நிதா பாஸ்லி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
நிதா பாஸ்லி نِدا فاضلی

நிதா பாஸ்லி (சண்டிகர், 2014 சனவரி 28)
தொழில் கவிஞர், புதின ஆசிரியர், பாடலாசிரியர்
நாடு இந்தியன்

முக்திதா அசன் நிதா பாஸ்லி (ஆங்கிலம்: Muqtida Hasan Nida Fazli) (பிறப்பு:1938 அக்டோபர் 12 - இறப்பு 2016 பிப்ரவரி 8) இவர் ஒரு பிரபல இந்திய இந்திக் கவிஞரும் மற்றும் உருது கவிஞரும், பாடலாசிரியரும் மற்றும் உரையாடல் எழுத்தாளருமாவார். [1] இலக்கியத்தில் அவர் ஆற்றிய பங்களிப்புக்காக இந்திய அரசால் 2013 இல் பத்மஸ்ரீ விருது வழங்கப்பட்டது.

ஆரம்பகால வாழ்க்கை மற்றும் பின்னணி[தொகு]

இந்தியாவின் தில்லியில் காசுமீரி குடும்பத்தில் பிறந்த நித பாஸ்லி குவாலியரில் வளர்ந்தார், அங்கு அவர் பள்ளிப் படிப்பை முடித்தார். பின்னர் ஆங்கில இலக்கியம் பயின்றார். [2] இவரது தந்தையும் ஒரு உருதுக் கவிஞர். இந்தியாவைப் பிரித்தபோது, அவரது பெற்றோர் பாக்கித்தானுக்கு குடிபெயர்ந்தனர். ஆனால் பாஸ்லி இந்தியாவிலேயே தங்க முடிவு செய்தார். [3]

தொழில்[தொகு]

சண்டிகரில் உள்ள சாசன்-இ-ஹரியானாவில் 2014 சனவரி 28 அன்று பாஸ்லி

இளம் வயதில், பாஸ்லி ஒரு இந்து கோவிலைக் கடந்து செல்லும்போது அங்கு ஒரு பாடகர் சூர்தாசரின் ஒரு பாடலை பஜனையாகப் பாடிக்கொண்டிருந்தார். ராதா தனது காதலரான கிருட்டிணரிடமிருந்து பிரிந்த தனது துக்கத்தை வேலைக்காரிகளுடன் பகிர்ந்து கொள்கிறார். கவிதையின் அழகு, மனிதர்களுக்கிடையேயான நெருங்கிய உறவு மற்றும் பிணைப்பு தொடர்பானது, நிதாவை கவிதைகள் எழுதத் தூண்டியது. [4]

அந்த காலகட்டத்தில், உருது கவிதைகளில் வரம்புகள் இருப்பதாக அவர் உணர்ந்தார். அவர் விரும்பியதை வெளிப்படுத்த மிர் மற்றும் காலிப்பின் சாரத்தை அவர் உள்வாங்கினார். மீரா மற்றும் கபீரின் பாடல் மனநிலையால் ஈர்க்கப்பட்ட அவர், டி.எஸ். எலியட், கோகோல் மற்றும் அன்டன் செக்கோவ் ஆகியோரைப் படிப்பதன் மூலம் கவிதை குறித்த தனது அறிவை விரிவுபடுத்தினார். [5]

1964 இல் வேலை தேடி மும்பைக்கு சென்றார். தனது தொழில் வாழ்க்கையின் ஆரம்ப நாட்களில், தர்மயுக் மற்றும் பிளித்சு ஆகிய இதழ்களில் எழுதினார். அவரது கவிதை பாணி திரைப்பட தயாரிப்பாளர்கள் மற்றும் இந்தி மற்றும் உருது இலக்கிய எழுத்தாளர்களின் கவனத்தை ஈர்த்தது. ஒருவரின் சொந்த கவிதைகளின் மதிப்புமிக்க பாராயண அமர்வுகளான முசைராசுக்கு அவர் அடிக்கடி அழைக்கப்பட்டார். அவரது நேர்த்தியான விளக்கக்காட்சி மற்றும் கசல்கள் (இசை), தோகாக்கள் மற்றும் நாம்களுக்கான பேச்சுவழக்கு மொழியை பிரத்தியேகமாகப் பயன்படுத்தியதற்காக வாசகர்கள் மற்றும் கசல் பாடகர்களிடையே அவர் அறியப்பட்டார் அதே நேரத்தில் அலங்கரிக்கப்பட்ட பாரசீக உருவங்களையும், அவரது கவிதைகளை எளிமையாக்க கூட்டு சொற்களையும் தவிர்த்தார். அறுபதுகளின் சமகால கவிஞர்களை விமர்சிக்கும் கட்டுரைகளை அவர் தனது முலாக்கதீன் புத்தகத்தில் எழுதினார். இது சாகிர் இலூதியன்வி, அலி சர்தார் ஜாஃப்ரி மற்றும் கைஃபி ஆஸ்மி உள்ளிட்ட கவிஞர்களை ஆத்திரப்படுத்தியது. இதன் விளைவாக, அவர் சில கவிதை அமர்வுகளில் புறக்கணிக்கப்பட்டார். கமல் அம்ரோகி என்ற திரைப்படத் தயாரிப்பாளர் அவரை அணுகியபோது அவரது வாழ்க்கை மேம்பட்டது. இரசியா சுல்தான் என்றத் (1983) திரைப்படத்தில் பணிபுரியும் அசல் பாடலாசிரியர் ஜான் நிசார் அக்தர் இந்த திட்டத்தை முடிப்பதற்குள் இறந்துவிட்டார். நித இறுதி இரண்டு பாடல்களை எழுதினார். இது இந்தி திரைப்பட தயாரிப்பாளர்களை ஈர்த்தது . [6]

அவரது புகழ்பெற்ற பாடல் வரிகள் ஆப், ஐஸ் ராத் கி சுபா நஹின் (1996) மற்றும் குடியா ஆகியவையிலும் பயன்படுத்தப்பட்டன . சைலாப், நீம் கா பெட், ஜானே க்யா பாத் ஹுய் மற்றும் ஜோதி போன்ற தொலைக்காட்சித் தொடர்களின் தலைப்பு பாடலை எழுதினார். கவிதா கிருஷ்ணமூர்த்தி பாடிய மற்றொரு பிரபலமான தொகுப்பு "கோய் அகேலா கஹான்". அவரது கசல்கள் மற்றும் பிற பாடல்களை அன்றைய பல பிரபல கலைஞர்கள் பாடியுள்ளனர். அவர் 1994 ஆம் ஆண்டில் ஜக்ஜித் சிங்குடன் இணைந்து இன்சைட் என்ற இசைத்தொகுப்பைக் கொண்டுவந்தார். அதன் ஆத்மார்த்தமான கவிதை மற்றும் இசைக்கு பாராட்டு கிடைத்தது. இறப்பதற்கு சற்று முன்பு பிபிசி இந்தி வலைத்தளத்திற்கு பல்வேறு சமகால பிரச்சினைகள் மற்றும் இலக்கியங்கள் குறித்து பத்திகள் எழுதினார். [7] மிர்சா காலிப்பின் படைப்புகள் பெரும்பாலும் அவரால் குறிப்பிடப்பட்டன.

வகுப்புவாத நல்லிணக்கத்திற்கான பங்களிப்பு[தொகு]

நிதா பாஸ்லி இந்தியாவின் பிரிவினையை ஏற்கவில்லை. வகுப்புவாத கலவரங்கள், அரசியல்வாதிகள் மற்றும் அடிப்படைவாதத்திற்கு எதிராக பேசியுள்ளார். [8] 1992 டிசம்பரில் நடந்த கலவரத்தின்போது, பாதுகாப்பு காரணங்களுக்காக அவர் தனது நண்பரின் வீட்டில் தஞ்சம் புகுந்தார். [9]

வகுப்புவாத நல்லிணக்கம் குறித்து எழுதியதற்காக அவருக்கு தேசிய இணக்க விருது வழங்கப்பட்டது. அவர் உருது, இந்தி மற்றும் குஜராத்தி மொழிகளில் 24 புத்தகங்களை எழுதினார் - அவற்றில் சில மகாராட்டிராவில் பள்ளி பாடப்புத்தகங்களாக் வைக்கப்பட்டுள்ளன. அவரது சில படைப்புகள் இலட்சக்கணக்கான மாணவர்கள் படிக்கும் தேசிய கல்வி ஆராய்ச்சி மற்றும் பயிற்சி இந்தி பாடப்புத்தகங்களிலும் உள்ளன. [10] அவர் தனது சுயசரிதை புதினமான தீவரன் கே பிச்சிற்காக மிர் தாகி மிர் விருதை மத்திய பிரதேச அரசிடமிருந்து பெற்றார். [11]

இறப்பு[தொகு]

2016 பிப்ரவரி 8 அன்று மாரடைப்பால் பாஸ்லி இறந்தார். [2] [12] [13]

விருதுகள்[தொகு]

  • 1998 இல் கோயா கூவா சா குச் (கவிதைத் தொகுப்பு) க்கான உருது மொழி சாகித்திய அகாதமி விருது [14]
  • 2003 இல் சூர் என்ற படைப்பிற்காகஸ்டார் ஸ்கிரீன் சிறந்த பாடலாசிரியருக்கான விருது க்கான
  • 2003 பாலிவுட் திரைப்பட விருது - சிறந்த பாடலாசிரியருக்கான சூர் மற்றும் ஆ பீ ஜா
  • 2013 பத்மஸ்ரீ ; இந்திய அரசு. [15]
  • தேவ் (2004) (இணை எழுத்தாளர்)
  • யாத்திரை (2006)

குறிப்புகள்[தொகு]

  1. "When writing poetry becomes a 'business'" (6 August 2007).
  2. 2.0 2.1 Ghosh, Avijit (8 February 2016). "Noted Urdu poet and Bollywood lyricist Nida Fazli passes away". The Times of India. http://timesofindia.indiatimes.com/india/Noted-Urdu-poet-and-Bollywood-lyricist-Nida-Fazli-passes-away/articleshow/50905644.cms. பார்த்த நாள்: 10 February 2016. 
  3. Press Trust of India (8 February 2016). "Poet behind 'Hosh waalon Ko Khabar Kya', Nida Fazli, passes away at 78". Daily News and Analysis. http://www.dnaindia.com/india/report-poet-behind-hosh-waalon-ko-khabar-kya-nida-fazli-passes-away-at-78-2175367. பார்த்த நாள்: 10 February 2016. 
  4. Farook, Farhana (8 February 2016). "Nida Fazli's last Filmfare interview". Filmfare. http://www.filmfare.com/features/nida-fazlis-last-filmfare-interview-12118.html. பார்த்த நாள்: 10 February 2016. 
  5. Khurana, Suanshu (9 February 2016). "He poured far too much of heart and reality into his poetry". The Indian Express. http://indianexpress.com/article/entertainment/music/he-poured-far-too-much-of-heart-and-reality-into-his-poetry/. பார்த்த நாள்: 10 February 2016. 
  6. "Noted Urdu poet Nida Fazli exhorts people to be human" (24 September 2013).
  7. "यादों का एक शहर...". BBC.
  8. Sharma, Ankur (14 January 2013). "मैंने अमिताभ को कसाब नहीं कहा: निदा फाजली" (hindi). OneIndia.com. மூல முகவரியிலிருந்து 10 August 2014 அன்று பரணிடப்பட்டது.
  9. "Noted Poet Nida Fazli to visit city on September 22". City Air News (20 September 2013).
  10. https://www.indiatoday.in/education-today/news/story/over-31-lakh-candidates-to-appear-for-board-exam-2019-class-12-exam-begins-tomorrow-1455724-2019-02-14
  11. "Didn't Compare Amitabh With Kasab: Nida Fazli".
  12. Sahadevan, Sonup (8 February 2016). "Industry greats remember late Nida Fazli". The Indian Express. http://indianexpress.com/article/entertainment/bollywood/industry-greats-remember-late-nida-fazli/. பார்த்த நாள்: 10 February 2016. 
  13. "Urdu poet Nida Fazli dies at 78" (8 February 2016).
  14. "SAHITYA Akademi Awards :Urdu". Sahitya Akademi Award.
  15. "Poet behind 'Hosh waalon Ko Khabar Kya', Nida Fazli, passes away at 78". http://www.dnaindia.com/india/report-poet-behind-hosh-waalon-ko-khabar-kya-nida-fazli-passes-away-at-78-2175367. பார்த்த நாள்: 10 February 2016. 

வெளி இணைப்புகள்[தொகு]

"https://ta.wikipedia.org/w/index.php?title=நிதா_பாஸ்லி&oldid=2876232" இருந்து மீள்விக்கப்பட்டது