திருதராட்டிரன் (பௌத்தம்)

திருதராட்டிரன்

திருதராட்டிரன் பௌத்தத்தில் ஒரு முக்கிய தெய்வம் மற்றும் நான்கு பரலோக மன்னர்களில் ஒருவர். அவரது பெயர் "தேசத்தை நிலைநிறுத்துபவர்" என்று பொருள் தரும்.

பெயர் காரணம்

திருதராட்டிரன் என்ற பெயர் திருதா (உடைமை; தாங்குதல்) மற்றும் ராட்டிரா (ராஜ்யம்; பிரதேசம்) ஆகிய வார்த்தைகளின் சமசுகிருத கலவையாகும். இவருடைய மற்ற பெயர்கள் பின்வருமாறு:

• பாரம்பரிய சீனம் : 持國天; எளிமைப்படுத்தப்பட்ட சீனம் : 持国天; பின்யின் : சிகுயோ தியான்; சப்பானிய மொழி: ஜிகோகுடென்; கொரியன் மொழி : 지국천 ஜிகுக் சியோன்; வியட்நாமிய மொழி: திரை குவோக் தின் (Trì Quốc Thiên), சமஸ்கிருத திருதராஷ்டிரத்தின் கல்கு
• பாரம்பரிய சீனம் : 提頭頼吒; எளிமைப்படுத்தப்பட்ட சீனம் : 提头赖吒; பின்யின் : டிடோஉலைசா; சப்பானிய மொழி:டைஸுரதா; கொரியன் : 제두뢰타; தகலாகு மொழி: தளடளஸ்ட்லா; வியட்நாமிய மொழி:டே-டது-லாய்-ற்ற. இது அசல் சமஸ்கிருதப் பெயரின் ஒலிபெயர்ப்பு.
• திபெத்தியன் மொழி : ཡུལ་འཁོར་སྲུང, வைலி: யுல் 'கோர் ஸ்ருங், யுல்கோர் சங்', "பகுதியின் பாதுகாவலர்"
• தாய் மொழி : ท้าวธตรฐ தாவோ தடாரோட் என்பது பாளி ததரதத்தின் நவீன உச்சரிப்பு ஆகும்

சிறப்பியல்புகள்

கிழக்கு திசையின் பாதுகாவலர் திருதராட்டிரர். அவர் சுமேருவின் கிழக்குப் பகுதியில் வசிக்கிறார். அவர் கந்தர்வர்கள் மற்றும் பிசாசுகளின் தலைவர்.

திருதராட்டிரரின் பெரும்பாலான கிழக்கு ஆசிய சித்தரிப்புகள் அவர் வீணை வாசிப்பதைக் காட்டுகின்றன, ஆனால் இந்த மையக்கருத்தின் இருப்பு மாறுபடுகிறது.

தேரவாதம்

தேரவாத பௌத்தத்தின் நியதியில், திருதராட்டிரர் ததரதத்தன் என்று அழைக்கப்படுகிறார். ததரதத்தன் சதுமஹாராஜனோ அல்லது "நான்கு பெரிய அரசர்களில்" ஒருவர். ஒவ்வொருவரும் ஒரு குறிப்பிட்ட திசையில் ஆட்சி செய்கிறார்கள். அவருக்கு "இந்திரன்" என்ற பட்டப்பெயர் கொண்ட பல மகன்களும், சிரி என்ற மகளும் உள்ளனர்.

சீனா

சீனாவில், திருதராட்டிரர் இசையின் கடவுளாகக் கருதப்படுகிறார். சீன பௌத்த உருவப்படத்தில், அவர் தனது கைகளில் ஒரு பைபாவை வைத்திருக்கிறார். இது உணர்வுள்ள மனிதர்களை புத்த மதத்திற்கு மாற்ற இசையைப் பயன்படுத்துவதற்கான அவரது விருப்பத்தைக் குறிக்கிறது. அவர் இருபது தேவர்கள் அல்லது இருபத்தி-நான்கு தேவர்கள் அல்லது பௌத்த தர்மபாலர்களைப் பாதுகாக்கும் ஒரு குழுவாகவும் கருதப்படுகிறார். சீனக் கோயில்களில், மற்ற மூன்று பரலோக அரசர்களுடன் அவர் பெரும்பாலும் நான்கு பரலோக அரசர்களின் மண்டபத்தில் வைக்கப்படுகிறார். அவரது பெயர் எதிரிகளுக்கு எதிராக ஒரு நாட்டை ஆதரிக்க அவர் உதவ முடியும் என்ற நம்பிக்கையைக் குறிக்கிறது.

சப்பான்

சப்பானில், சிகோகுடென் பொதுவாக கடுமையான வெளிப்பாட்டுடன் சித்தரிக்கப்படுகிறது. அவர் கவசம் அணிந்திருப்பார், அடிக்கடி வாள் அல்லது திரிசூல ஈட்டியைக் கொண்டிருப்பர்.

நாக ராஜா

முற்றிலும் தனியான நபராக இருந்தாலும், பௌத்த இலக்கியத்தில் திருதராஷ்டிரா என்ற நாக அரசரும் இடம்பெற்றுள்ளார். அவர் கடந்தகால வாழ்க்கையில் கௌதம புத்தரின் தந்தையாக இருந்தார், பிந்தையவர் பூரிதத்தா என்ற போதிசத்துவராக இருந்தார். பூரிதத்த ஜாதகத்தில் அவரது கதையைக் காணலாம். மஹாமாயுரி வித்யாராஜ்ஞி சூத்திரம் மற்றும் மஹாமேகா சூத்திரம் உட்பட பல மகாயான சூத்திரங்களிலும் அவர் குறிப்பிடப்பட்டுள்ளார்