மரியம் உசு-சமானி
| மரியம் உஸ்-ஸமானி ஷாஹி பேகம் Mariam Zamani Shahi Begum | |||||
|---|---|---|---|---|---|
| முகலாயப் பேரரசின் ஷா பேரரசி, முகலாயப் பேரரசு பேரரசி அன்னை, முகலாயப் பேரரசு | |||||
 முகலாய ராணி மரியம் உஸ்-ஸமானியின் உருவப்படம் | |||||
| பேரரசி அன்னை, முகலாயப் பேரரசு | |||||
| ஆட்சிக்காலம் | 3 நவம்பர் 1605 – 19 மே 1623 | ||||
| முன்னையவர் | அமீதா பானு பேகம் | ||||
| பின்னையவர் | குத்ஸியா பேகம் | ||||
| பாத்ஷா பேகம் | |||||
| ஆட்சிக்காலம் | 31 ஆகஸ்ட் 1569 – 27 அக்டோபர் 1605 | ||||
| முன்னையவர் | அமீதா பானு பேகம் | ||||
| பின்னையவர் | ஸாலிஹா பானு பேகம் | ||||
| பிறப்பு | அக்டோபர் 1, 1543 கண்ணாடி அரண்மனை, ஆம்பர் கோட்டை, ராஜபுத்தானா | ||||
| இறப்பு | மே 19, 1623 (அகவை 79) ஜோதா பாய் மஹால், ஃபதேபூர் சிக்ரி, ஆக்ரா | ||||
| புதைத்த இடம் | |||||
| துணைவர் | அக்பரைத் | ||||
| குழந்தைகளின் பெயர்கள் | ஃபாத்திமா பானு பேகம் (1563–?) ஹசன் மிர்சா (1564–1564) ஹுசைன் மிர்சா (1564–1564) அப்பாஸ் மிர்சா (1567–1574) ஜஹாங்கீர் ஷா (1569–1628) தானியல் மிர்சா (1572–1605) ஃபிரோசா கானம் (1575–1643) | ||||
| |||||
| மரபு | திமுரித் (திருமணம் மூலம்) | ||||
| தந்தை | ராஜா பார்மல் | ||||
| தாய் | ராணி சம்பாவதி | ||||
| மதம் | சியா இசுலாம் | ||||
மரியம் உசு-சமானி பேகம் சாகிபா அல்லது இராசகுமாரி ஈரா குன்வாரி அல்லது உருக்மாவதி சாகிபா அல்லது அர்கா பாய் (मारियम उज़-ज़मानी बेगम साहिबा அல்லது राजकुमारी हिरा कुंवरी அல்லது रुक्मावती साहिबा அல்லது हर्खाबाई, பாரசீகம்: مریم الزمانی بیگم صاحبہ پادشاه محل) என்பவர் முகலாயப் பேரரசரான அக்பரைத் திருமணம் செய்த பின்பு, முகலாயப் பேரரசி ஆன இராசபுத்திர இளவரசி ஆவார். மரியம் உசு-சமானி ஆம்பெரின் அரசரான பிஹரி மாலின் மூத்த மகளான ஹர்கா பாய் என்ற எயரில் பிறந்தார்.[1] இவர் பேரரசர் சகாங்கீரின் தாயும் ஆவார்.[2]1569 ஆம் ஆண்டு, ஜஹாங்கீர் பிறந்த பிறகு, அவர் பேரரசரின் உயரிய மனைவியான “பாத்ஷா பேகம்” என்ற பதவிக்கு நியமிக்கப்பட்டார். அக்பர் இறக்கும் வரை அவர் இந்தப் பட்டத்தைத் தக்க வைத்திருந்தார்.
முகலாய வரலாற்றில் இவர் பெயர் மரியம் உசு-சமானி என்றே பதிவாகியுள்ளது. இதனாலேயே இலாகூரின் அரணமைக்கப்பட்ட நகரத்தில் (இப்போது பாக்கித்தானில் அமைந்துள்ளது.) மரியம் சமானி பேகத்தின் பெயரால் பள்ளிவாசல் ஒன்று கட்டப்பட்டுள்ளது.[3] இந்தப் பள்ளிவாசல் மரியம் உசு-சமானியின் மகனான சகாங்கீரால் கட்டப்பட்டது.
வாழ்க்கை
[தொகு]இராசகுமாரி ஈரா குன்வாரி பேரரசர் அக்பரை பெப்ரவரி 6, 1562 இல் இந்தியாவில் இராச்சசுத்தானிலுள்ள சம்பார் எனும் இடத்தில் திருமணம் செய்தார். இவர் பேரரசர் அக்பரின் மூன்றாவது மனைவியும் ஆவார். பேரரசர் அக்பரின் முதலாவது மனைவி உருக்காயா பேகம் , இரண்டாவது மனைவி சலீமா சுல்தான். திருமணத்தின் பின்பு, இராசகுமாரி ஈரா குன்வாரிக்கு மரியம் உசு-சமானி என்ற பெயர் வழங்கப்பட்டது.[4]
இவர் 1622 ஆம் ஆண்டு இறந்தார்.
சோதா பாய்
[தொகு]பேரரசர் அக்பரின் மனைவி, சகாங்கீரின் தாய் சோதா பாய் என்று அறியப்பட்டதாகவும் ஒரு பார்வை உண்டு. சகாங்கீரின் வாழ்க்கை வரலாற்றைக் கூறும் துற்கு-இ-சகாங்கிரி என்ற நூலில் சோதா பாய் என்று யாருமே குறிப்பிடப்படவில்லை. அக்பர்நாமாவிலோ முகலாயர் கால வரலாற்றாதாரங்களிலோ மரியம் உசு-சமானிக்குச் 'சோதா பாய்' என்ற பெயர் பயன்படுத்தப்பட்டதாகத் தகவலில்லை.
சிரின் மூசுவியின் கருத்துப்படி, 18 ஆம், 19 ஆம் நூற்றாண்டுகளிலேயே வரலாற்று இலக்கியங்களில் பேரரசர் அக்பரின் மனைவியைக் குறிக்கச் 'சோதா பாய்' என்ற பெயர் பயன்படுத்தப்பட்டுள்ளது.[5] இம்தியாசு அகமதின் கருத்துப்படி, பேரரசர் அக்பரின் மனைவிக்குச் 'சோதா அக்பர்' எனும் பெயர் முதன்முறையாக அன்னல்சு அண்டு ஆண்டிக்குட்டீசு ஆப் இராச்சசுத்தான் என்ற நூலில் பயன்படுத்தப்பட்டுள்ளது.
திரைப்படத்தில்
[தொகு]- சோதா அக்பர் எனும் திரைப்படத்தில் சோதா பாய் பேரரசர் அக்பரின் மனைவியாகக் குறிப்பிடப்பட்டுள்ளார். இத்திரைப்படத்தில் சோதா பாயாக ஐசுவர்யா இராய் நடித்திருந்தார்.[6]
இவற்றையும் பார்க்க
[தொகு]மேற்கோள்கள்
[தொகு]- ↑ ["'பரிமாற்றம், ஆக்கிரமிப்பு இந்தியாவுக்கு இசுலாத்தைக் கொண்டு வரவில்லை (ஆங்கில மொழியில்)'". Archived from the original on 2012-10-19. Retrieved 2012-07-21. 'பரிமாற்றம், ஆக்கிரமிப்பு இந்தியாவுக்கு இசுலாத்தைக் கொண்டு வரவில்லை (ஆங்கில மொழியில்)']
- ↑ "ஆக்ரா பற்றி (ஆங்கில மொழியில்)". Archived from the original on 2012-05-26. Retrieved 2012-07-21.
- ↑ மரியம் சமானிப் பள்ளிவாசல் (1614இல் கட்டப்பட்டது) (ஆங்கில மொழியில்)
- ↑ சோதாபாய் உண்மையாகவே இருந்தாரா (ஆங்கில மொழியில்)?
- ↑ ["அக்பர்-சோதாபாய் பற்றிய மீள்பார்வையில் உண்மைச் செய்தி, புனைவுக் கலப்பு (ஆங்கில மொழியில்)". Archived from the original on 2012-12-08. Retrieved 2012-07-21. அக்பர்-சோதாபாய் பற்றிய மீள்பார்வையில் உண்மைச் செய்தி, புனைவுக் கலப்பு (ஆங்கில மொழியில்)]
- ↑ ஐஸ்வர்யா ராய் ஹிருத்திக்ரோஷன் நடித்த 'ஜோதா அக்பர்' வசூலில் புதிய சாதனை!