யானை பயிற்சி மையம், கோன்னி
| யானை பயிற்சி மையம், கோன்னி | |
|---|---|
 கொன்னி யானை பயிற்சி மையத்தின் வரவேற்பு பலகை | |
 | |
| பொதுவான தகவல்கள் | |
| இடம் | பத்தனம்திட்டா |
| நகரம் | கோன்னி |
| நாடு | இந்தியா |
| ஆள்கூற்று | 9°14′28″N 76°52′42″E / 9.2410383°N 76.8783975°E |
| தொழில்நுட்ப விபரங்கள் | |
| மூலப்பொருள் | புங்கை மரம் |
யானை பயிற்சி மையம் (Elephant Training Center) கோன்னி ஆனக்கூடு என்றும் அழைக்கப்படும் இது கேரளாவின் கோன்னியில் அமைந்துள்ள யானைகளுக்கு நன்கு அறியப்பட்ட பயிற்சி மையமாகும். இது பத்தனம்திட்டா நகரத்திலிருந்து 11 கி.மீ தூரத்தில் உள்ளது.
ஆனக்கூடு (கூண்டு)[தொகு]
யானைகளை வளர்ப்பதற்காக கட்டப்பட்ட மரத்தின் பெரிய கூண்டுகள் இங்குள்ள பிரதான ஈர்ப்பாகும். இந்த கூண்டுகள் உள்நாட்டில் ஆனக்கூடு என்று அழைக்கப்படுகின்றன. மேலும் இதில் ஒரே நேரத்தில் 3 முதல் 4 யானைகளுக்கு இடமளிக்க முடியும். [1]
பயிற்சி செயல்முறை[தொகு]
இங்குள்ள பயிற்சியாளர்களால் குழந்தை யானைகள் அல்லது காயமடைந்து காட்டில் சுற்றித் திரியும் யானைகளை அதன் மந்தைகளிலிருந்து பிரிக்கப்படுகிறது. அனுபவம் வாய்ந்த பயிற்சியாளர்கள், தங்கள் முறையான பயிற்சி முறைகளைப் பயன்படுத்தி, குழந்தை யானைகளை அடக்குகிறார்கள். [2]
பார்வையாளர் அணுகல்[தொகு]
பார்வையாளர்கள் இந்த யானைகளை அருகில் சென்று பார்க்கலாம். அவைகளின் நடத்தை பற்றி நிறைய அவதானிக்கவும், புரிந்து கொள்ளவும் முடியும். குறிப்பாக குழந்தை யானைகளின் நடத்தை. அவை பெரும்பாலும் குறும்புத்தனமானவை. [3]
பழைய பயிற்சி[தொகு]
கோன்னி பண்டைய காலங்களிலிருந்து யானை பயிற்சி மையத்திற்கு பிரபலமானது. யானைகள் மேற்குத் தொடர்ச்சி மலைத்தொடரின் அடர்ந்த காடுகளிலிருந்து பிடிக்கப்பட்டு கோன்னியில் உள்ள யானைப் பயிற்சி கூண்டுக்கு கொண்டு வரப்பட்டன. இந்த காட்டு யானைகள் சிறப்பு வாய்ந்த பாகன்களால் (மாவுத்தர்கள்) அடக்கப்பட்டு பயிற்சியளிக்கப்படுகின்றன. இந்த பயிற்சியாளர்கள் மற்ற யானைகளின் உதவியையும் எடுத்துக்கொள்கிறார்கள்.
முக்கிய யானைகள்[தொகு]
வனப்பகுதிகளின் பயிற்சியாளர்களுக்கு உதவி வழங்குவதில் பிரபலமான யானைகள்;
- கோன்னியில் கொச்சாயப்பன்
- இரஞ்சி பத்மநாபன்
- பாலகிருஷ்ணன்
- சோமன்
- வேணு
- இரமேசன்
- மணி
கோன்னியில் யானைகள்[தொகு]
கோன்னி யானை பயிற்சி மையத்தில் தற்போது ஐந்து யானைகள் உள்ளது. கிருஷ்ணா 6 வயது மட்டுமே நிரம்பிய உள்ள இளைய யானையாகும்.
- பிரியதர்சினி
- மீனா
- சுரேந்திரன் (தற்போது தமிழ்நாட்டில் கும்கி யானை பயிற்சிக்காக .)
- ஈவா
- கிருஷ்ணா. [4]
ஆரம்பகால வரலாறு[தொகு]
கொன்னியில் யானைகள் கைப்பற்றப்படுவதுபொ.ஊ. 1810 வரை காணப்படுகிறது. முண்டம் மூழி, மன்னரப்பறா மற்றும் துரா ஆகியவை யானைகளை கைப்பற்றும் முக்கிய இடங்களாகும். இப்போது இருக்கும் யானை பயிற்சி கூண்டு 1942 இல் கட்டப்பட்டது. இதற்கு மலையாளத்தில் "கம்பகம்" என அழைக்கப்படும் புங்கை மரம் பயன்படுத்தப்படுகிறது. தற்போதைய பயிற்சி கூண்டுக்கு 6 யானைகளுக்கு பயிற்சி அளிக்கும் திறன் உள்ளது. பயிற்சி கூண்டின் பரிமாணங்கள் 12.65 × 8.60 × 7 மீட்டர் ஆகும். யானை பயிற்சி கூண்டு மற்றும் அதன் வளாகத்தில் 9 ஏக்கர் (36,000 மீ 2) நிலம் உள்ளது. யானை பிடிப்பதை 1977 ஆம் ஆண்டில் அரசாங்கம் அதிகாரப்பூர்வமாக நிறுத்தியது: சுற்றறிக்கை வருவதற்கு பல ஆண்டுகளுக்கு முன்பே அது நிறுத்தப்பட்டது.
சுற்றுலா[தொகு]
தற்போது யானை பயிற்சி கூண்டு ஒரு முக்கிய சுற்றுலா தலமாக உள்ளது.
இது ஒரு வரலாற்று அருங்காட்சியகத்தையும் கொண்டுள்ளது. யானை பயிற்சி மையம் யானை நல மையமாக செயல்படுகிறது. மந்தைகளிலிருந்து பிரிக்கப்பட்ட மற்றும் காட்டில் தொலைந்து காணப்பட்ட யானைக் கன்றுகள் இங்கு கொண்டு வரப்பட்டு மருத்துவ வசதிகளும் முறையான பராமரிப்பும் வழங்கப்படுகின்றன. மருத்துவ தாவரங்களும் இங்கு வளர்க்கப்படுகின்றன. மேலும் மருத்துவ மற்றும் வன அடிப்படையிலான இயற்கை பொருட்களை வாங்க ஒரு சுற்றுச்சூழல் கடையும் உள்ளது.
ஆவணப்படுத்தல்[தொகு]
கோன்னி யானை பயிற்சி மையம் மற்றும் பயிற்சி கூண்டு பற்றிய விவரங்கள் சிறீகொட்டாரத்தில் சங்குண்னியின் புகழ்பெற்ற அத்திகயமாலா என்ற கட்டுரைகளில் குறிப்பிடப்பட்டுள்ளன. கேரள வரலாற்றின் அரிய கட்டுரைகளின் தொகுப்பாக "அத்திகயமாலா" குறிப்பிடப்படுகிறது.
போர்ச்சுகலுக்கு பரிசு[தொகு]
இந்திய குடியரசுடன் நட்பு மற்றும் ஒத்துழைப்பின் அடையாளமாக சாமுக்தா என்ற யானை போர்ச்சுகல் குடியரசிற்கு பரிசளித்த பெருமை கோன்னி யானை பயிற்சி மையத்திற்கு உள்ளது.
அணுகல்[தொகு]
கொன்னி பிரதான கிழக்கு நெடுஞ்சாலையில் (புனலூர்-பத்தனம்திட்டா-முவாற்றுப்புழா நெடுஞ்சாலை / எஸ்.எச் -08) உள்ளது, மேலும் பத்தனம்திட்டா வழியாக கேரளாவின் முக்கிய நகரங்கள் மற்றும் நகரங்களுடன் நன்கு இணைக்கப்பட்டுள்ளது.
இரயில் நிலையம்[தொகு]
அருகிலுள்ள ரயில் நிலையம் புனலூர், 25 கி.மீ மற்றும் செங்கனூர் திருவல்லா 41 கி.மீ., கோட்டயம் 60 கி.மீ ஆகும்.
விமான நிலையம்[தொகு]
பத்தனம்திட்டாவிலிருந்து 99 கி.மீ தொலைவில் உள்ள திருவனந்தபுரம் சர்வதேச விமான நிலையம் கோன்னிக்கு அருகில் உள்ளது. கொச்சினிலிருந்து 124 கி.மீ தூரத்தில் கொச்சின் சர்வதேச விமான நிலையம் உள்ளது.
படத் தொகுப்பு[தொகு]
-
யானை சோமன் -
ஒரு இளம் கன்று -
வளாகத்தின் பார்வை
குறிப்புகள்[தொகு]
- ↑ "Konni -The passing out parade at this training centre is a BIG affair, Pathanamthitta | Kerala Tourism". keralatourism.org. பார்க்கப்பட்ட நாள் 2016-07-31.
- ↑ "Konni Elephant Training Centre - Top Tips Before You Go - TripAdvisor". tripadvisor.in. பார்க்கப்பட்ட நாள் 2016-07-31.
- ↑ "Konni Eco-Tourism". 117.239.77.10. Archived from the original on 19 September 2016. பார்க்கப்பட்ட நாள் 2016-07-31.
- ↑ "Konni tourist attractions,tourist destinations nearby Konni - Kerala Travels - Kerala Destinations". keralatravels.com. பார்க்கப்பட்ட நாள் 2016-07-31.