துரு

துரு (Rust) என்பது இரும்புத் துருப்பிடித்தலின் போது உருவாகும் சேர்மம் ஆகும். இரும்பானது நீர் மற்றும் ஆக்சிஜன் நிலவுகையின் போது துரு பிடிக்கும் (கபில நிறம்). சிலவகைத் துருவானது இரும்புக் குளோரைடுடன் தாக்கமடையும் போது உருவாகும். இது பச்சை நிறத்தில் காணப்படும். துருவானது இரும்பு(மூன்று)ஆக்சைடாலும் இரும்பு(மூன்று) ஆக்சைட்-ஐட்ராக்சைடாலும் ஆனது.^[1]^[2]^[3]

ஏனைய உலோகங்களின் ஆக்சைட்டுகள் அவற்றுக்குக் கீழுள்ள உலோகத்தைப் பாதுகாக்கும். உதாரணமாக செப்பு ஆக்சைடு அதன் கீழுள்ள செப்புப் படைகள் ஆக்சியேற்றப்படுவதிலிருந்து பாதுகாக்கும். எனினும் இரும்பின் துருவானது அதற்குக் கீழுள்ள இரும்பின் துரு பிடித்தலை மேலும் விரைவுபடுத்தும். எனவே சரியான காலம் வழங்கப்படும் போது துரு பிடிக்கும் இரும்பானது முழுமையாக அரிக்கப்பட்டு விடும்.

இரசாயனத் தாக்கங்கள்

இரும்புத் துரு உருவாகும் வேதியற் தாக்கமானது அமிலம் அல்லது உப்புக்கள் நிலவுகையில் வேகமாக்கப்படும். சுத்தமான நீர் அல்லது ஈரப்பதமற்ற ஆக்சிஜன் மட்டும் உள்ள போது இரும்பில் இருந்து துரு உருவாகாது. இரண்டும் இருக்கும் போது இரும்புத் துருப்பிடிக்கும். ஆக்சிஜனோடு மட்டும் இரும்பு தாக்கமடையும் போது உருவாகும் ஆக்சைடுப் படை இரும்பைப் பாதுகாக்கும். எனினும் நீர் மற்றும் ஆக்சிஜன் இணைந்து இரும்புடன் தாக்கமடையும் போதே பாதிப்பு ஏற்படுத்தும் போது துரு உருவாகும்.

துரு உருவாகும் முதற் செயற்பாடாக இரும்பில் இருந்து பெறப்படும் எதிர்மின்னிகள் மூலம் ஆக்சிஜன் தாழ்த்தப்படும்:

O₂ + 4 e⁻ + 2 H₂O → 4 OH⁻

மேலுள்ள தாக்கத்தின் விளைவாக ஐட்ரோசைட் அயன்கள் உருவாவதால் இச்செயற்பாடு அமிலங்களால் மாற்றுவிக்கப்படும். மேலும் பல உலோகங்கள் குறைந்த காரத்தன்மைச் சுட்டெண்டில் (அமிலத் தன்மையில்) அரிமானம் அடைவனவாகும். இவ்வாறு எதிர்மின்னிகள் வெளியேற்றப்படுவதால் இரும்பு ஆக்சியேற்றப்படும்:

Fe → Fe²⁺ + 2 e⁻

நீருள்ள போது உருவாகும் பின்வரும் தாக்கமானது துரு உருவாவதில் முக்கியப் பங்கு வகிக்கின்றது:

4 Fe²⁺ + O₂ → 4 Fe³⁺ + 2 O²⁻

Fe²⁺ + 2 H₂O ⇌ Fe(OH)₂ + 2 H⁺

Fe³⁺ + 3 H₂O ⇌ Fe(OH)₃ + 3 H⁺

எனவே துரு உருவாகும் வேதியல் தாக்கங்களைப் பின்வாறு தொகுக்கலாம்:

Fe(OH)₂ ⇌ FeO + H₂O

Fe(OH)₃ ⇌ FeO(OH) + H₂O

2 FeO(OH) ⇌ Fe₂O₃ + H₂O

தடுத்தல்

இரும்பு அன்றாட வாழ்வில் மிக முக்கியமான உலோகம் என்பதால் இரும்பு துருபிடித்தல் தடுக்கப்பட வேண்டிய ஒன்றாகும். எனவே பல்வேறு முறைகள் இதில் பயன்படுத்தப்படுகின்றன.

துரு பிடிக்காத கலப்புஉலோகப் பயன்பாடு. எடுத்துக்காட்டாக, துரு பிடிக்காத உருக்கு.
கல்வனைசுப்படுத்தல்: இரும்பை விட தாக்குதிறன் அதிகமான உலோகத்தை இரும்பு மீது பதித்தல்.
கதோட்டுப் பாதுகாப்பு.
பூச்சு பூசுதல்.
ஈரப்பதத்தைக் கட்டுப்படுத்தல்.

மேற்கோள்கள்

↑ "Rust, n.1 and adj". OED Online (in ஆங்கிலம்). Oxford University Press. June 2018. Retrieved 7 July 2018.
↑ "Interview, David Des Marais". NASA. 2003. Archived from the original on 2007-11-13.
↑ Ankersmit, Bart; Griesser-Stermscheg, Martina; Selwyn, Lindsie; Sutherland, Susanne. "Rust Never Sleeps: Recognizing Metals and Their Corrosion Products" (PDF). depotwijzer. Parks Canada. Archived (PDF) from the original on 9 August 2016. Retrieved 23 July 2016.

வெளி இணைப்புகள்

விக்சனரியில் துரு என்னும் சொல்லைப் பார்க்கவும்.

corrosion case studies Analysis of corrosion
Corrosion Doctors Rusting article

[1] "Rust, n.1 and adj". OED Online (in ஆங்கிலம்). Oxford University Press. June 2018. Retrieved 7 July 2018.

[2] "Interview, David Des Marais". NASA. 2003. Archived from the original on 2007-11-13.

[3] Ankersmit, Bart; Griesser-Stermscheg, Martina; Selwyn, Lindsie; Sutherland, Susanne. "Rust Never Sleeps: Recognizing Metals and Their Corrosion Products" (PDF). depotwijzer. Parks Canada. Archived (PDF) from the original on 9 August 2016. Retrieved 23 July 2016.

[1]

[2]

[3]