நெருக்கடிநிலைத் தரையிறக்கம்
நெருக்கடிநிலைத் தரையிறக்கம் என்பது விமானத்தின் பாதுகாப்பு, செயல்பாட்டிற்கு உடனடி அல்லது தொடர்ந்து வரும் அச்சுறுத்தலை உள்ளடக்கிய நெருக்கடிநிலைக்கு ஏற்ற வகையில் ஒரு விமானம் முன்கூட்டியே தரையிறங்குவது, அல்லது விமானத்தை நிறுத்துவதற்கான ஒரு பயணி அல்லது பணியாளர்களின் திடீர் தேவையை ( மருத்துவ நெருக்கடிநிலை போன்றவை) முன்னிட்டுத் தரையிறங்குவது, ஆகும். இது பொதுவாக அருகிலுள்ள அல்லது மிகவும் பொருத்தமான விமான நிலையம் அல்லது விமானத் தளத்திற்குக் கட்டாயமாகத் திருப்பி விடப்படுவதை உள்ளடக்குகிறது அல்லது விமானம் ஒரு விமானநிலையத்தை அடைய முடியாவிட்டால், விமான நிலையம் அல்லாத இடங்களில் தரையிறங்கலையும் உள்ளடக்கும். விமானநிலையத்தில் தரையிறங்குதல் . நெருக்கடிநிலை அறிவிப்பின்போது, மற்ற அனைத்து விமான நடவடிக்கைகளையும் விட, விமானப் போக்குவரத்துக் கட்டுப்பாட்டின் கீழ் உள்ள விமானங்களுக்கு முன்னுரிமை அளிக்கப்படும்.
வகைகள்[தொகு]
விமானங்களுக்கான பல்வேறு வகையான நெருக்கடிநிலைத் தரையிறக்கங்களில் திட்டமிட்ட தரையிறக்கம் அல்லது திட்டமிடப்படாத தரையிறக்கம் என இருவகைகள். உள்ளன:
- கட்டாயத் தரையிறக்கம் - இது தொழில்நுட்ப சிக்கல்கள் காரணமாக விமானம் தரையிறங்க வேண்டிய கட்டாயத்தில் உள்ள நிலையாகும். ஒருபெரிய கணினி தோல்வி ஏற்பட்டிருக்கலாம் அல்லது உடனடி ஏற்படவுள்ளதாக இருக்கலாம் என்பதால், எங்கு இருந்தாலும், விரைவில் தரையிறங்குவது முன்னுரிமை யாகும். பொறிகள், நீரியக்கவியல் அல்லது இறங்கும் பல்லிணைகள் போன்ற முதன்மை அமைப்புகளின் தோல்வி அல்லது சிதைவால் இது ஏற்பட்டால் ஓடுபாதை உள்ள இடத்தில் தரையிறங்க முயற்சிக்க வேண்டும், ஆனால்ஆத்தகைய் இடம் எதுவும் கிடைக்கவில்லையெனில். விமானி முதலில் விமானத்தை தரைக்குக் கொண்டு செல்ல முயலவேண்டும், இது கப்பலில் உள்ளவர்களுக்கு காயம் அல்லது இறப்பு ஏற்படுவதற்கான வாய்ப்பைக் குறைக்கவும். விபத்து அல்லது தள்ளிவைக்கும் வானிலை, சூழ்நிலைக் காரணிகளைத் தவிர்க்கவும் விமானம் இன்னும் பறக்கக்கூடியதாக இருக்கும்போதே கூட கட்டாயத் தரையிறக்கவேண்டியும் ஏற்படலாம்.
- முன்னெச்சரிக்கை தரையிறக்கம் தகவல் மட்டுப்படுத்தப்பட்ட ஓர் இடத்தில் செய்யும்
- திட்டமிட்ட தரையிறக்கம் ஆகும். இது விமான இயக்கத்தின்போது எதிர்பாராத மாற்றங்களாலோ அல்லது இயல்பற்ற அல்லது நெரூக்கடிநிலைச் சூழ்நிலைகளாலோ கூட இருக்கலாம். இது விமானத்தில் உள்ள சிக்கல்கள் அல்லது மருத்துவ அல்லது காவல் நெருக்கடிநிலையாலும் இருக்கலாம். விமானி விரைவில் தரையிறங்கும் இடத்தைக் கண்டுபிடித்து ஆய்வு செய்து, விமான நிலைமைகள் மோசமடைதல், வானிலை மோசமடைதல் அல்லது பிற காரணிகளால் கூடுதல் வரம்புகள் விதிக்கப்படுதல் வாய்ப்புகள் ஏற்படுமுன் தரையிறக்கவேண்டும்..
- தள்ளிவிடுதல் தண்ணீரில் மட்டுமே நடக்கும் கட்டாயத் தரையிறக்கம் ஆகும். முடக்கப்பட்ட விமானம் நீரின் மேற்பரப்பு வந்த பிறகு, நீரில் இறக்கப்படும். விமானம் மிதக்க வடிவமைக்கப்படாவிட்டால் பெரும்பாலும் மூழ்கிவிடும்; இருப்பினும் அது சிதைவைப் பொறுத்து சில மணிநேரம் மிதக்கவும் கூடும்.
வழிமுறைகள்[தொகு]
கட்டாயமாக தரையிறங்கும் போது பொறியின் திறன் இல்லை என்றால், ஒரு நிலையான இறக்கை விமானம் மிதந்தபடி நகர்கிறது, அதே சமயம் சுழலும் சிறகுகள் கொண்ட விமானம் (உலங்கூர்தி ) கட்டுப்பாட்டைப் பேண விமானத்தைக் காற்று வேகத்திற்கு ஏற்ற உயரத்தில் நிலைநிறுத்தி மெல்ல தரைக்குத் தானாகச் செல்கிறது . விமானிகள் பெரும்பாலும் "உருவகப்படுத்தப்பட்ட கட்டாயத் தரையிறக்கங்களை" பயிற்சி செய்கிறார்கள், இதில் பொறியின் செயலிழப்பும் கூட உருவகப்படுத்தப்படுகிறது. விமானி தரையிறங்கும் பகுதியைத் தேர்ந்தெடுத்து அதன் சிறந்த மிதக்கும் வேகத்தில் விமானத்தை மிதக்கவிட்டு விமானத்தைப் பாதுகாப்பாக தரைக்குக் கொண்டு செல்ல வேண்டும்.
விமானத்தின் ஊர்தல் அல்லது தன்னியக்கத் தொலைவுக்குள் பொருத்தமான தரையிறங்கும் இடம் இருந்தால், திட்டமிடப்படாத தரையிறக்கம் பெரும்பாலும் விமானத்திற்கு காயங்களோ அல்லது குறிப்பிடத்தக்க சிதைவோ ஏற்படுத்தாது, ஏனெனில் இயங்கும் விமானங்கள் பொதுவாக தரையிறங்கும் போது திறனைப் பயன்படுத்துவதில்லை. இலகுவகை விமானங்கள் பெரும்பாலும் வயல்கள், சாலைகள் அல்லது சரளை ஆற்றங்கரைகளில் (அல்லது தண்ணீரில், அவை மிதவை பொருத்தப்பட்டிருந்தால்) பாதுகாப்பாக தரையிறங்கலாம்; ஆனால் நடுத்தர, உயரெடை விமானங்களுக்கு பொதுவாக நீண்ட, செவ்விய ஓடுதள மேற்பரப்புகள் தேவைப்படுகின்றன, ஏனெனில் அவற்றின் உயர் எடை யும் அதிக தரையிறங்கும் வேகமுமே இதற்குக் கரணங்களாகும். எனவே, பெரும்பாலான பன்னாடுலாவும் விமானிகள் தற்போதைய நடைமுறையில் வழக்கமான தங்கள் தளத்திலிருந்து விலகியே இறங்குகிறார்கள்.
கட்டாயத் தரையிறங்கும் ஆராய்ச்சி[தொகு]
2003 ஆம் ஆண்டு முதல், ஆளில்லா வான்வழி ஊர்திகள் கட்டாயமாக தரையிறங்குவதைத் தன்னாட்சி முறையில் செயல்படுத்துவதற்கான ஆராய்ச்சி நடத்தப்பட்டது.[1]
குறிப்பிடத்தக்க முன்காட்டுகள்[தொகு]
பெரிய விமானங்களில் பல பொறிகளும் கூடுதல் தேக்க அமைப்புகளும் உள்ளன, எனவே கட்டாய தரையிறக்கங்கள் அவர்களுக்கு மிகவும் அருகலானவை; ஆனாலும் சில குறிப்பிடத்தக்க கட்டாயத் தரையிறக்கங்கள் ஏற்பட்டுள்ளன. ஒரு சிறந்த எடுத்துகாட்டு கிம்லி கிளைடர் எனும் ஏர் கனடா நிறுவன போயிங் 767, எரிபொருள் தீர்ந்து, 1983 ஜூலை 23 அன்று கனடாவின் மனிடோபாவில் உள்ள ஜிம்லியில் பாதுகாப்பாக தரையிறங்கியது. ஜூன் 1982 இல், பிரித்தானிய வான்வழி விமானம் 9, கோலாலம்பூரில் இருந்து பெர்த் செல்லும் வழியில் ஒரு போயிங் 747 எரிமலைச் சாம்பலில் பறந்து நான்கு இயந்திரங்களிலும் திறனை இழந்தது, அவற்றில் மூன்று பின்னர் மீட்கப்பட்டு, இறுதியில் ஜகார்த்தாவுக்குத் திருப்பி விடப்பட்டன. ஏப்ரல் 28, 1988 அன்று, அலோகா வான்வழி விமானம் 243, தோராயமாக 35 சதுர மீட்டர்கள் (380 sq ft) பரப்பளவில் வெடிக்கும் அமுக்கநீக்கத்தைச் சந்தித்தது. அலுமினியப் புறணி உடற்பகுதியில் இருந்து பிரிக்கப்பட்டு, விமானம் வெற்றிகரமாக ககுலுய் விமான நிலையத்திற்கு திருப்பி விடப்பட்டது, ஒரே ஒரு விபத்தில், விமானப் பணிப்பெண் கிளாராபெல் "சிபி" லான்சிங், அறையில் அழுத்தம் குறைந்ததால் வெளியேறினார்.[2]
_after_crashing_into_the_Hudson_River_(crop_2).jpg)
ஒரு மாதத்திற்குள், மற்றொரு 737, டாசா விமானம் 110, மோசமான வானிலை காரணமாக இரண்டு பொறிகளையும் இழந்தது, ஆனால் நியூ ஆர்லியன்சுக்கு வெளியே நாசாவின் மிச்சவுடு பூட்டுதல் ஏற்பாட்டு மைதானத்தில் ஒரு புல்வெளியில் வெற்றிகரமாக தரையிறங்க முடிந்தது, பயணிகளுக்கு சிறிய காயங்கலும் விமானத்திற்குச் சிறிதளவு சிதைவுகளும் ஏற்பட்டன. விசாரணைகள், பொறியை வழங்கும் CFM பன்னாட்டு நிறுவனத்தை, எதிர்கால மின் இழப்பைத் தடுக்க பொறி வடிவமைப்பை மாற்றியமைத்தது.
ஓராண்டு கழித்து, ஒன்றிய வான்வழி விமானம் 811, போயிங் 747, விமானத்தில் சரக்குக் கதவு பழுதடைந்து, 9 பயணிகளுடன் ஒரு பகுதியைப் பிரித்து, உள்ளக அழுத்தத்தை ஏற்படுத்தியது. விமானம் ஓனலுலு பன்னாட்டு விமான நிலையத்தில் வெற்றிகரமாக வேகமாக தரையிறக்கப்பட்டது.[3] மிககாண்மையி, ஆகத்து 24, 2001 அன்று அட்லாண்டிக் பெருங்கடலில் ஒரு ஏர்பஸ் ஏ330 என்ற ஏர் ட்ரான்சாட் விமானம் 236 எரிபொருள் தீர்ந்து, அசோரசில் வெற்றிகரமாக தரையிறங்கியது. நவம்பர் 1, 2011 அன்று, போயிங் 767 இலாட் போலந்து வான்வழி விமானம் 016, போலந்தின் ஃபிரடெரிக் சோபின் பன்னாட்டு விமான நிலையமான வார்சாவில் மய்ய நீரியல் அமைப்பு செயலிழந்ததால், எந்தக் காயமும் இல்லாமல் வயிற்றுமுறையில் தரையிறங்கியது.[4]
ஏப்ரல் 4, 1977 அன்று தெற்கு வான்வழி நிறுவன விமானம் 242 இல் ஓரளவு வெற்றிகரமான நேர்ச்சித் தரையிறக்கநிலை இருந்தது. DC-9 ஆலங்கட்டி மழை, இடியுடன் கூடிய அடர்மழை காரணமாக அதன் இரண்டு பொறிகளையும் இழந்தது, மேலும் விமான நிலையத்திற்குச் செல்ல முடியாமல், அமெரிக்காவின் ஜார்ஜியாவில் உள்ள நியூ கோப் அருகே நெடுஞ்சாலையில் கட்டாயமாக தரையிறங்கியது. விமானம் வன் தரையிறக்கம் உற்றது. மேலும் அதிக அளவு எரிபொருளை எடுத்துச் சென்றதால் அது தீப்பிடித்து, பெரும்பாலான பயணிகளையும் தரையில் இருந்த பலரையும் கொன்றது.
விமானங்கள் அடிக்கடி நெருக்கடிந்லையில் தரையிறங்குகின்றன, மேலும் அவை அனைத்தும் சீரற்றவையாக. இருப்பதோடு, அவற்றின் உள்ளார்ந்த நிலைப்பின்மை காரணமாகவும் அவை நேர்ச்சி தவிர்க்க விரைவாகத் தரையிறங்கும் சில குறிப்பிடத்தக்க நிகழ்வுகளில் ஒன்றிய வான்வழி நிறுவன விமானம் 232 அடங்கும், இது ஜூலை 19, 1989 அன்று அமெரிக்காவின் அயோவாவின் சியோக்சு நகரில் தரையிறங்கும் போது பிரிந்தது; மேலும் ஏர் கனடா விமானம் 797, ஜூன் 2, 1983 அன்று சின்சினாட்டி/வடக்கு கென்டக்கி பன்னாட்டு விமான நிலையத்தில் தரையிறங்கிய பிறகு, உள்ளகத்தில் ஏற்பட்ட தீ விபத்துக்குப் பிறகு எரிந்தது.
அயர்லாந்தில் உள்ள சானன் விமான நிலையத்தில், அட்லாண்டிக் விமானங்களில் இருந்து அதிக எண்ணிக்கையிலான நெருக்கடிநிலைத் தரையிறக்கங்கள் ஏற்படுகின்றன; ஏனெனில் இது தான் கிழக்கு நோக்கி கடல் கடந்து செல்லும் வழியில் உள்ள ஒரே முதல் பெரிய விமான நிலையமாகும்.[5]
ஏப்ரல் 29, 2007 அன்று, மான்செஸ்டர் (யுகே) விமான நிலையத்திலிருந்து புறப்படும் போயிங் 757 விமானத்தின் வலது இயந்திரத்தில் ஒரு பறவை உட்புகுந்தது, விமானம் ஓடுபாதையில் இருந்து சுழன்றபடி (விமானம் தாம்சன் 253H). விமானி வெற்றிகரமாக முன்னெச்சரிக்கையாக தரையிறக்கினார்.[6]
மேற்கோள்கள்[தொகு]
- ↑ Daniel Fitzgerald. "UAV Forced Landing Research". Daniel Fitzgerald. Archived from the original on 2007-09-27.
- ↑ NTSB, Aloha Airlines, Flight 243, Boeing 737-200, N73711, National Transportation Safety Board
- ↑ NTSB, Explosive Decompression – Loss of Cargo Door in Flight, United Airlines Flight 811 Boeing 747-122, N4713U, National Transportation Safety Board
- ↑ "Newark flight makes emergency landing in Poland". http://edition.cnn.com/2011/11/01/world/europe/poland-plane/?hpt=tr_c2.
- ↑ "Record number of emergency landings at Shannon as planes forced to divert". 31 December 2016.
- ↑ "Pilot lands jet after bird strike". 29 April 2007. http://news.bbc.co.uk/2/hi/uk_news/england/manchester/6606375.stm.. For an amateur video of the incident, see .