மரத் தக்காளி
| மரத் தக்காளி | |
|---|---|
| |
| உயிரியல் வகைப்பாடு | |
| திணை: | தாவரம் |
| தரப்படுத்தப்படாத: | பூக்கும் தாவரம் |
| தரப்படுத்தப்படாத: | இருவித்திலைத் தாவரம் |
| தரப்படுத்தப்படாத: | Asterids |
| வரிசை: | Solanales |
| குடும்பம்: | உருளைக் கிழங்கு |
| பேரினம்: | Solanum |
| இனம்: | S. betaceum |
| இருசொற் பெயரீடு | |
| Solanum betaceum Antonio José Cavanilles | |
| வேறு பெயர்கள் [1] | |
| |
.jpg)
மரத்தக்காளி அல்லது குறுந்தக்காளி (Tamarillo) என்பது உருளைக் கிழங்கு குடும்பத்தைச் சேர்ந்த சிறிய பூக்கும் தாவரம் ஆகும். இது முட்டை வடிவ உண்ணத்தகு பழங்களை விளைவிக்கிறது.[2] மரத்தக்காளியானது ஒரு சிறு மரப்பயிர் ஆகும்.
பரவல்[தொகு]
இது பெரு நாட்டின் மலைக் கிராமங்களில் இருந்து தோன்றியது. பின்னர் அங்கிருந்து நியூசிலாந்து, பிரேசில், இந்தியா, இலங்கை நாடுகளுக்குப் பரவி பயிரிடப்படுகிறது. இதை தக்காளிக்கு மாற்றாக பயன்படுத்தலாம் என்றாலும் இது மலைப்பிரதேசங்களில் மட்டுமே வளரக்கூடியது என்பதால், சமவெளிப் பகுதிகளில் பயிரிட முடியாதது. இவை தொடர்ந்து 5, 6 ஆண்டுகள் மகசூல் தரக்கூடியன. இப்பயிர் கடல் மட்டத்தில் இருந்து 1,000 முதல் 7,500 அடி உயரமான இடங்களில் வளர்கிறது. இந்தியாவில் மேற்கு வங்கம், மகாராஷ்டிரா, அசாம், நாகாலாந்து, இமாசலப்பிரதேச மாநிலங்களில் பயிரிடப்படுகின்றது. தமிழ்நாட்டில் சிறுமலை, கொடைக்கானல், ஊட்டி, தாண்டிக்குடி, கொல்லிமலை உள்ளிட்ட மலைப்பிரதேசங்களில் விவசாயிகள் மரத்தக்காளியை சாகுபடி செய்யத் தொடங்கியுள்ளனர்.
பழம்[தொகு]
முட்டை வடிவப் பழங்கள் 4-10 செ. மீ நீளமுடையன. அவற்றின் நிறம் மஞ்சள் முதல் செம்மஞ்சள், சிவப்பு, ஊதா எனப் பல உள்ளன. இவை தக்காளியைப் போன்ற சுவைகொண்டதாக உள்ளன. சாதாரண தக்காளி, செடியில் இருந்து பறித்த பழம் ஒரிரு நாளில் அழுகிவிடுகின்றன. ஆனால், மரத்தக்காளி பழங்கள் 7 முதல் 8 நாட்கள் வரை சாதாரணமாக கெடுவதில்லை. குறைந்த சீதோஷ்ண நிலையில் சுமார் 15 நாட்கள் வரை நன்றாக இருக்கும். சாதாரண தக்காளியைப் போல் இதை அப்படியே பயன்படுத்த முடியாது. தோலை சுற்றி கசக்கும் தன்மை இருக்கும். அதனால் தோலை நீக்கிவிட்டு, பயன்படுத்துகின்றனர்.[3]
| ஆக்கக்கூறு [g/100g] | எல்லை | ஆக்கக்கூறு [mg/100g] | எல்லை |
|---|---|---|---|
| நீர் அளவு | 81–87 | உயிர்ச்சத்து ஏ | 0.32–1.48 |
| புரதங்கள் | 1.5–2.5 | உயிர்ச்சத்து சி | 19.7–57.8 |
| கொழுப்பு | 0.05–1.28 | கல்சியதம் | 3.9–11.3 |
| நார்ப்பொருள் | 1.4–6.0 | மக்னீசியம் | 19.7–22.3 |
| மொத்த அமிலம் | 1.0–2.4 | இரும்பு | 0.4–0.94 |
உசாத்துணை[தொகு]
- ↑ "The Plant List: A Working List of All Plant Species". 2020-10-27 அன்று மூலம் பரணிடப்பட்டது. 2015-08-09 அன்று பார்க்கப்பட்டது.
- ↑ www.tamarillo.com
- ↑ "தக்காளிக்கு மாற்றாகுமா மரத்தக்காளி?". செய்திக் கட்டுரை. தி இந்து. 20 சூலை 2017. 20 சூலை 2017 அன்று பார்க்கப்பட்டது.
- ↑ Prohens, Jaime; Nuez, Fernando (2001). "The Tamarillo (Cyphomandra betacea): A Review of a Promising Small Fruit Crop". Small Fruits Review 1 (2): 43–68. doi:10.1300/J301v01n02_06.
வெளி இணைப்புக்கள்[தொகு]
- Audio interview on NPR: "Getting the Taste of the Tamarillo"
- Tamarillo Growers Association Marketing Page
- Tamarillo Fruit Facts – California Rare Fruit Growers பரணிடப்பட்டது 2020-05-07 at the வந்தவழி இயந்திரம்
- World Conservation Monitoring Centre 1998. Solanum betaceum. 2006 IUCN Red List of Threatened Species. Downloaded on 23 August 2007.