது வலைப்பதிவில் (ராஷ்மிசின்ஹா.காம்) சமூக மென்பொருள் மற்றும் தொழில்முனைவு பற்றி எழுதுகிறார்; இவர் மனித-கணினி தொடர்பு சிந்தனை சமூகத்தில் ஈடுபட்டுள்ளார். தகவல் கட்டிடக்கலை சங்கத்தின் நிறுவன உறுப்பினர்களில் ஒருவராக இருந்தார், மேலும் மாதாந்திர 'பே ச்சி' (BayCHI) பேச்சுத் தொடரின் இணைத் தலைவராகவும் உள்ளார். [7]
சான்றுகள்[தொகு]
- ↑ "SlideShare - Founders". Archived from the original on 11 July 2014. பார்க்கப்பட்ட நாள் 12 June 2014.
- ↑ "Global Indian Women: Top 20 India-born & globally successful women from business and arts". தி எகனாமிக் டைம்ஸ். 5 January 2015. பார்க்கப்பட்ட நாள் 30 November 2017.
- ↑ "StackPath". asiainc500.com. பார்க்கப்பட்ட நாள் 2021-01-22.
- ↑ "LinkedIn Buys SlideShare For $119M While Beating Earnings Expectations" இம் மூலத்தில் இருந்து 15 மே 2012 அன்று. பரணிடப்பட்டது.. https://web.archive.org/web/20120515142709/http://www.mobile-apps-news.com/linkedin-buys-slideshare-for-119m-while-beating-earnings-expectations.
- ↑ "Female Founders To Watch: Literally Married To Your Co-Founder" இம் மூலத்தில் இருந்து 24 மே 2012 அன்று. பரணிடப்பட்டது.. https://web.archive.org/web/20120524062722/http://www.women2.com/female-founders-to-watch-literally-married-to-your-co-founder/.
- ↑ Sinha, Rashmi. "About". Archived from the original on 19 மே 2016. பார்க்கப்பட்ட நாள் 28 May 2012.
- ↑ "About". Rashmisinha.com. 30 November 2008. Archived from the original on 19 மே 2016. பார்க்கப்பட்ட நாள் 10 June 2016."About" பரணிடப்பட்டது 2016-05-19 at the வந்தவழி இயந்திரம். Rashmisinha.com. 30 November 2008. Retrieved 10 June 2016.
வெளி இணைப்புகள்[தொகு]
- SlideShare
- Rashmi's Blog பரணிடப்பட்டது 2022-11-05 at the வந்தவழி இயந்திரம்
- Rashmi's Interview
- Rashmi Sinha பரணிடப்பட்டது 2018-10-19 at the வந்தவழி இயந்திரம்